ЎЗБЕКИСТОН РЕСПУБЛИКАСИ

АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

04.05.2021 й.

N 2977-2

ЎЗБЕКИСТОН РЕСПУБЛИКАСИ

ИЧКИ ИШЛАР ВАЗИРИНИНГ

06.04.2021 й.

N 108

БУЙРУҒИ

Ички ишлар органлари ходимларига пенсия

ва нафақа тайинлаш ҳамда тўлаш тартиби

тўғрисидаги йўриқномага қўшимчалар

киритиш ҳақида

Ўзбекистон Республикасининг "Фуқаролик, оилавий ва жиноий ишлар бўйича ҳуқуқий ёрдамва ҳуқуқий муносабатлар тўғрисидаги конвенцияга (Кишинев, 2002 йил 7 октябрь) Ўзбекистон Республикасининг қўшилиши ҳақида" 2019 йил 26 августдаги Қонуни ҳамда Ўзбекистон Республикаси Президентининг "Ўзбекистон Республикасида идентификация ID-карталарни жорий этиш чора-тадбирлари тўғрисида" 2020 йил 22 сентябрдаги ПФ-6065-сон Фармонига мувофиқ, БУЮРАМАН:

1. Ўзбекистон Республикаси ички ишлар вазирининг 2018 йил 13 февралдаги 36-сон буйруғи (рўйхат рақами 2977, 2018 йил 1 март) (Ўзбекистон Республикаси қонун ҳужжатлари тўплами, 2018 й., 9-сон, 169-модда) билан тасдиқланган ички ишлар органлари ходимларига пенсия ва нафақа тайинлаш ҳамда тўлаш тартиби тўғрисидаги йўриқномага иловага мувофиқ қўшимчалар киритилсин.

2. Мазкур буйруқ расмий эълон қилинган кундан эътиборан кучга киради.

Ички ишлар вазири                                                        П.Р. Бобожонов

Буйруққа

ИЛОВА

Ички ишлар органлари ходимларига пенсия

ва нафақа тайинлаш ҳамда тўлаш тартиби

тўғрисидаги йўриқномага киритилаётган

қўшимчалар

1. 6-бандда:

"а" кичик бандининг учинчи хатбошиси "фуқаролик паспортининг" деган сўзлардан кейин "ёки идентификация ID-картасининг" деган сўзлар билан тўлдирилсин;

"в" кичик бандининг тўртинчи хатбошиси "фуқаролик паспорти" деган сўзлардан кейин "ёки идентификация ID-картаси" деган сўзлар билан тўлдирилсин.

2. 7-банднинг учинчи хатбошиси "фуқаролик паспорти" деган сўзлардан кейин "ёки идентификация ID-картаси" деган сўзлар билан тўлдирилсин.

3. 23-банд "фуқаролик паспорти ёки" деган сўзлардан кейин "идентификация ID-картаси ёҳуд" деган сўзлар билан тўлдирилсин.

4. 30-банднинг биринчи хатбошиси "Фуқаролик, оилавий ва жиноят ишлари бўйича ҳуқуқий ёрдам ва ҳуқуқий муносабатлар конвенциясининг (Минск шаҳри, 1993 йил 22 январь)" деган сўзлардан кейин "ҳамда Фуқаролик, оилавий ва жиноий ишлар бўйича ҳуқуқий ёрдам ва ҳуқуқий муносабатлар конвенциясининг (Кишинев шаҳри, 2002 йил 7 октябрь)" деган сўзлар билан тўлдирилсин.

Қонун ҳужжатлари маълумотлари миллий базаси (www.lex.uz),

2021 йил 4 май