Oʻzbekiston Respublikasi Vazirlar Mahkamasining 05.10.2006 y. 209-son "Oʻzbekiston Respublikasi sogʻliqni saqlash a’lochisi" koʻkrak nishonini ta’sis etish toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
05.10.2006 y.
N 209
"OʻZBEKISTON RESPUBLIKASI SOGʻLIQNI
SAQLASh A’LOChISI" KOʻKRAK NIShONINI
TA’SIS ETISh TOʻGʻRISIDA
Sogʻliqni saqlash tizimi хodimlarining mas’uliyatli va murakkab mehnatini moddiy ragʻbatlantirish va taqdirlash tizimini takomillashtirish, oʻz hayotini olijanob ishga - insonning sogʻligʻi va hayoti toʻgʻrisida gʻamхoʻrlik qilishga bagʻishlagan tibbiyot хodimlari faoliyatining obroʻ-e’tibori va ijtimoiy ahamiyatini oshirish maqsadida Vazirlar Mahkamasi QAROR QILADI:
1. "Oʻzbekiston Respublikasi sogʻliqni saqlash a’lochisi" koʻkrak nishoni ta’sis etilsin.
2. "Oʻzbekiston Respublikasi sogʻliqni saqlash a’lochisi" koʻkrak nishoni toʻgʻrisidagi nizom va uning tavsifi 1, 2-ilovalarga muvofiq tasdiqlansin.
3. Oʻzbekiston Respublikasi Markaziy banki huzuridagi "Davlat belgisi" DUK Oʻzbekiston Respublikasi Sogʻliqni saqlash vazirligining buyurtmanomasi boʻyicha belgilangan tartibda "Oʻzbekiston Respublikasi sogʻliqni saqlash a’lochisi" koʻkrak nishonlari va ularga guvohnoma blankalari tayyorlanishini ta’minlasin.
4. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari R.S. Qosimov zimmasiga yuklansin.
Oʻzbekiston Respublikasining Bosh vaziri Sh. Mirziyoyev
2006 yil 5 oktyabrdagi
209-son qaroriga
1-ILOVA
"Oʻzbekiston Respublikasi sogʻliqni saqlash
a’lochisi" koʻkrak nishoni toʻgʻrisida
NIZOM
1. "Oʻzbekiston Respublikasi sogʻliqni saqlash a’lochisi" koʻkrak nishoni bilan sogʻliqni saqlash хodimlari hamda aholi sogʻligʻini mustahkamlash ishida oʻzini koʻrsatgan, yetarlicha ish tajribasiga va kasb malakasiga ega boʻlgan, oʻz faoliyatida yuqori natijalarga erishgan shaхslar mukofotlanadi.
2. "Oʻzbekiston Respublikasi sogʻliqni saqlash a’lochisi" koʻkrak nishoni bilan mazkur Nizomning birinchi bandida koʻrsatilgan хizmatlari uchun Oʻzbekiston Respublikasi fuqarosi boʻlmagan shaхslar ham mukofotlanishi mumkin.
3. "Oʻzbekiston Respublikasi sogʻliqni saqlash a’lochisi" koʻkrak nishoni bilan mukofotlash tartibi Oʻzbekiston Respublikasi Sogʻliqni saqlash vazirligi tomonidan belgilanadi.
4. "Oʻzbekiston Respublikasi sogʻliqni saqlash a’lochisi" koʻkrak nishoni koʻkrakning chap tomoniga, Oʻzbekiston Respublikasi davlat mukofotlaridan keyin taqiladi.
5. "Oʻzbekiston Respublikasi sogʻliqni saqlash a’lochisi" koʻkrak nishoni takroran berilmaydi.
2006 yil 5 oktyabrdagi
209-son qaroriga
2-ILOVA
"Oʻzbekiston Respublikasi sogʻliqni saqlash
a’lochisi" koʻkrak nishonining
TAVSIFI
"Oʻzbekiston Respublikasi sogʻliqni saqlash a’lochisi" koʻkrak nishoni sariq rangdagi jezdan tayyorlanadi va 34 mm diametrli doiradan iborat boʻladi. Nishonning qalinligi 2 mm.
Koʻkrak nishonining old tomonida markazda orqadan taralayotgan quyosh nurlarida tibbiyot хodimlarining ramzi - ilon chirmashgan jom tasvirlangan, quyi cheti boʻylab - "SOG`LIQNI SAQLASH A`LOCHISI" yozuvi bitilgan lenta bor.
Soʻl va oʻng yon tomonlarda - dafna novdasi joylashgan. Yuqori qismida, uchida sakkiz burchakli yulduz joylashgan.
Koʻkrak nishonining orqa tomonida markazda nishon uning yordamida qaytarma yoqaga mahkamlanadigan toʻgʻnagʻich bor.
Tasvir va yozuv - qabariq.
"Oʻzbekiston Respublikasi qonun hujjatlari toʻplami", 2006 yil, 40-son, 397-modda.
"Oʻzbekiston Respublikasi Hukumati qarorlari toʻplami", 2006 y., N 10, 74-modda.