Иккита байрам – бир кун: агар Рўза ҳайити Наврўзга тўғри келса, март ойида неча кун дам оламиз

2026 йилда илк бор иккита баҳор байрами – Рўза ҳайити ва Наврўз – бир санага тўғри келиши мумкин. Наврўз байрамини нишонлаш куни МКда белгиланган. Аммо Рўза ҳайити қайси кунга –20 ёки 21 мартга тўғри келиши – ҳозирча номаълум. Материалда иккита сценарий: Наврўз ва Рўза ҳайитининг бир кунга тўғри келиши иш вақти ва дам олиш кунларига қандай таъсир қилиши, шунингдек, агар улар турли кунларга тўғри келса, қандай дам олишимиз кўриб чиқилди.

2026 йилда Рўза ҳайитини нишонлаш санаси ҳақида нималар маълум

Рўза ҳайити (Ийд ал-Фитр) – Шаввол ойининг биринчи куни бўлиб, Рамазон ойи тугагандан кейинги кунга тўғри келади. 2026 йилда Рамазон ойи 19 февралдан бошланди. Унинг давомийлиги 29 ёки 30 кун бўлиши мумкин – бу ой циклига боғлиқ. Айнан шу боис ҳозир Рўза ҳайитини нишонлаш санасини аниқ айтиб бўлмайди. Тахминларга кўра, у 20 мартга тўғри келади.

Рўза ҳайити айнан 20 март куни нишонланишини тахмин қилиш учун бир нечта асослар мавжуд:

1. Туркий давлатлар ташкилоти ҳузуридаги Мусулмон диний идоралари раҳбарлари кенгашининг Фатво ҳайъати Самарқандда бўлиб ўтган йиғилиш якунларига кўра, 20 мартни Рўза ҳайити куни деб эълон қилди.
2. Бандлик вазирлигининг ишлаб чиқариш тақвимида Рўза ҳайитини нишонлаш санаси 20 март деб кўрсатилган.

Шунингдек Рамазон ойи 19 февралда бошланган қўшни Қирғизистонда ҳам Рўза ҳайити 20 март куни нишонланиши ҳақидаги ахборотга ҳам таяниш мумкин.

Kadrovik.uz тавсия этади

 

• Меҳнат таътили давомийлигини ҳисоблаш калькуляторини
• 2026 йил учун иш вақтининг ишлаб чиқариш тақвимини
• Байрамлар, дам олиш кунлари ва ҳисоботларни топшириш саналарини ҳисобга олган ҳолда, 2026 йил март ойи учун кадрлар бўйича мутахассис тақвимини

1-сценарий. Рўза ҳайити 20 мартга тўғри келса

Агар 19 мартдан 20 мартга ўтар кечаси ой кўринса, Рўза ҳайити 20 март, жума куни бўлади. Бундай ҳолда 20 ва 21 март кунлари – кетма-кет келадиган иккита алоҳида ишланмайдиган байрам кунлари бўлади.

Ушбу сценарийда 5 кунлик иш ҳафтасида ишлайдиган ходимлар кетма-кет тўрт кун, 6 кунлик иш ҳафтасида ишлайдиган ходимлар эса – кетма-кет уч кун дам оладилар. Иш ҳафтасининг турига қараб, дам олиш кунлари сонини қуйидаги жадвалда батафсил кўриб чиқамиз.

Рўза ҳайитининг 20 мартга тўғри келиши иш вақти балансига қандай тасир қилишини кўриб чиқамиз.

Қуйидагиларни ўқишни тавсия этамиз

 

• Ходимга иш вақти қандай белгиланади
• Ўриндошга иш вақтини қандай қилиб тўғри белгилаш керак

2-сценарий. Рўза ҳайити 21 мартга тўғри келиб, Наврўз байрами билан бир кунда бўлса

Агар 19 мартдан 20 мартга ўтар кечаси ой кўринмаса, Рамазон ойи 30 кун давом этади ва Рўза ҳайити 21 март, шанба кунига тўғри келади. Бу куни Наврўз байрами ҳам нишонланади. Бундай сценарий юз берса, Ўзбекистон тарихида илк бор иккита байрам бир кунга тўғри келади.

Меҳнат кодексида икки байрам бир санага тўғри келган тақдирда, қўшимча дам олиш куни берилиши ёки байрамлардан бирининг автоматик равишда кўчирилиши назарда тутилмаган. Бундай вариантда 5 кунлик иш ҳафтасида ишлайдиган ходимлар кетма-кет уч кун, 6 кунлик иш ҳафтасида ишлайдиган ходимлар эса – кетма-кет икки кун дам оладилар. Иш ҳафтасининг турига қараб дам олиш кунлари сонини қуйидаги жадвалда батафсил кўриб чиқамиз.

Kadrovik.uz тавсия этади

 

• Дам олиш кунлари ва байрамларда ишга қандай жалб қилиш мумкин
• Иш вақтидан ташқари ишга қандай жалб қилинади
• Иш берувчининг байрам ва дам олиш кунлари ишга жалб қилишдаги еттита асосий хатоси
• Иш вақтини ҳисобга олиш табелида байрамлар, дам олиш кунлари ва қисқартирилган иш кунларини қандай акс эттириш керак?

Рўза ҳайитининг 20 мартга тўғри келиши иш вақти балансида қандай акс этишини кўриб чиқамиз.