«ЯММТда қандай ишлаш керак: асосий кадрларга оид тартиб-таомилларни қадам-бақадам таҳлил қиламиз» вебинаридан савол-жавоблар

Ишдан бўшатилганидан кейин директорда ЯММТдаги ташкилот кабинетига кириш ҳуқуқи сақланиб қоладими?

Ишдан бўшатилган директорнинг ЭРИси амал қилишда давом этади, бироқ шахсий маълумотлар билан эски пароллар орқали кабинетга кириш мумкин эмас. Директор ишдан бўшатилгандан сўнг ЭРИни E-IMZO сайти ёки ЯИДХП орқали бекор қилишни тавсия этамиз.

Рухсатсиз қолмаслик учун, аввал янги директорга ЭРИ расмийлаштиринг ва киришни текширинг, шундан кейингина аввалги раҳбарнинг ишдан бўшатилишини рўйхатдан ўтказинг. My.mehnat тизимига қандай кириш мумкинлиги, тавсияномада>>

Агар директор ЯММТда хатолик туфайли ишдан бўшатилган бўлса, ёзувни қандай тиклаш мумкин?

Ишдан бўшатиш ҳақидаги ёзувни мустақил равишда бекор қилиш мумкин эмас.

ЯММТ Дирекциясига хатолик тавсифи ва тасдиқловчи ҳужжатлар (буйруқ, меҳнат шартномаси нусхаси) билан расмий хат юборинг. ЯММТга нотўғри киритилган маълумотларни қандай таҳрирлаш ва ўчириш мумкинлиги ҳақида тавсияномада>>

Директор ўзининг ЭРИ калити орқали ташкилот кабинетига киришни бухгалтерга ёки кадрлар бўйича мутахассисга бериши мумкинми?

Масъул шахсга кириш ҳуқуқини ташкилот раҳбари mehnat.uz сайтидаги ташкилотнинг шахсий кабинетида расмийлаштиради. Кадрларга оид тартиб-таомилларни расмийлаштиришда масъул ходим барча ҳаракатларни айнан ташкилотнинг ЭРИси билан имзолайди. Кириш ҳуқуқини қандай бериш ҳақида батафсил тавсияномада ўқинг>>

Тасдиқнома муддати тугаганда, чет эллик директор билан меҳнат шартномасини қандай узайтириш мумкин?

Аввал меҳнат фаолияти ҳуқуқига доир тасдиқномани, сўнгра – меҳнат шартномасини узайтиринг. Маълумотларни ЯММТга (тугаш санасини ўзгартириш) уни бекор қилмаган ҳолда киритинг.

Агар узайтиришнинг имкони бўлмаса, масалан, тасдиқнома олинмаган бўлса –  меҳнат шартномасини бекор қилинг. Бунда директор ўзгарганда аввал янги ЭРИни олинг, сўнгра шартномани бекор қилишни рўйхатдан ўтказинг – акс ҳолда ташкилот кабинетига кириш ҳуқуқини йўқотиш хавфи мавжуд.

ЯММТ Дирекциясига мурожаатни айнан қаерга юбориш керак?

Расмий хат ЯММТ Дирекциясига электрон почта манзилига (ҳамма учун) – my@mehnat.uz, ёки идоралараро ҳужжат айланиши тизими орқали (давлат ташкилотлари учун) – ijro.gov.uz, ёхуд қуйидаги почта манзилига юборилади: Амир Темур-62, Юнусобод, Тошкент, Ўзбекистон.

Амалдаги ходимларни ММК-2025 бўйича лавозимларга ўтказиш керакми?

Йўқ, ўтказиш шарт эмас. 2026 йил 11 мартга қадар ЯММТда яратилган иш ўринлари ўзгаришсиз сақланиб қолади, илгариги ХАЛИКК-2024 классификатори бўйича ёзувлар эса ўз кучида қолади. Янги классификатор фақат янги кадрларга оид ҳаракатлар: ишга қабул қилиш, бошқа ишга ўтказиш, шартномани ўзгартиришда қўлланилади. ММК-2025ни қандай қўллаш ҳақида тавсияномада>>

Штат жадвали бўйича маошлар оширилганда ЯММТга ўзгартиришлар киритиш керакми?

Йўқ, ЯММТда алоҳида ёзув талаб этилмайди. Тартиб-таомил фақат қоғозда – буйруқ ва меҳнат шартномасига қўшимча келишув билан расмийлаштирилади. Штат жадвалига қандай ўзгартиришлар киритиш ҳақида батафсил тавсияномада билиб олинг>>

Эски классификатор бўйича қабул қилинган лавозим ММК-2025да мавжуд бўлмаса, нима қилиш керак?

ММК-2025дан мазмуни ва вазифалари бўйича амалдаги лавозимга энг яқин бўлган лавозимни танланг. Бундай ёндашув қонуний ва унга йўл қўйилади, асосийси – текширув пайтида танлов мантиғи тушунарли бўлиши керак. ММК-2025ни қандай қўллаш ҳақида тавсияномада>>

МКЗ-2025га ўтишда ишлаётган ходимлар учун қўшимча келишувларни расмийлаштириш керакми?

Йўқ. Эски классификатор бўйича амалдаги иш ўринлари ва ёзувлар...