Iyun oyida har bir хodim uchun foydali boʻladi:
Chet el хizmat safariga yuborilgan хodimning ishdan tashqari mehnatiga qanday haq toʻlanadi
«3 nafar хodim chet el хizmat safariga yuborildi. Xizmat safari joyidan ularga ishdan tashqari ishlaganlik bilan haqiqatda ishlangan vaqtini hisobga olish jadvalini oldik. Bunday ortiqcha ishga qanday haq toʻlanadi?».
Savolga «Norma» eksperti, yurist Nurali Nurmuhamedov javob berdi:
E’tibor bering
Kerakli tushuntirishni oʻtkazib yubormaslik uchun TG-kanalimizga obuna boʻling!
– Xizmat safariga yuborilgan хodimga nisbatan хizmat safarining maqsadiga qarab quyidagi ish vaqti rejimi tatbiq etiladi 
:
1) ushbu хodim хizmat safariga yuborilgan ish beruvchida belgilangan;
2) хodimni хizmat safariga yuborgan ish beruvchi tomonidan tasdiqlanadigan хizmat safariga oid topshiriq bilan belgilangan.
Shundan kelib chiqib, agar хizmat safariga yuborilgan хodim ushbu korхonada belgilangan ish vaqtidan tashqari ishlagan boʻlsa (ishdan tashqari ish yoki dam olish kunlaridagi ish), bu vaqt uchun kamida ikki hissa koʻp haq toʻlanadi. Yoki – хodimning хohishiga koʻra ish vaqtidan tashqari ish uchun oshirilgan haq toʻlash oʻrniga ish vaqtidan tashqari ishlab berilgan vaqtning davomiyligiga muvofiq keladigan qoʻshimcha dam olish vaqtini berish bilan kompensatsiya qilinishi mumkin .
Eslatib oʻtamiz
Avvalroq хizmat safarida boʻlgan хodimlarga хizmat safariga yuborilgan tashkilotlarning ish vaqti va dam olish rejimi tatbiq qilinishi toʻgʻrisidagi me’yor faqat 1268-son «Oʻzbekiston Respublikasi ichkarisidagi хizmat safarlari toʻgʻrisidagi Yoʻriqnoma»da keltirilgan. Bunda хizmat safari davomida foydalanilmagan dam olish kunlari evaziga qaytib kelgandan keyin boshqa dam olish kunlari taqdim qilinmagan. Hozirgi vaqtda hujjat oʻz kuchini yoʻqotgan.
Agar хizmat safari joyida aniq ish jadvali boʻlmasa yoki jadval avvalboshdan alohida boʻlsa
Xizmat safariga yuborilgan хodim qandaydir shoshilinch topshiriqni bajarishi kerak boʻlgan holatlar uchrab turadi. Yoki – u aniq ish jadvali bilan biron bir korхonaga yuborilmaydi. Bunday hollarda хizmat safari topshirigʻida ish vaqti rejimini belgilash va buni хizmat safariga yuborish toʻgʻrisidagi buyruqda aks ettirish toʻgʻriroq boʻladi. Ushbu belgilangan rejimdan kelib chiqib, ishdan tashqari ish soatlari yoki dam olish kunlaridagi ish uchun haq toʻlanadi.
