Июнь ойида ҳар бир ходим учун фойдали бўлади:
Вақтинча меҳнатга лаёқатсизлик нафақалар миқдори бевосита ЯММТда акс эттирилган иш стажига боғлиқ. Ходимларингизнинг барча аввалги иш жойлари тизимда рўйхатдан ўтказилганини текширинг. Ушбу текширувга ходимларнинг ўзларини ҳам жалб қилиш мақсадга мувофиқдир. Нима учун бу муҳим ва солиштирувни қандай ташкил қилиш мумкинлиги ҳақида – kadrovik.uz материалида.
Нимага иш стажини ҳозир текшириш лозим
Аввалги иш жойлари тўғрисидаги маълумотларни иш берувчи киритиши шарт. Бироқ амалиётда шундай ҳоллар учрайдики, қайсидир даврни айнан аввалги иш берувчи тизимга киритмаган бўлади. Ходим ҳозир сизнинг ташкилотингизда ишлаётгани боис, нафақа тайинланганда саволлар сизнинг ташкилотингизга нисбатан юзага келади. Низоларнинг олдини олиш учун, бу ҳолатни олдиндан текшириб қўйган маъқул.
Kadrovik.uz тавсия қилади
Текширувга ходимларнинг ўзларини қандай жалб қилиш мумкин
Иш стажининг тўғри юритилиши – бу аввало ходимнинг ўз манфаатидадир. Тушунтиринг: сиз барча иш жойларини тизимга киритгансиз, лекин айрим даврларни аввалги иш берувчилар белгиламай қолдирган бўлиши мумкин, ва у ҳолда Жамғарма нафақани белгиланганидан кам миқдорда тайинлайди. Ходим қаерда ва қачон ишлаганини билади, шунинг учун ташкилотлар рўйхати бўйича нима етишмаётганини тез аниқлайди.
Ходимга у ўз иш стажини my.gov.uzдаги шахсий кабинетида ёки my.mehnat.uzдаги жисмоний шахс кабинетида кўриши мумкинлигини тушунтиринг. Агар ходимда бундай имконият бўлмаса, ЯММТдан кўчирмани юклаб олиб, маълумотларни у билан биргаликда солиштиринг. Қисқа якка тартибдаги учрашувларни ташкил қилинг: сиз иш жойлари рўйхатини кўрсатасиз, ходим эса барча даврлар ҳисобга олинганини текширади.
Внимание
Шундай бўладики, аввалги иш берувчи аллақачон тугатилган, ходимнинг меҳнат дафтарчасида эса ўша иш жойи ҳақида ёзув бўлмайди. Бу ҳолда стажни тасдиқлаш учун сўровни қаерга юбориш керак ва базада энди мавжуд бўлмаган ташкилотни қандай топиш мумкинлиги ҳақида – Kadrovik PRO экспертларининг тавсияномасида >>>
Ўқишни тавсия қиламиз
