2023 yilda 5 kunlik ish haftasi uchun «Roʻza hayit»da dam olish koʻchiriladimi

«2023 yil 22 aprel «Roʻza hayit» bayrami deb e’lon qilingan. 5 kunlik ish haftasida sana dam olish kuniga (shanba) toʻgʻri kelgani sababli yangi Mehnat kodeksining 208-moddasiga muvofiq bu bayram ish kuni – 2023 yil 25 aprelga koʻchirilishini anglatadimi?». 

Savolga ekspert va «Norma» kadrlar хizmati rahbari Valeriya LYaNDRES javob berdi:

– Yangi MK faqat 2023 yil 30 apreldan boshlab kuchga kiradi. Tegishincha, agar dam olish kuni ishlanmaydigan bayram kuniga toʻgʻri kelsa, dam olish kuni bayramdan keyingi ish kuniga koʻchirilishi toʻgʻrisidagi qoida , faqat 2023 yil 30 apreldan amal qiladi.

Amaldagi MKda bunday qoidalar nazarda tutilmagan. Shuning uchun PF-270-son Prezident Farmoni va 2023 yil uchun tasdiqlangan ish vaqti taqvimiga koʻra quyidagi rejim oʻrnatilgan:

• 21 aprel – qisqartirilgan ish kuni ;
• 22 aprel – Roʻza hayit bayrami;
• 23 aprel – barcha ish rejimlari uchun dam olish kuni ;
• 24 aprel** – ishlanmaydigan kun:

– 5 kunlik ish haftasi uchun ish 29 aprel, shanba kuni ishlab berish belgilangan ;

– 6 kunlik ish haftasi uchun – qoʻshimcha ishlanmaydigan kun .

2023 yilda faqat 1 oktyabr – Oʻqituvchi va murabbiylar kuni MKning 208-modda 2-qism qoidalariga toʻgʻri keladi. Ushbu dam olish kuni barcha ish rejimlari uchun 2 oktyabrga koʻchiriladi.