Пригодится каждому кадровику в июле:
Давлат хизматчилари меҳнатини ташкил этишда нималар ўзгаради: шартнома муддати, хизмат сафарлари, аттестация, кадрлар захираси
Президент Фармони билан давлат фуқаролик хизматини ташкил этишнинг янги қоидалари жорий этилмоқда. Хусусан, давлат хизмати учун кадрлар тайёрлаш, хизмат сафарлари ҳисобини юритиш ва таҳлил қилишнинг ягона тизими жорий этилади. Нималар ўзгариши ва ўзгаришлар қачон кучга кириши ҳақида батафсил нашрда ўқинг.
Президент томонидан 19.06.2025 йилдаги ПФ-95-сон Фармон имзоланди, у 23.06.2025 йилдан кучга кирди. Фармонга мувофиқ, давлат хизмати учун кадрлар Давлат хизматини ривожлантириш агентлиги, Давлат сиёсати ва бошқаруви академияси ва «Эл-юрт умиди» жамғармаси билан биргаликда ишлаб чиқилган янги ягона тизим бўйича тайёрланади. Давлат фуқаролик хизматини тартибга солиш бўйича янги чора-тадбирларни қуйида батафсил кўриб чиқамиз.
Иш куни давомида жисмоний машқлар
2025 йил 1 августдан бошлаб шундай тартиб ўрнатилади, унга кўра давлат ташкилотлари ва давлат органларида хизматчилар жисмоний тарбия билан шуғулланади. Бундай тадбирлар ҳар иш кунининг маълум бир вақтида ўтказилади. Бундан ташқари, ишчиларнинг тана вазни индекси тўғрисидаги маълумотлар билан «hrm.argos.uz» платформасида улашилади.
Хизмат сафарлари таҳлилини олиб бориш ва ҳисобини юритиш тизими ва мунтазам аттестация
2025 йил 1 октябрдан бошлаб давлат хизматчиларининг барча хорижий ва ички хизмат сафарлари «hrm.argos.uz» электрон тизимида «Хизмат сафари» модулида акс эттирилади. Бу нафақат хизмат сафарига юбориш тўғрисидаги маълумотларга, балки қуйидаги маълумотларга ҳам тегишли:
- хизмат сафарларининг тайинланиши ва якуний натижалари;
- географияси, хизмат сафарига юборилаётганлар сони;
- хизмат сафари харажатлари;
- хизмат сафарларининг муайян давлат органи фаолияти самарадорлигига оралиқ ва якуний таъсири.
Бундан ташқари, давлат хизматчилари хорижий хизмат сафарлари якунлари бўйича ҳисобот тақдим этадилар, шу асосда уларнинг самарадорлиги баҳоланади. Ушбу маълумотларни онлайн режимда кўриш мумкин бўлади, деб тахмин қилинмоқда.
Ўқивни тавсия қиламиз
- Хизмат сафарини қандай расмийлаштириш керак
- Ходимни бошқа иш берувчига вақтинча хизмат сафарига юбориш қандай амалга оширилади
- Ўзбекистон ҳудудидан ташқарига хизмат сафари гувоҳномасини расмийлаштириш керакми
- Ўзбекистон ташқарисига хизмат сафарларида сафар харажатларини қандай тўлаш керак
- Хизмат сафари харажатлари қандай қоплаб берилади
Шунингдек, инсон ресурсларини ривожлантириш ва бошқариш бўлинмалари раҳбарларига янги мақом берилади. Шу тариқа улар раҳбарларнинг кадрлар сиёсати бўйича маслаҳатчисига айланади. Энди бундай ходимларни Давлат хизматини ривожлантириш агентлиги ёки унинг филиаллари лавозимга тайинлайди ва лавозимдан озод қилади.
Бундан ташқари, мажбурий мунтазам аттестация жорий этилади. Инсон ресурсларини ривожлантириш ва бошқариш бўлинмалари раҳбарлари ҳар уч йилда бир марта Давлат хизматини ривожлантириш агентлигида ундан ўтади.
Kadrovik.uz тавсия қилади
Меҳнат шартномасининг муддати ва давлат хизматчилари учун тайёрлов курслари
2026 йил 1 январдан бошлаб давлат хизматига биринчи марта қабул қилинаётган давлат хизматчилари мажбурий «Давлат хизматига кириш» тайёрлов курсларини ўтишлари керак. Мазкур курсларнинг якунлари бўйича уларнинг назарий билим ва кўникмалари баҳоланади. Кейинчалик ушбу давлат хизматчилари ҳар уч йилда камида бир маротаба малака ошириш курсларини ўтайди.
Шунингдек, давлат хизматига биринчи марта кирган ходимлар билан меҳнат шартномаси 1 йилга тузилади. Ходимнинг натижаларига қараб эса шартномани номуайян муддатга узайтириш тўғрисида қарор қабул қилинади.
Ўқивни тавсия қиламиз
Миллий кадрлар захираси ва салоҳиятли кадрлар захираси
2026 йил 1 январдан миллий кадрлар захираси шакллантирилади. Унга республика ижро этувчи ҳокимият органларига раҳбарлик лавозимларига номзод сифатида 500 нафар мутахассис киритилади. Маҳаллий ижро этувчи ҳокимият органларидаги раҳбарлик лавозимларига эса – камида 1000 нафар номзод киритилади.
Бундан ташқари, 1000 нафар мутахассисдан иборат салоҳиятли кадрлар захираси шакллантирилади, жумладан:
- маҳалла раислари;
- ижтимоий ходимлар;
- солиқ инспекторлари;
- ҳоким ёрдамчилари;
- аёллар фаоллари;
- ёшлар етакчилари.
Салоҳиятли кадрлар захираси мутахассиси маҳаллада 2 йил ишлаш давомида ижобий натижа кўрсатса, Давлат хизматини ривожлантириш агентлиги тавсиясига кўра лавозимга танловсиз тайинланиши мумкин.
Тиббий кўрик ва соғлом овқатланиш
2026 йил 1 январдан бошлаб давлат хизматчилари учун йилига бир марта мажбурий тиббий кўрик жорий этилади. Шунингдек, давлат ташкилотлари ходимлари учун соғлом овқатланиш жорий этилади, саломатликка салбий таъсир кўрсатадиган ширинликлар, ёғли ва ҳамирли маҳсулотлар ҳамда таомлар чекланади.
Kadrovik.uz тавсия қилади
