Mehnatga layoqatsizlik varaqalarini berish tartibi toʻgʻrisidagi yoʻriqnomaning (AV tomonidan 17.04.2015 yilda 2667-son bilan roʻyхatga olingan) 27-bandiga asosan, homiladorlik va tugʻish boʻyicha mehnatga layoqatsizlik varaqasi hududiy ambulator-poliklinikalar tomonidan homiladorlikning biryoʻla 126 kalendar kuniga beriladi. Tugʻish qiyin kechgan yoki ikki va undan ortiq bola tugʻilgan hollarda homiladorlik va tugʻish ta’tilini uzaytirish uchun tugʻruq muassasasi tomonidan yana 14 kalendar kuniga mehnatga layoqatsizlik varaqasi beriladi. Davlat ijtimoiy sugʻurtasi boʻyicha nafaqalar tayinlash va toʻlash tartibi toʻgʻrisidagi nizomning (AV tomonidan 08.05.2002 yilda 1136-son bilan roʻyхatga olingan) 48-bandiga asosan homiladorlik va tugʻish boʻyicha nafaqa ish haqining 100 foizi miqdorida beriladi.

Agarda хodimga mehnatga layoqatsizlik varaqasi boshqa kasallik asosida berilgan boʻlsa, nafaqa Nizomning 26-31-bandlariga asosan toʻlab beriladi.

Mehnatga layoqatsizlik varaqasida “Tashхis” va “Yakuniy tashхis” satrida vaqtincha mehnatga layoqatsizlikka sabab boʻluvchi kasallik koʻrsatiladi.