ЯММТда таътилларни рўйхатга олиш тартиби янгиланди ва янги функциялар жорий этилди

ЯММТда таътилларни рўйхатга олиш тартибига ўзгартириш киритилгани эълон қилинди. Унда ўрнатилган калькулятор, ишга чиқишни автоматик рўйхатга олиш ва таътилни бошқариш учун янги функциялар пайдо бўлди. Эслатиб ўтамиз, 2026 йил 1 январдан бошлаб иш берувчилар ЯММТда нафақат аввалгидек ижтимоий таътилларни, балки меҳнат, иш ҳақи сақланмайдиган ва қисман сақланадиган таътиллар каби барча турдаги таътилларни рўйхатга олишлари шарт. ЯММТда таътилларни рўйхатга олиш тартиби қандай ўзгарганини kadrovik.uz материалида кўриб чиқамиз.

Энди меҳнат таътилини қандай рўйхатга олиш керак

Рўйхатга олиш учун электрон меҳнат дафтарчаси бўлимига ўтиб, ходимнинг фамилияси устига босиш керак. Шундан сўнг «Таътилни рўйхатга олиш» бўлимини танлаш лозим. Илгари кадрлар бўйича мутахассислар фақат ходимнинг таътилга чиқиш санасини кўрсатиб, уни таътилдан мустақил равишда қайтаришарди. Энди тизим танлаш ҳуқуқини беради: таътилдан қайтишни автоматик равишда ёки қўлда рўйхатга олиш мумкин. Ишга чиқиш санасини қўлда ўзгартириш мумкин. Шунингдек, 26 мартдан бошлаб ЯММТ тизими нафақат тўлиқ давомийликдаги, балки қисман таътилни ҳам рўйхатга олиш имконини беради.

Kadrovik.uz тавсия этади

 

• Меҳнат таътилини олиш ҳуқуқи қачон юзага келади
• Меҳнат таътиллари кимга ва қандай берилади
• Чек-варақ: меҳнат таътилини қандай расмийлаштириш керак

Таътил даврини ҳисоблаш калькулятори

Энди my.mehnat тизимида таътил давомийлигини ҳисоблаш функциясидан фойдаланиш мумкин. Кадрлар бўйича мутахассис рўйхатдан ходим қайси тоифага мансублигини (давлат хизматчиси, педагог ва ҳ.к.) танлайди ва тизим ушбу тоифа учун таътилнинг давомийлигини автоматик равишда кўрсатади.

Бундан ташқари, агар ходим алоҳида тоифага кирса, қўшимча таътилларни ҳам белгилаш мумкин: вояга етмаганлар, ногиронлиги бўлган шахслар, ноқулай меҳнат шароитларида ишловчи ходимлар ва бошқалар. Калькулятор ушбу мезонларни ҳисобга олган ҳолда таътилнинг умумий давомийлигини автоматик равишда ҳисоблаб беради.

Рўйхатга олингандан сўнг таътилни бошқаришнинг янги имкониятлари

Таътил рўйхатга олингач, тизимда иккита қўшимча ҳаракатдан фойдаланиш имконияти пайдо бўлади: таътилни узайтириш ва ундан чақириб олиш.

Kadrovik PRO да тавсия этамиз

 

• Таътил пулини ҳисоблаш калькулятори
• Меҳнат таътилидан қандай чақириб олиш мумкин
• Ҳар йилги меҳнат таътилини қандай қилиб қисмларга бўлиш керак