Иш берувчи билан бошқа жойга кўчишни рад этган ходим билан меҳнат шартномасини бекор қилиш тартиби

Тавсияда:

- ходимни иш берувчининг бошқа жойга кўчиши ҳақида огоҳлантириш

- ходим бошқа жойга кўчишни рад этган  тақдирда меҳнат шартномасини бекор қилишни расмийлаштириш

- ишдан бўшатиш нафақасини тўлаш ва иш қидириш даври учун ўртача иш ҳақини сақлаб қолиш

Ходимни иш берувчининг бошқа жойга кўчиши ҳақида огоҳлантириш

Агар иш берувчи бошқа жойга кўчишни режалаштираётган бўлса, у бу ҳақда ходимларни ёзма равишда камида икки ой олдин, иш берувчи микрофирма эса – камида 1 ой олдин огоҳлантириши шарт. Бу муддатларни қисқартириш фақат томонларнинг келишувига кўра амалга оширилиши мумкин. Бунда иш берувчи 2 ҳафтадан ошадиган огоҳлантириш муддатини мутаносиб пулли компенсация билан алмаштиришга ҳақли. Огоҳлантириш пайтидан бошлаб икки ҳафталик огоҳлантириш муддатини пулли компенсация билан алмаштириш фақат ходимнинг розилиги...