Ёш ходимларга энди МҲЭКМнинг 2 бараваридан кам ҳақ тўлаш мумкин эмасми? ПҚ-210-сон қарордаги янги шарт кимларга тааллуқли

Президентнинг 01.06.2026 йилдаги ПҚ-210-сон қарори эълон қилинганидан сўнг ОАВда ишсиз ёшларни ишга қабул қилишда иш берувчилар МҲЭКМнинг 2 бараваридан кам бўлмаган миқдорда иш ҳақи белгилаши шартлиги ҳақида хабарлар пайдо бўлди. Бу таъриф саволларни юзага келтирди: ушбу талаб барча иш берувчиларга татбиқ этиладими ёки фақат айрим дастурлар иштирокчиларигами. Материалда буни кўриб чиқамиз.

Аслида, МҲЭКМнинг 2 бараваридан кам бўлмаган иш ҳақи тўғрисидаги норма барча иш берувчилар учун амал қилмайди. У ПҚ-210-сон қарор доирасида имтиёзли кредит олиб, ишсиз ёшларни ишга жойлаштирадиган тадбиркорлик субъектлари учун белгиланган.

Агар компания ушбу дастурларда иштирок этмаса ва имтиёзли кредит олмаган бўлса, МҲЭКМнинг 2 баравари миқдоридаги талаб унга нисбатан татбиқ этилмайди. Бундай ҳолда иш берувчилар Меҳнат кодексининг умумий қоидаларига амал қилишда давом этади: белгиланган меҳнат нормаларини тўлиқ бажарган ходимнинг иш ҳақи МҲЭКМнинг 1 бараваридан кам бўлиши мумкин эмас.

Kadrovik.uz тавсия этади

 

• Ишга қабул қилиш қандай расмийлаштирилади ва меҳнат шартномаси қандай тузилади
• Қонунчиликни бузмаган ҳолда вояга етмаган шахсни қандай ишга қабул қилиш мумкин
• Болалари бор ходимларга қандай кафолатлар берилади
• Меҳнатга ҳақ тўлаш тўғрисидаги низомни қандай ишлаб чиқиш керак

Шунингдек, қарорда дастур иштирокчилари учун қўшимча мажбуриятлар ҳам мустаҳкамлаб қўйилган. Хусусан, улар ишга жойлаштирилган ёшлар учун иш ўринларини камида икки йил сақлаб қолишлари, бундай ходим билан меҳнат шартномаси бекор қилинган тақдирда эса – унинг ўрнига бир ой ичида бошқа ишсиз ёшни ишга қабул қилишлари керак.

Шу тариқа, МҲЭКМнинг 2 баравари миқдори тўғрисидаги талаб – барча иш берувчилар учун умумий қоида эмас, балки фақат имтиёзли кредитлаш дастурлари доирасида амал қиладиган давлат томонидан қўллаб-қувватлаш шартидир.

Ўқишни тавсия этамиз

 

• Ўртача иш ҳақини қачон ва қандай ҳисоблаш керак
• Иш ҳақини қандай тўлаш керак
• Туман коэффициентларини ҳисобга олган ҳолда иш ҳақини қандай ҳисоблаш керак
• Иш ҳақидан маблағларни қандай ушлаб қолиш керак