Ишга қабул қилиш учун мажбурий ҳужжатлар рўйхати қисқартирилади ва иш ҳақи кечиктирилганлиги учун компенсация тўлаш тартибига аниқлик киритилади

Меҳнат муносабатларини расмийлаштиришни соддалаштирадиган қонун лойиҳаси биринчи ўқишда қабул қилинди. Жумладан, ишга кираётганда талабгор тақдим этадиган мажбурий ҳужжатлар рўйхати қисқартирилади. Қонун лойиҳасида шунингдек иш ҳақи кечиктирилганлиги учун пулли компенсацияни тўлаш тартибига аниқлик киритилди. Бундан ташқари, қонун айрим жараёнларни рақамлаштиришга, иш жойидаги тазйиқ ва зўравонликка қарши курашишга қаратилган. Қонун лойиҳасидаги тузатишлардан келиб чиққан ҳолда, кадрлар бўйича мутахассисларни қандай янгиликлар кутаётгани ҳақида батафсил материалда билиб олинг.

Айрим қонун ҳужжатларига ўзгартиришлар киритиш тўғрисидаги қонун лойиҳаси 2026 йил 5 май куни кўриб чиқилди. Олий Мажлис Қонунчилик палатаси депутатлари қонун лойиҳасини биринчи ўқишда қабул қилдилар.

Ишга қабул қилишдаги мажбурий ҳужжатларнинг янги рўйхати

Қонун лойиҳаси меҳнат муносабатларини расмийлаштириш тартиб-таомилини соддалаштиради. Хусусан, талабгор ишга қабул қилишда тақдим этиши керак бўлган мажбурий ҳужжатлар рўйхати қисқартирилади. Янги тартибга кўра, талабгор фақат ЖШШИРни тақдим этади. Бунда ҳарбий хизматга мажбурлар ва чақирилувчилар, ҳозиргидек, ҳарбий гувоҳнома ёки ҳарбий ҳисобда турганлик тўғрисидаги гувоҳномани тақдим этишлари шарт бўлади.

Рўйхатдан электрон меҳнат дафтарчасидан кўчирма ҳам чиқариб ташланди. Талабгор уни тақдим этиши шарт бўлмайди, ушбу ҳужжатни талаб қилиш эса ноқонуний бўлади.

Ишга қабул қилишни қонуний расмийлаштиришга ёрдам берадиган материаллар:

 

• Қандай ҳужжатларни ишга қабул қилишда, қандайларини эса – кейин талаб қилиш керак
• Ишга қабул қилишни қандай расмийлаштириш ва меҳнат шартномасини қандай тузиш керак
• Ўриндош билан меҳнат шартномаси қандай тузилади
• Қайдай ҳолларда ишга қабул қилишни рад этиш мумкин ва қандай ҳолларда мумкин эмас
• ЯММТда ишга қабул қилишни қандай расмийлаштириш керак

Айрим жараёнларни рақамлаштириш

ЭРИ ёки Face-ID билан тасдиқланган ҳужжатлар юридик кучи бўйича қўлда имзоланган ҳужжатларга тенглаштирилади. Яъни белгиланган тартибда электрон тарзда тасдиқланган ҳар қандай ҳужжат қўлда имзоланган ҳужжат билан бир хил кучга эга бўлади.

Ўқишни тавсия қиламиз

 

• «My.mehnat» тизимига қандай кирилади
• Электрон меҳнат шартномасини рўйхатга қандай олиш керак
• Талабгорнинг бандлиги ЯММТда қандай текширилади
• Электрон меҳнат дафтарчасига аввалги иш стажи тўғрисидаги маълумотлар қандай киритилади
• Диплом маълумотлари my.mehnat.uz сайтига қандай киритилади

Бошқа тузатишлар: тазйиқларга қарши курашиш, иш ҳақи кечиктирилганлиги учун пулли компенсация тўлаш тартибига аниқлик киритиш

Олий Мажлис Қонунчилик палатасининг сайтида, шунингдек меҳнат муносабатлари жараёнидаги тазйиқ ва зўравонликка қарши курашишга – уларнинг олдини олишга, ҳамда бундан жабр кўрган ходимларнинг ҳуқуқларини ҳимоя қилишга қаратилган чора-тадбирлар ҳақида ҳам сўз юритилган. Бироқ бу чора-тадбирлар батафсил ёритилмаган.

Аввалроқ, 2025 йил 24 январда, Қонунчилик палатаси шунга ўхшаш чора-тадбирларни назарда тутувчи қонун лойиҳасини кўриб чиққан эди. Шундан келиб чиқиб, иш жойидаги тазйиқ ва зўравонликка қарши курашиш учун қандай чоралар кўрилиши мумкинлигини тахмин қилса бўлади. Бу ҳақда батафсил материалда ўқинг.

Шунингдек сайтда қонун лойиҳасида иш ҳақи тўлови кечиктирилган ҳар бир кун учун пулли компенсацияни тўлаш тартибига аниқлик киритиш кўзда тутилгани айтилади. Бу борада ҳам батафсил маълумот келтирилмаган.

Ишингизда ёрдам берадиган материаллар:

 

• Иш ҳақини қандай тўлаш керак
• Иш берувчи ходимга тегишли иш ҳақи ва бошқа тўловларни кечиктиргани учун қачон моддий жавобгар бўлади
• Ўртача иш ҳақи қачон ва қандай ҳисоблаб чиқарилади
• 2026 йилда давлат ижтимоий суғуртаси тизимида нималар ўзгаради