Staj davomiyligi qanday hisoblanadi – lavozim boʻyichami yoki ishga kirgan sanadanmi

«Direktor oʻrinbosari ushbu lavozimda 2016 yil 1 apreldan to hozirgi kunga qadar ishlaydi. 2023 yil may oyidan boshlab u navbatdagi ta’tilga ariza yozdi. Yangi MK boʻyicha toʻliq ish yili uchun direktor oʻrinbosariga necha kunlik ta’til berilishi kerak? Ulardan necha kunini toʻlashimiz kerak?»

Savolga «Norma» eksperti Valeriya LYaNDRES javob berdi:

– Bitta tashkilotda yoki tarmoqda koʻp yillik ish staji oхirgi lavozimda ishlash davridan emas, balki tashkilotda (tarmoqda) ishga qabul qilingan sanadan boshlab hisoblab chiqariladi.

Mehnat kodeksi haq toʻlanadigan har yilgi asosiy mehnat ta’tilining eng kam davomiyligini belgiladi – yigirma bir kalendar kun .

Yangi mehnat kodeksiga muvofiq qoʻshimcha yoki uzaytirilgan ta’tillar egallab turgan lavozimga bogʻliq emas. Ammo har bir tashkilot ichki hujjatlar yoki ish beruvchi va хodim oʻrtasidagi kelishuv boʻyicha asosiy mehnat ta’tilining boshqa (oshirilgan) miqdorini belgilashga haqli, ammo kamida 21 kalendar kun.

Koʻp yillik ish staji uchun haq toʻlanadligan qoʻshimcha ta’til asosiy ta’tilga qoʻshiladi:

• 5 yillik ishdan keyin – qoʻshimcha ta’tilning 2 kalendar kuni;
• 10 yillik ish uchun – qoʻshimcha ta’tilning 4 kalendar kuni;
• 15 yillik ish uchun – qoʻshimcha ta’tilning 6 kalendar kuni;
• 20 yillik ish uchun – qoʻshimcha ta’tilning 8 kalendar kuni.

MK 220-m. 1-qismga muvofiq bitta tashkilotda yoki tarmoqda 20 yildan ortiq ish stajida bu asos boʻyicha qoʻshimcha kunlar miqdori endi oʻzgarmaydi.

Ta’tilni taqdim qilishda hisob-kitobga ta’til boshlanish sanasini emas, balki ta’til beriladigan davrni (ish yilini) hisobga oling . Bu haqda bu yerda yozganmiz:

• Yangi MK boʻyicha ta’tilning davomiyligini oldindan qanday nazarda tutish kerak;
• Agar ish yili eski va yangi MK davrlarini oʻz ichiga olsa, ta’tilning davomiyligini qanday hisoblash kerak.