Oʻzbekiston avtomobil va daryo transporti agentligining 6-son, Oliy va oʻrta maхsus ta’lim vazirligining Oʻrta maхsus, kasb-hunar ta’lim markazining 48/QB-son, Ichki ishlar vazirligining 11-son "Oʻzbekiston Respublikasida avtomototransport vositalari haydovchilarini tayyorlash va qayta tayyorlash bilan shugʻullanuvchi ta’lim muassasalarini bitirgan haydovchilikka nomzodlarga beriladigan yagona namunadagi guvohnomani berish tartibi toʻgʻrisidagi nizomni tasdiqlash haqida"gi 27.12.2006 y. Qarori (AV tomonidan 09.01.2007 y. 1652-son bilan roʻyхatga olingan)
OʻZBEKISTON RESPUBLIKASI
ADLIYa VAZIRLIGI TOMONIDAN
ROʻYXATGA OLINGAN
09.01.2007 y.
N 1652
OʻZBEKISTON AVTOMOBIL VA DARYo TRANSPORTI AGENTLIGINING 27.12.2006 y. N 6 |
OʻZBEKISTON RESPUBLIKASI OLIY VA OʻRTA MAXSUS TA’LIM VAZIRLIGINING OʻRTA MAXSUS, KASB-HUNAR TA’LIM MARKAZINING 27.12.2006 y. N 48/QB |
OʻZBEKISTON RESPUBLIKASI IChKI IShLAR VAZIRLIGINING 27.12.2006 y. N 11 |
QARORI
Oʻzbekiston Respublikasida avtomototransport
vositalari haydovchilarini tayyorlash va qayta
tayyorlash bilan shugʻullanuvchi ta’lim muassasalarini
bitirgan haydovchilikka nomzodlarga beriladigan
yagona namunadagi guvohnomani berish tartibi
toʻgʻrisidagi nizomni tasdiqlash haqida
(2007 yil 19 yanvardan kuchga kiradi)
Oʻzbekiston Respublikasi Vazirlar Mahkamasining 2006 yil 2 avgustdagi "Oʻzbekiston Respublikasi avtomototransport vositalarini va shahar elektr transporti vositalarini boshqarish huquqini berish, haydovchilarni tayyorlash va qayta tayyorlash tartibini takomillashtirish choralari toʻgʻrisida"gi 156-son qarorini bajarish maqsadida, QAROR QILAMIZ:
1. "Oʻzbekiston Respublikasida avtomototransport vositalari haydovchilarini tayyorlash va qayta tayyorlash bilan shugʻullanuvchi ta’lim muassasalarini bitirgan haydovchilikka nomzodlarga beriladigan yagona namunadagi guvohnomani berish tartibi toʻgʻrisidagi nizom ilovaga muvofiq tasdiqlansin.
2. Yagona namunadagi guvohnomalar Oʻzbekiston avtomobil transporti agentligining "Avtomobil transporti хodimlarini malakasini oshirish va qayta tayyorlash instituti" DKni buyurtmasiga asosan, "Davlat belgisi" birlashmasining Toshkent shahar bosma fabrikasida, bosma usulda tayyorlansin.
3. Ushbu qaror Oʻzbekiston Respublikasi Adliya vazirligidan davlat roʻyхatidan oʻtkazilgan kunidan 10 kun oʻtgandan keyin amalga kiritilsin.
Oʻzbekiston avtomobil va daryo transporti agentligining boshligʻi
|
A. Abduvaliyev |
Vazirning birinchi oʻrinbosari, Oliy va oʻrta maхsus ta’lim vazirligining Oʻrta maхsus, kasb-hunar ta’lim markazi direktori
|
A. Karimov |
Ichki ishlar vaziri |
B. Matlyubov |
"Oʻzbekiston Respublikasi qonun hujjatlari toʻplami", 2007 yil, 1-2-son, 18-modda.