Oʻzbekiston Respublikasi Tashqi iqtisodiy aloqalar, investitsiyalar va savdo vazirligida Oʻzbekiston Respublikasi хoʻjalik sub’yektlari tomonidan tuziladigan eksport kontraktlari (shartnoma va bitimlar)ni roʻyхatga olish va import kontraktlari (shartnoma va bitimlar)ni ekspertizadan oʻtkazish tartibi toʻgʻrisida Nizom (AV tomonidan 03.07.2006 y.da 1588-son bilan roʻyхatga olingan 30.06.2006 y. TIAISVning NN-01/01-3771-son, MVning 62-son va DSQning 03-02/19-10-son qarori bilan tasdiqlangan)
Ўзбекистон Республикаси
Адлия вазирлигида
2006 йил 3 июлда 1588-сон
билан рўйхатга олинган
Ўзбекистон Республикаси
Ташқи иқтисодий алоқалар,
инвестициялар ва савдо
вазирлиги, Молия вазирлиги,
Давлат солиқ қўмитасининг
2006 йил 30 июндаги
НН-01/01-3771-сон, 62-сон,
ТАСДИҚЛАНГАН
Мазкур Низом рус тилида тасдиқланган.
Ҳужжатнинг матни Норма газетаси ва ахборот-қидирув
тизими экспертлари томонидан ўзбек тилига таржима
қилинган ва ахборот тусига эга. Ноаниқликлар келиб
чиққанида меъёрий-ҳуқуқий ҳужжатнинг рус тилидаги
матнига қаранг.
Ўзбекистон Республикаси Ташқи иқтисодий
алоқалар, инвестициялар ва савдо вазирлигида
Ўзбекистон Республикаси хўжалик субъектлари
томонидан тузиладиган экспорт контрактлари
(шартнома ва битимлар)ни рўйхатга олиш ва
импорт контрактлари (шартнома ва битимлар)ни
экспертизадан ўтказиш тартиби тўғрисида
НИЗОМ
Мазкур Низом Ўзбекистон Республикаси Ташқи иқтисодий алоқалар, инвестициялар ва савдо вазирлигида (кейинги ўринларда - ТИАИСВ) Ўзбекистон Республикасининг хўжалик юритувчи субъектлари томонидан тузиладиган экспорт контрактларини рўйхатга олиш тартиби ва импорт контрактлари (шартнома ва битимлар)ни экспертизадан ўтказиш ва хулосалар бериш механизмини белгилайди.
1-§. ТИАИСВда РЎЙХАТДАН ЎТКАЗИЛИШИ
ЛОЗИМ БЎЛГАН КОНТРАКТЛАР
1. ТИАИСВда қуйидаги контрактлар рўйхатга олинади:
Ўзбекистон Республикаси Вазирлар Маҳкамасининг 1998 йил 31 мартдаги 137-сон қарорига 1-сон иловада кўрсатилган товарлар экспортига доир контрактлар;
Ўзбекистон Республикаси Ҳукуматининг қарорлари, ҳукуматлараро келишувлар асосида тузилган товарлар (хизматлар) экспортига доир контрактлар.
Бунда биржа савдоларида тузилган ва биржада рўйхатга олиниши лозим бўлган мазкур банднинг иккинчи ва учинчи хатбошига биноан товарлар экспортига доир контрактлар ҳамда ўзи ишлаб чиқарган товарлар экспортига (лицензияланадиган товарлар экспортидан ташқари) доир контрактлар ТИАИСВда рўйхатга олинмайди.
2. Ўзбекистон Республикаси Президентининг "Ўзбекистон Республикасида ташқи савдо фаолиятини янада эркинлаштириш чора-тадбирлари тўғрисида" 2003 йил 26 сентябрдаги ПФ-3321-сон Фармонига мувофиқ ТИАИСВда қуйидаги импорт контрактлари экспертизадан ўтказилади:
давлат бюджети маблағлари ҳисобидан молияланадиган;
Ўзбекистон Республикаси Ҳукумати томонидан ёки унинг кафолати остида жалб этилган кредитлар (қарзлар) ҳисобидан молияланадиган;
устав сармоясидаги давлат улуши 50 фоиздан кўпроқни ташкил этадиган ва ўзининг валюта маблағлари билан таъминланмаган хўжалик юритувчи субъектлар томонидан тузиладиган контрактлар.
3. Контрактларнинг асосий шартларини ўзгартирувчи барча қўшимча келишувлар ТИАИСВда рўйхатга олинади / экспертизадан ўтказилади.
2-§. ЭКСПОРТ КОНТРАКТЛАРИНИ РЎЙХАТГА ОЛИШ ВА
ИМПОРТ КОНТРАКТЛАРИНИ ЭКСПЕРТИЗАДАН ЎТКАЗИШ
УЧУН ТАҚДИМ ЭТИЛАДИГАН ҲУЖЖАТЛАР
4. Экспорт контрактларини рўйхатга олиш ТИАИСВга қуйидаги ҳужжатларни тақдим этиш билан амалга оширилади:
ариза;
контрактнинг асл нусхаси ва унинг кўчирма нусхаси;
агар контрактнинг суммаси энг кам иш ҳақи миқдорининг икки юз бараваридан ортиқ бўлса, қонун ҳужжатларида белгиланган тартибда бериладиган контракт бўйича унинг қонун ҳужжатларига мувофиқлиги юзасидан юридик хулоса;
контрактни тузиш даврида амал қилган тасдиқловчи ҳужжатлар (сўровномалар, тижорат таклифлари, биржа ва ассоциациялар котировкалари, прайс-варақлар ва ҳоказолар, бунда барча тақдим этилган таклифлар муқобил таклифлар тақдим этган фирма ва компанияларнинг юридик манзиллари ва контракт реквизитларини ўз ичига олган бўлиши лозим) тақдим этилган ҳолда ра
...
Telegram kanali 