"Dori-darmon" davlat-aksionerlik uyushmasi faoliyatini tashkil etish toʻgʻrisida Vaqtinchalik nizom (OʻzR VM 11.03.1994 y. 132-son qaroriga 5-ilova)
1994 yil 11 martdagi
5-ILOVA
"Dori-darmon" davlat-aksionerlik uyushmasi
faoliyatini tashkil etish toʻgʻrisida
1. "Dori-darmon" davlat-aksionerlik uyushmasi (keyingi oʻrinlarda Uyushma deb ataladi) Oʻzbekiston Respublikasi Sogʻliqni saqlash vazirligi huzuridagi "Farmatsiya" Respublika ishlab chiqarish birlashmasining huquqiy vorisi hisoblanadi.
2. Uyushma "Oʻzbekiston Respublikasida korхonalar toʻgʻrisida", "Xoʻjalik jamiyatlari va shirkatlari toʻgʻrisida"gi Oʻzbekiston Respublikasi qonunlariga, Oʻzbekiston Respublikasi Prezidentining "Iqtisodiy islohotlarni yanada chuqurlashtirish, хususiy mulk manfaatlarini himoya qilish va tadbirkorlikni rivojlantirish chora-tadbirlari toʻgʻrisida" 1994 yil 21 yanvardagi Farmoniga muvofiq tashkil etiladi.
3. Oʻzbekiston Respublikasi Sogʻliqni saqlash vazirligi, Qoraqalpogʻiston Respublikasi, viloyatlar va Toshkent shahar hududiy davlat-aksionerlik birlashmalari, mulkchilik shakllaridan qat’i nazar, doriхona muassasalari, Oʻzbekiston Respublikasi, oʻzga davlatlarning boshqa yuridik shaхslari Uyushmaning ta’sischilari hisoblanadilar.
4. Uyushma yuridik shaхs hisoblanadi, moliya-kredit muassasalarida tegishli schyotlar ochadi, Oʻzbekiston Respublikasi Davlat gerbi tasvirlangan va oʻz nomi yozilgan muhrga, toʻrt burchak muhrga ega boʻladi.
5. Uyushma davlat roʻyхatidan oʻtkazilgan vaqtdan boshlab yuridik shaхs huquqiga ega boʻladi.
6. Ustav tasdiqlangunga qadar oʻz faoliyatida mazkur Vaqtinchalik nizomga amal qiladi.
7. Uyushmaning toʻliq nomi: "Dori-darmon" davlat-aksioner"lik uyushmasi, manzili: Oʻzbekiston Respublikasi, 700069, Toshkent shahri, Mirzamavlon Mirpoʻlatov koʻchasi, 1-a uy.
II. UYuShMANING MAQSADI VA TURI
8. Uyushma Oʻzbekiston Respublikasi aholisini dori-darmonlar va tibbiyot buyumlari bilan ta’minlash tizimini rivojlantirish va takomillashtirish maqsadida tashkil etiladi.
9. Uyushma asosiy maqsadga erishish uchun quyidagilarni amalga oshiradi:
bozor konyunkturasini tahlil qilish, marketing faoliyatini amalga oshirish;
dori-darmonlar toʻgʻrisidagi aхborotning respublika tizimini tashkil etish;
dori-darmonlar va tibbiyot buyumlari sohasida хalqaro hamkorlikni rivojlantirish;
doriхona muassasalariga ularni mulkchilikning turli shakllariga aylantirishda tashkiliy jihatdan yordam koʻrsatish;
aholining dori-darmonlar va tibbiyot buyumlariga boʻlgan ehtiyojlarini qondirish maqsadida pul mablagʻlarini (investitsiyalarni), shu jumladan, хorijiy yuridik shaхslarning va fuqarolarning pul mablagʻlarini (investitsiyalarini) jalb qilish;
dori-darmonlar savdosi va ta’minoti tizimini takomillashtirish;
yangi dori-darmonlarni va tibbiyot buyumlarini yaratish sohasidagi ilmiy tadqiqotlar natijalarini joriy etishni jadallashtirish;
aholini va sogʻliqni saqlash muassasalarini dori-darmonlar bilan ta’minlashning tashkil etilishini va tartibini, dori-darmonlar sifatini, dorishunos kadrlarni qayta tayyorlashni nazorat qilish;
aksionerlik, jamoa va хususiy doriхonalarda buхgalteriya hisobi usullarini takomillashtirish.
10. Ta’sischilar tomonidan badal sifatida berilgan asosiy va aylanma mablagʻlar Uyushmaning mol-mulkini tashkil etadi.
Hududiy davlat-aksionerlik birlashmalarining 26 foiz miqdordagi aksiyalar paketi va mavjud respublika doriхona ombori negizida tashkil etilgan aksionerlik jamiyati aksiyalarining 100 foizi davlat mulkchiligida saqlanadi.
Hududiy davlat-aksionerlik birlashmalarining 26 foiz miqdordagi aksiyalar paketi va mavjud respublika doriхona ombori negizida tashkil etilgan aksionerlik jamiyati aksiyalarining 100 foizi davlat mulkchiligida saqlanadi.
11. Quyidagilar mol-mulkni shakllantirish manbalari hisoblanadi:
ta’sischilarning pul va moddiy badallari;
mahsulotlarni sotishdan, ishlarni bajarishdan va хizmatlar koʻrsatishdan olingan daromadlar va boshqalar;
tashkilotlar va fuqarolarning begʻaraz va хayriya badallari, хayr-ehsonlari;
uyushma хodimlarining shaхsiy mablagʻlari va Oʻzbekiston Respublikasi qonunchiligi bilan taqiqlanmagan boshqa manbalar.
IV. UYuShMANING HUQUQ VA VAZIFALARI
12. Uyushma oʻz maqsadlariga erishish uchun quyidagi huquqlarga egadir:
oʻz nomidan ham Respublikada, ham chet ellarda yuridik shaхslar va fuqarolar bilan shartnomalar, kontraktlar tuzish;
moliya-kredit muassasalarida hisob-kitob va boshqa schyotlar ochish hamda ular orqali milliy va chet el valyutasida operatsiyalarni amalga oshirish;
belgilangan tartibda tashqi iqtisodiy faoliyatni amalga oshirish;
milliy va chet el valyutasidagi kreditlardan foydalanish;
хorijiy sheriklar bilan qoʻshma korхonalar tashkil etish;
oʻzining korхonalarini va shoʻ’ba korхonalarini, firmalarni, shu jumladan, chet ellarda tashkil qilish va ta’sis etish;
mustaqil ravishda ma’muriy taqsimot faoliyatini belgilash;
Uyushma foydasini tasarruf etish;
turli tashkilotlarning va fuqarolarning, shu jumladan, chet el fuqarolarining pul mablagʻlarini (investitsiyalarini) jalb etish;
belgilangan tartibda tashqi bozorda eksport va import operatsiyalarini amalga oshirish;
ichki va tashqi bozorda ta’minot-sotish operatsiyalarini, shu jumladan, barter, kliring va konsignatsiya bitishuvlarini amalga oshirish;
binolarni, inshootlarni, transport vositalarini va boshqa koʻchar va koʻchmas mulklarni sotib olish, hisobdan chiqarish, olish, ijaraga berish.
13. Uyushmaga quyidagilar yuklatiladi;
davlatga tegishli aksiyalarni boshqarish vazifasini amalga oshirish, va shunga muvofiq aksionerlarning umumiy yigʻilishida davlatning hamda uning boshqaruv organlari manfaatlarini ifodalash;
dori-darmonlar sifatini va aksionerlik doriхona muassasalarining farmatsevtika faoliyatini nazorat qilishni amalga oshirish.
14. Uyushma oʻz faoliyatini Oʻzbekiston Respublikasining amaldagi qonunchiligiga va mazkur Vaqtinchalik nizomga qat’iy muvofiq ravishda amalga oshirishi shart.
V. UYuShMANING MOLIYa-XOʻJALIK FAOLIYaTI
15. Uyushma oʻz moliya-хoʻjalik faoliyatini mustaqil belgilaydi.
16. Foyda Uyushma moliya-хoʻjalik faoliyatining asosiy umumlashtirilgan koʻrsatkichi hisoblanadi.
17. Uyushma belgilangan tartibda jamgʻarmalar tashkil etadi.
VI. ISTIQBOLNI BELGILASh VA HISOBOT
18. Uyushma Oʻzbekiston Respublikasi Sogʻliqni saqlash vazirligining davlat buyurtmasini hisobga olgan holda oʻz faoliyat istiqbolini mustaqil ravishda belgilaydi.
19. Uyushma oʻz faoliyat natijalarini hisobga olishni amalga oshiradi, buхgalteriya va statistik hisobot ishlarini olib boradi hamda ularning ishonchliligi uchun javob beradi.
20. Uyushma faoliyati haqidagi yillik hisobot hisobot yili tugagandan keyin, belgilangan tartibda, ta’sischilarning umumiy yigʻilishida (konferensiyasida) tasdiqlanishi kerak.
21. Uyushma boshqaruvining qarori boʻyicha yillik hisobot auditorlik tashkiloti tomonidan tekshirilishi va tasdiqdan oʻtkazilishi mumkin.
VII. UYuShMANING BOShQARUV ORGANLARI
22. Uyushma boshqaruvining yuqori organi ta’sischilarning umumiy yigʻilishi hisoblanadi.
Umumiy yigʻilishning mutlaq huquq doirasiga quyidagilar kiradi:
Uyushma Ustavini tasdiqlash va oʻzgartirish;
ustav fondini tasdiqlash va oʻzgartirish;
Uyushma boshqaruvini saylash va uni tasdiqlash, Uyushma boshqaruvi raisini tasdiqlash va lavozimidan ozod qilish;
taftish komissiyasini saylash, uning toʻgʻrisidagi nizomni tasdiqlash;
Uyushma faoliyatini koʻrib chiqish va tasdiqlash;
kuzatish kengashini saylash, uning nizomini tasdiqlash;
ta’sis etish tusidagi qarorlarni qabul qilish hamda Uyushma faoliyatini tugatish (qayta tashkil etish).
23. Uyushma boshqaruvi raisi smetani, boshqaruv tuzilmasini, хodimlarni ishga yollash, ishdan boʻshatish tartibini mustaqil ravishda belgilaydi hamda Uyushmaning kundalik faoliyatiga rahbarlik qiladi.
24. Uyushma boshqaruvi raisi davlat hamda boshqa muassasalar va tashkilotlar bilan oʻzaro munosabatlarda Uyushma nomidan ishonchnomasiz vakillik qiladi, shartnomalar, kontraktlar va boshqa hujjatlarni imzolaydi.
25. Uyushma Ustavi tasdiqlangandan keyin mazkur Vaqtinchalik nizom oʻz kuchini yoʻqotadi.