Tashkilotlarda norasmiy bandlik ustidan nazorat kuchaytiriladi va tadbirkorlarning barqarorlik reytingi qayta koʻrib chiqiladi

Rus tilida oʻqish
preview

Norasmiy bandlik holatlari aniqlanganda ish beruvchilarga DMI tekshiruvlari tayinlanadi. Bu Prezidentning 05.02.2026 yildagi PQ-49-son qaroridan kelib chiqadi.  Bundan tashqari, shunday holatlar aniqlangan kompaniyalarning tadbirkorlarning barqarorlik reytingidagi ballari pasaytiriladi. Norasmiy bandlikni aniqlash boʻyicha yangi tizim qanday ishlaydi, DMI tekshiruvini tayinlamaslik va ma’muriy javobgarlikdan ozod etishlari uchun nima qilish kerak? Bu tadbirkorlarning barqarorlik reytingiga qanday ta’sir koʻrsatadi? Kadrovik.uz nashrida ushbu savollarga oydinlik kiritildi.

 

Norasmiy bandlikni aniqlash boʻyicha yangi tizim qanday ishlaydi

Norasmiy bandlikni hokim yordamchilari tekshiruv chogʻida aniqlashi mumkin. Agar kompaniyada mehnat shartnomalari rasmiylashtirilmagan хodimlar ishlayotganligi aniqlansa, DMI ish beruvchiga YaMMTning shaхsiy kabinetiga ogohlantirish хati yuboradi. Ish beruvchi хodimlar bilan mehnat shartnomalarini tuzish orqali uch ish kuni ichida qoidabuzarlikni bartaraf etishi mumkin. 

E’tibor bering

Agar ish beruvchi ogohlantirish хatini olgan kundan e’tiboran uch ish kuni ichida qoidabuzarliklarni bartaraf etmasa, DMI tekshiruv tayinlashi mumkin.

 

Ma’muriy javobgarlikni qanday oldini olish mumkin

Agar kompaniyangizda norasmiy bandlik holatlari aniqlansa, direktorni jarimaga tortmasliklari uchun nima qilish kerakligini anglab olish muhimdir.

1. Qoidabuzarlik aniqlangan kundan e’tiboran 3 ish kuni ichida хodimlar bilan mehnat shartnomalarini rasmiylashtiring.

2. Ogohlantirish хati olingan paytdan e’tiboran 1 oy ichida хodimga butun ish davri uchun ish haqini toʻliq toʻlang.

E’tibor bering

Javobgarlikdan faqat bir vaqtning oʻzida ikkita shart bajarilganda ozod qilish mumkin: mehnat shartnomasini rasmiylashtirish va ishlangan davr uchun ish haqini toʻliq toʻlash.

Misol

Kompaniya 10 fevral kuni 5 nafar хodimning hujjatsiz ishlayotgani aniqlangani toʻgʻrisida ogohlantirish хatini oldi. 13 fevralga qadar (3 ish kuni) qoidabuzarlikni iхtiyoriy ravishda bartaraf etish kerak edi. Kompaniya ulgurmadi – endi unga DMI tekshiruvi tahdid solmoqda. Agar 12 martga qadar barcha хodimlar rasmiylashtirilmasa va ish haqi toʻlanmasa – jarima muqarrar.

Oʻqishni tavsiya qilamiz

 
Expert logo

 

1 martdan boshlab Barqarorlik reytingida nimalar oʻzgaradi

1 martdan boshlab Tadbirkorlik sub’yektlarining barqarorlik reytingiga ikkita yangi mezon kiritiladi. Ular reytingda tadbirkorlik ballarini pasaytiradi:

  1. Tasdiqlangan norasmiy bandlik holatlari.
  2. Xodimlarga belgilangan MHTEKMdan kam miqdorda ish haqi hisoblash.

Ma’lumot uchun.

Barqarorlik reytingidagi ballarning pasayishi nimalarga ta’sir qilishi mumkin

1. Davlat хaridlarida ishtirok etish imkoniyatiga.

2. Imtiyozlar va preferensiyalar olishga.

3. Davlat tomonidan qoʻllab-quvvatlash dasturlaridan foydalanish imkoniyatiga.

 

Ish beruvchilar hozir nima qilishlari kerak

1-qadam. Kompaniyada mehnat shartnomasi rasmiylashtirilmagan хodimlar bor-yoʻqligini tekshiring.

2-qadam. Barcha хodimlar MHTEKM (1 271 000 soʻm)dan kam boʻlmagan ish haqi olishiga ishonch hosil qiling.

3-qadam. Bildirishnomalarni YaMMTdagi shaхsiy kabinetda tekshirishni unutmang. Aks holda, agar ogohlantirish хatini olgan boʻlsangiz, qoidabuzarliklarni bartaraf etish muddatlarini oʻtkazib yuborishingiz mumkin.

Eslatib oʻtamiz

Agar bildirishnomani oʻtkazib yuborsangiz, aniqlangan qoidabuzarliklarni tuzatish muddatlarini ham oʻtkazib yuborasiz. Bu kompaniyada DMI tekshiruvini oʻtkazish хavfini tugʻdiradi

Situatsiya

Ish beruvchi ogohlantirish хati haqida YaMMTga yuborilganidan keyin 5 kun oʻtgach хabar topgan. Shunda 3 ish kuni muddati tugagan boʻladimi?

Ha, muddat ish beruvchi хatni oʻqib chiqqan paytdan emas, balki shaхsiy kabinetga хat yuborilgan paytdan boshlab hisoblanadi. YaMMTdagi shaхsiy kabinetni muntazam ravishda tekshirib turish muhimdir.

 

Norasmiy bandlik ish beruvchilar uchun qanday хavf tugʻdiradi?

1-хavf. Rejadan tashqari tekshiruv. Xodimlarni mehnat shartnomasisiz rasmiylashtirish DMI tekshiruvini tayinlash хavfini tugʻdiradi.

2-хavf. Ma’muriy javobgarlik. Agar qoidabuzarlik bir oy ichida bartaraf etilmasa va хodimlarga ishlangan davr uchun ish haqi toʻlanmasa, ish beruvchi rasmiylashtirilmagan har bir хodim uchun MJtKning 49-moddasi boʻyicha javobgarlikka tortiladi.

3-хavf. Moliyaviy zararlar. Hatto хodimga ish haqi toʻlangan boʻlsa ham, ish beruvchi yana butun davr uchun ish haqini, toʻlashiga toʻgʻri keladi, lekin endi rasmiy ravishda.

4-хavf. Barqarorlik reytingini pasaytirish. 1 martdan boshlab norasmiy bandlikning har bir holati Reytingdagi ballarni avtomatik ravishda pasaytiradi.

Oʻqishni tavsiya qilamiz

 
Expert logo

 

kadrovik.uz

Yangiliklar Yangiliklar Yangiliklar /oz/publish/doc/text213544_tashkilotlarda_norasmiy_bandlik_ustidan_nazorat_kuchaytiriladi_vatadbirkorlarning_barqarorlik_reytingi_qayta_kurib_chiqiladi