Қандай қилиб ходимларнинг маълумотларини филиаллардан ягона СТИРга эга ташкилот таркибига олиб ўтиш мумкин

preview

ЯММТ дирекцияси қандай қилиб филиалларга эга йирик солиқ тўловчи ходимларнинг маълумотларини филиаллардан ягона СТИРга эга ташкилот таркибига олиб ўтишини тушунтирди.


Кўп йирик ташкилотларнинг филиаллари ва бошқармалари ягона СТИР рақамига ўтмоқда. Буни СКнинг 20-моддаси талаб қилади, унга асосан йирик солиқ тўловчилар тоифасига киритилган солиқ тўловчилар алоҳида бўлинмаларни ҳисобга олиб марказлашган ҳолда солиқ ҳисоботини тақдим этади ва солиқларни (йиғимларни) тўлайди.

Ушбу ходимларнинг маълумотларини СТИР рақами ёпилаётган ташкилотдан ягона СТИР рақамига эга бўлган бош ташкилот таркибига олиб ўтиш учун:


I.
СТИР рақами ёпилаётган ташкилот кабинетида

1. Ходимнинг меҳнат шартномасига қўшимча келишув (ўзгартириш)ни рўйхатдан ўтказинг. Бунда ташкилотнинг ягона СТИР рақамига ўтиши билан боғлиқ бўлган қўшимча келишув ва буйруқ маълумотларини киритинг.
2. Меҳнат шартномасига қўшимча келишув (ўзгартириш) рўйхатдан ўтказилгандан сўнг, ходимнинг меҳнат шартномаси тўғрисидаги барча ёзувлар ташкилотнинг меҳнат шартномалари архивига тушади. Ходимнинг электрон меҳнат дафтарида қуйидаги ёзув акс эттирилади: «Меҳнат шартномасига кўшимча келишув бўйича бошқа ташкилот таркибига ўтказилди».
3. Бўшаган иш ўринларини (кейин эса бўлимларни ҳам) ўчиринг.


II.
Ягона СТИРга эга бўлган ташкилот кабинетида

1. Уларда янги бўлим ва иш ўринларини яратинг.
2. Ходимларни уларда ташкилот ягона СТИР рақамига ўтиши кўрсатилган қўшимча келишув ва буйруқ асосида яратилган лавозимларга расмийлаштиринг. Буни қўшимча келишувлар СТИР рақами ёпилаётган ташкилотнинг кабинетида рўйхатга олинган кундан кейинги кун билан амалга ошириш зарур.

 

ЯММТ ЯММТ ЯММТ /uz/publish/doc/text175544_qanday_qilib_hodimlarning_malumotlarini_filiallardan_yagona_stirga_ega_tashkilot_tarkibiga_olib_utish_mumkin1