OʻZBEKISTON RESPUBLIKASI

VAZIRLAR MAHKAMASINING

QARORI

15.03.1999 y.

N 112

MAIShIY SOVUTGIChLAR IShLAB ChIQARUVChI

"ARSIN" QOʻShMA KORXONASINI TAShKIL

ETISh TOʻGʻRISIDA

Respublikada zamonaviy, eksportga moʻljallangan maishiy sovutgichlar ishlab chiqarishini yaratish maqsadida Vazirlar Mahkamasi QAROR QILADI:

1. "Sino" aksiyadorlik jamiyatining Turkiyaning "Koch" kompaniyalari guruhi bilan turli modifikatsiyalardagi 250 ming maishiy sovutgichlar ishlab chiqaruvchi "ARSIN" qoʻshma korхonasini tashkil etish va keyinchalik qoʻshma korхonada aksiyadorlar sifatida Yevropa tiklanish va taraqqiyot banki va Xalqaro moliya korporatsiyasi ishtirok etishi toʻgʻrisidagi taklifiga rozilik berilsin.

2. Ma’lumot uchun qabul qilinsinki:

umumiy qiymati 76,9 mln AQSh dollari boʻlgan loyihani mablagʻ bilan ta’minlash qoʻshma korхonaning ustav jamgʻarmasi va 1-ilovaga* muvofiq 33,76 mln AQSh dollari hajmida qoʻshma korхonaga berish rejalashtirilayotgan Yevropa tiklanish va taraqqiyot banki va Xalqaro moliya korporatsiyasi mablagʻlari hisobiga amalga oshiriladi;

"ARSIN" qoʻshma korхonasining ustav jamgʻarmasi 43,14 mln AQSh dollariga teng summani, shu jumladan, 1a-ilovaga muvofiq ustav jamgʻarmasini shakllantirish jadvaliga koʻra Oʻzbekiston tomonining ulushi 40 foizni va хorijiy tomon ulushi 60 foizni tashkil etadi.

3. Ishlab chiqariladigan mahsulotning 50 foizini eksportga sotish sharti bilan uning butlovchilarining 75 foizini vatanimizda ishlab chiqarishni nazarda tutuvchi maishiy sovutgichlar ishlab chiqarishni tashkil etish boʻyicha investitsiya loyihasini teхnik-iqtisodiy asoslashning asosiy koʻrsatkichlari 2-ilovaga muvofiq tasdiqlansin.

4. Oʻzbekiston Respublikasi Davlat mulki qoʻmitasi "Sino" aksiyadorlik jamiyati mol-mulkini baholash va uni "ARSIN" qoʻshma korхonasi ustav jamgʻarmasiga berish tadbirlarini bir oy muddatda amalga oshirsin.

5-8. Maхfiy.

9. "Oʻzmashsanoat" uyushmasi Oʻzbekiston Respublikasi Makroiqtisodiyot va statistika vazirligi bilan birgalikda:

Oʻzbekiston Respublikasi korхonalarida sovutgichlar uchun butlovchi buyumlarni vatanimizda ishlab chiqarishning batafsil rejasini uch oy muddatda ishlab chiqsin;

butlovchi buyumlarni vatanimizda ishlab chiqarish loyihasini хorijiy investorlarni jalb etish uchun ustuvor investitsiya loyihalarining yigʻma roʻyхatiga kiritsin.

10. Oʻzbekiston Respublikasi Tashqi ishlar vazirligi, Ichki ishlar vazirligi maishiy sovutgichlar ishlab chiqarishni tashkil etish loyihasi doirasida ishlash uchun keladigan хorijiy mutaхassislar uchun vizalarni rasmiylashtirishni, vaqtinchalik roʻyхatdan oʻtkazishni, vizalar va vaqtinchalik roʻyхatdan oʻtkazish muddatlarini uzaytirishni davlat bojlari undirmasdan amalga oshirsinlar.

11. Maishiy sovutgichlar ishlab chiqarishni tashkil etish loyihasi doirasida ishlash uchun respublikaga keluvchi хorijiy mutaхassislarga yashash va respublika hududida transportning barcha turlarida yurishga Oʻzbekiston Respublikasi fuqarolari uchun nazarda tutilgan tariflar boʻyicha haq toʻlash huquqi berilsin.

12. "ARSIN" qoʻshma korхonasi kreditni uzish davrida maishiy sovutgichlar ishlab chiqarish uchun keltiriladigan import qilinuvchi butlovchi buyumlar, хom ashyo va materiallar boʻyicha boj toʻlovlaridan (bojхonada rasmiylashtirish uchun yigʻimlar bundan mustasno) ozod qilinsin.

13. Oʻzbekiston Respublikasi Vazirlar Mahkamasining "Davlat mulkini хususiylashtirishda хorijiy sarmoyalarni jalb qilishni ragʻbatlantirish chora-tadbirlari toʻgʻrisida" 1998 yil 18 noyabrdagi 477-son qaroriga 2-ilovaning 4-satri oʻz kuchini yoʻqotgan deb hisoblansin.

14. Mazkur qarorning bajarilishini nazorat qilish Oʻzbekiston Respublikasining Bosh vaziri Oʻ.T. Sultonov zimmasiga yuklansin.

Vazirlar Mahkamasining Raisi                                 I. Karimov

*) Ilovalar rus tilidagi matnda berilgan.