ПФ-270-сон ва ПФ-58-сон фармонлари бўйича қўшимча ишланмайдиган кунлар қандай тақдим қилинади

«Биз бюджетдан ташқари ташкилотмиз. ПФ-35-сон 3-б. 5-хатбошига мувофиқ (01.01.2023 йилдан бошлаб кучини йўқотган) бюджетдан ташқари ташкилотларда қўшимча ишланмайдиган кунлар молиявий имкониятлардан келиб чиққан ҳолда ва касаба уюшмаси қўмиталари билан келишилган ҳолда маҳаллий ҳужжатларга мувофиқ белгиланади. Амалдаги ПФ-270-сон фармонда бундай банд ва унга ўзгартиришлар йўқ. Қўшимча ишланмайдиган кунлар бўлган 2 январь, 24 апрель ва 30 июнни беш кунлик иш ҳафтаси учун дам олиш кунлари (шанба ва якшанба каби) деб ҳисоблаш керакми? Ёки ушбу қўшимча ишланмайдиган кунларни ташкилотнинг молиявий имкониятларидан келиб чиққан ҳолда ҳақ тўланадиган таътил кунлари сифатида тақдим эта оламизми?».

Саволга эксперт ва «Норма» кадрлар хизмати раҳбари Валерия ЛЯНДРЕС жавоб берди:

– 20.12.2021 йилдаги ПФ-35-сон фармони ўз кучини йўқотгани сабабли, 2023 йил 1 январдан бошлаб қўшимча ишланмайдиган кунлар барча мулкчилик шаклидаги ташкилотларда меҳнат таътиллари давомийлигини қисқартириш ҳисобига эмас, балки таътил кунлари ҳисоб-китобига киритилмайдиган қўшимча дам олиш кунлари сифатида тақдим этилади.

2023 йил 24 апрель, душанба ҳам қўшимча дам олиш куни бўлганига ва тегишинча, беш кунлик иш ҳафтаси учун кўчириш 24 апрелдан 29 апрелга назарда туилган ПФ-270-сон фармоннинг 3-бандидан Фармоннинг 1-бандига кўчирилганига қаратамиз.

Шундай қилиб, 2023 йилда ПФ-58-сон Фармон билан киритилган ўзгаришларни ҳисобга олган ҳолда:

1) қўшимча ишланмайдиган кунлар:

• иш ҳафтасининг туридан қатъи назар: 2 январь ва 24 апрель кунларининг душанбаси (ҳозирги даврда аллақачон фойдаланилган), 30 июнь, жума;
• олти кунлик иш ҳафтасида ишловчи ходимлар учун: 3 январь сешанба, 20 март душанба, 22 март чоршанба, 22 апрель шанба (ҳозирги даврда  фойдаланиб бўлинган); 1 июль, 2 сентябрь ва 30 декабрь кунларининг шанбаси;

2) беш кунлик иш ҳафтасида ходимларнинг кўчирилган дам олиш кунлари (ҳозирги даврда фойдаланиб бўлинган ва ишлаб берилган):

• 7 январь шанбадан - 3 январь сешанбага;
• 11 март шанбадан - 20 март душанбага;
• 25 март шанба кунидан - 22 март чоршанбага.

Мавзу бўйича қўшимча материаллар:

• ПФ-270-сон фармонни ҳисобга олган ҳолда таътилларга қандай тузатиш киритиш керак;
• 2023 йил апрель ойида Рамазон ҳайитини нишонлаш муносабати билан неча кун дам оламиз.