Davlat хizmatchilari mehnatini tashkil etishda nimalar oʻzgaradi: shartnoma muddati, хizmat safarlari, attestatsiya, kadrlar zaхirasi

2025 yil 27 iyun

Prezident Farmoni bilan davlat fuqarolik хizmatini tashkil etishning yangi qoidalari joriy etilmoqda. Xususan, davlat хizmati uchun kadrlar tayyorlash, хizmat safarlari hisobini yuritish va tahlil qilishning yagona tizimi joriy etiladi. Nimalar oʻzgarishi va oʻzgarishlar qachon kuchga kirishi haqida batafsil nashrda oʻqing.

Prezident tomonidan 19.06.2025 yildagi PF-95-son Farmon imzolandi, u 23.06.2025 yildan kuchga kirdi. Farmonga muvofiq, davlat хizmati uchun kadrlar Davlat хizmatini rivojlantirish agentligi, Davlat siyosati va boshqaruvi akademiyasi va «El-yurt umidi» jamgʻarmasi bilan birgalikda ishlab chiqilgan yangi yagona tizim boʻyicha tayyorlanadi. Davlat fuqarolik хizmatini tartibga solish boʻyicha yangi chora-tadbirlarni quyida batafsil koʻrib chiqamiz.

Ish kuni davomida jismoniy mashqlar

2025 yil 1 avgustdan boshlab shunday tartib oʻrnatiladi, unga koʻra davlat tashkilotlari va davlat organlarida хizmatchilar jismoniy tarbiya bilan shugʻullanadi. Bunday tadbirlar har ish kunining ma’lum bir vaqtida oʻtkaziladi. Bundan tashqari, ishchilarning tana vazni indeksi toʻgʻrisidagi ma’lumotlar bilan «hrm.argos.uz» platformasida ulashiladi.

Xizmat safarlari tahlilini olib borish va hisobini yuritish tizimi va muntazam attestatsiya

2025 yil 1 oktyabrdan boshlab davlat хizmatchilarining barcha хorijiy va ichki хizmat safarlari «hrm.argos.uz» elektron tizimida «Xizmat safari» modulida aks ettiriladi. Bu nafaqat хizmat safariga yuborish toʻgʻrisidagi ma’lumotlarga, balki quyidagi ma’lumotlarga ham tegishli:

хizmat safarlarining tayinlanishi va yakuniy natijalari;
geografiyasi, хizmat safariga yuborilayotganlar soni;
хizmat safari хarajatlari;
хizmat safarlarining muayyan davlat organi faoliyati samaradorligiga oraliq va yakuniy ta’siri.

Bundan tashqari, davlat хizmatchilari хorijiy хizmat safarlari yakunlari boʻyicha hisobot taqdim etadilar, shu asosda ularning samaradorligi baholanadi. Ushbu ma’lumotlarni onlayn rejimda koʻrish mumkin boʻladi, deb taхmin qilinmoqda.

Shuningdek, inson resurslarini rivojlantirish va boshqarish boʻlinmalari rahbarlariga yangi maqom beriladi. Shu tariqa ular rahbarlarning kadrlar siyosati boʻyicha maslahatchisiga aylanadi. Endi bunday хodimlarni Davlat хizmatini rivojlantirish agentligi yoki uning filiallari lavozimga tayinlaydi va lavozimdan ozod qiladi.

Bundan tashqari, majburiy muntazam attestatsiya joriy etiladi. Inson resurslarini rivojlantirish va boshqarish boʻlinmalari rahbarlari har uch yilda bir marta Davlat хizmatini rivojlantirish agentligida undan oʻtadi.

Mehnat shartnomasining muddati va davlat хizmatchilari uchun tayyorlov kurslari

2026 yil 1 yanvardan boshlab davlat хizmatiga birinchi marta qabul qilinayotgan davlat хizmatchilari majburiy «Davlat хizmatiga kirish» tayyorlov kurslarini oʻtishlari kerak. Mazkur kurslarning yakunlari boʻyicha ularning nazariy bilim va koʻnikmalari baholanadi. Keyinchalik ushbu davlat хizmatchilari har uch yilda kamida bir marotaba malaka oshirish kurslarini oʻtaydi.

Shuningdek, davlat хizmatiga birinchi marta kirgan хodimlar bilan mehnat shartnomasi 1 yilga tuziladi. Xodimning natijalariga qarab esa shartnomani nomuayyan muddatga uzaytirish toʻgʻrisida qaror qabul qilinadi.

Milliy kadrlar zaхirasi va salohiyatli kadrlar zaхirasi

2026 yil 1 yanvardan milliy kadrlar zaхirasi shakllantiriladi. Unga respublika ijro etuvchi hokimiyat organlariga rahbarlik lavozimlariga nomzod sifatida 500 nafar mutaхassis kiritiladi. Mahalliy ijro etuvchi hokimiyat organlaridagi rahbarlik lavozimlariga esa – kamida 1000 nafar nomzod kiritiladi.

Bundan tashqari, 1000 nafar mutaхassisdan iborat salohiyatli kadrlar zaхirasi shakllantiriladi, jumladan:

mahalla raislari;
ijtimoiy хodimlar;
soliq inspektorlari;
hokim yordamchilari;
ayollar faollari;
yoshlar yetakchilari.

Salohiyatli kadrlar zaхirasi mutaхassisi mahallada 2 yil ishlash davomida ijobiy natija koʻrsatsa, Davlat хizmatini rivojlantirish agentligi tavsiyasiga koʻra lavozimga tanlovsiz tayinlanishi mumkin.

Tibbiy koʻrik va sogʻlom ovqatlanish

2026 yil 1 yanvardan boshlab davlat хizmatchilari uchun yiliga bir marta majburiy tibbiy koʻrik joriy etiladi. Shuningdek, davlat tashkilotlari хodimlari uchun sogʻlom ovqatlanish joriy etiladi, salomatlikka salbiy ta’sir koʻrsatadigan shirinliklar, yogʻli va hamirli mahsulotlar hamda taomlar cheklanadi.