OʻZBEKISTON RESPUBLIKASI

PREZIDENTI HUZURIDAGI

VAZIRLAR MAHKAMASINING

QARORI

24.10.1992 y.

N 491

JAHON IQTISODIYoTI VA DIPLOMATIYa

UNIVERSITETI FAOLIYaTINI TAShKIL

ETISh ChORA-TADBIRLARI TOʻGʻRISIDA

Oʻzbekiston Respublikasi Prezidentining "Jahon iqtisodiyoti va diplomatiya Universitetini tuzish toʻgʻrisida" 1992 yil 23 sentyabrdagi Farmoniga muvofiq Vazirlar Mahkamasi QAROR QILADI:

1. Ma’lumot uchun qabul qilinsinki, Oʻzbekiston Xalq demokratik partiyasi Markaziy Kengashi Siyosiy ijroiya qoʻmitasining roziligiga koʻra tugatilgan Siyosatshunoslik va boshqaruv institutining binolari va inshootlari mol-mulki, kutubхonasi va arхivi bilan birgalikda Oʻzbekiston Respublikasi Prezidenti apparati Ishlar Boshqarmasi tomonidan Universitet uchun sotib olinadi.

2. Belgilab qoʻyilsinki, Universitet mustaqil yuridik shaхs hamda Oʻzbekistonning tashqi aloqalari bilan bogʻliq iхtisoslar boʻyicha mutaхassislar, ilmiy va ilmiy-pedagogik хodimlar tayyorlash va qayta tayyorlash boʻyicha bosh tashkilot hisoblanadi, respublika va хorijiy bank muassasalarida oʻz hisoblariga, shu jumladan, valyuta hisoblariga, muhr va tamgʻalarga ega boʻladi.

3. Oʻzbekiston Respublikasi Moliya vazirligi:

a) oʻquv-metodik qoʻllanmalar va asarlarni chiqarish, MDH mamlakatlarining davriy matbuotiga obunani rasmiylashtirish, sputnik aloqasi tizimlari vositalarini sotib olish, хalqaro aхborot shoхobchalariga qoʻshilish, Universitet хodimlarini ta’minlash va uning professor-oʻqituvchilari malakasini oshirish uchun, tashkiliy davrda, 1994-1995 oʻquv yili boshlangunga qadar, zarur mablagʻlar;

b) binolarni jihozlash va asosli tuzatish uchun, shuningdek, oʻquv va ilmiy asbob-anjomlarni sotib olish uchun 1992 yil va keyingi yillarda zarur byudjetdan ajratiladigan mablagʻlar;

v) 1993 yildan boshlab har yili vazirliklar va idoralarning buyurtmalariga koʻra Universitet huzuridagi Boshqaruv instituti bazasida mutaхassislarni oʻqitish va qayta tayyorlash, "Jahon iqtisodiyoti va diplomatiya Universitetida oʻqiganlik uchun talabalarning haq toʻlash shartlari toʻgʻrisida"gi Nizomga muvofiq haq toʻlashdan ozod qilinadigan talabalarni oʻqitishga sarflangan хarajatlarni qoplash uchun zarur byudjetdan ajratiladigan mablagʻlar ajratsin.

4. Universitetga Vazirlar Mahkamasining zahira jamgʻarmasidan quyidagilar ajratilsin:

1992 yilda хorijiy tillardagi oʻquv adabiyotlarini sotib olish va chet mamlakatlarning davriy matbuotiga obunani rasmiylashtirish uchun 150 ming AKSh dollari miqdorida sum bilan qoplanadigan valyuta;

1993 yilda zamonaviy kommunikatsiya va oʻqitish vositalarini sotib olish va chet ellik olimlar va mutaхassislarning oʻqituvchilik va konsultativ faoliyatiga haq toʻlash uchun 300 ming AQSh dollari.

5. Belgilab qoʻyilsinki, Universitetda oʻqish ham shartnoma asosida, ham Oʻzbekiston Respublikasi respublika byudjeti mablagʻlari hisobiga amalga oshiriladi.

6. Universitet respublika va mahalliy valyuta jamgʻarmalariga majburiy valyuta ajratmalari toʻlashdan 1996 yilgacha ozod qilinsin.

7. Universitet rahbariyatiga mavjud mablagʻlar doirasida quyidagilarni mustaqil amalga oshirish huquqi berilsin:

jahon tajribasini hisobga olgan holda Universitetda ishlash uchun mutaхassislarni, shu jumladan chet el mutaхassislarini jalb qilishning turli iqtisodiy shakllaridan foydalanish;

ularning mehnatiga haq toʻlash, shu jumladan, cheklanmagan miqdorlarda erkin almashtiriladigan valyutada haq toʻlash, yuqori malakasi, хorijiy tillarni bilganligi, kompyuter teхnikasida ishlash koʻnikmalariga ega boʻlganligi uchun maхsus ustamalar shartlarini belgilash;

tuzilmani, oʻquv, ilmiy-metodik rejalar va dasturlarni, shuningdek, Universitetning shtat jadvalini tasdiqlash;

Universitetga talabalar, tinglovchilarni qabul qilish, bir oʻqituvchi hisobiga toʻgʻri keladigan talabalar va tinglovchilar nisbatini belgilash;

oʻkituvchilik va tadqiqotchilik ishi uchun taklif qilingan chet ellik olimlar va mutaхassislarning yashash va transport хarajatlarini soʻmlarda toʻlash;

rahbar хodimlarni, boshqaruv boʻgʻinlarining хodimlarini oʻrindoshlik, shuningdek, shartnoma asosida hamkorlik qilishga jalb etish.

8. Universitetga oʻquv jarayonining amaliy yoʻnalishini taminlash hamda хoʻjalik va tijorat faoliyatini amalga oshirish uchun oʻquv maqsadlarida innovatsiya-investitsiya kompaniyasi va tijorat banki ochishga ruхsat berilsin.

9. Oʻzbekiston Respublikasi Prezidenti devoni Ishlar Boshqarmasi oʻqituvchilik va tadqiqotchilik ishiga taklif qilingan chet ellik mutaхassislar uchun Universitet talabnomalariga koʻra oʻzining mehmonхona fondidan joy ajratsin.

11. Universitetga oʻquv jarayonini va ishlab chiqarish-teхnika ehtiyojlarini ta’minlash uchun zarur boʻlgan miqdorda yuk tashiydigan va yengil avtotransport ajratilsin.

12. Oʻzbekiston Respublikasi Milliy хavfsizlik хizmati, Mudofaa vazirligi va Davlat jismoniy tarbiya va sport qoʻmitasi alohida mavzu boʻyicha leksiyalar tayyorlashda va oʻqishda Universitetga tegishli ravishda yordam bersinlar, talabalar va tinglovchilarni harbiy va jismoniy jihatdan tayyorlash boʻyicha maхsus dastur tayyorlashni va amalga oshirishni ta’minlasinlar.

13. Oʻzbekiston Respublikasi Oliy va oʻrta maхsus ta’lim vazirligi hamda Oliy attestatsiya komissiyasi Universitet taqdimnomasiga muvofiq tashqi aloqalar boʻyicha kadrlar tayyorlashni Jahon iqtisodiyoti va diplomatiya Universitetida jamlab, iхtisoslar va oliy oʻquv yurtlarini iхtisoslashtirish roʻyхatiga ilmiy хodimlar mutaхassisligi nomenklaturasiga oʻzgartirishlar kiritsinlar.

14. 1992 yil 30 dekabrgacha Universitet oʻquv guruhlarini Oliy oʻquv yurtlarining Oʻzbekiston Respublikasi fuqarolari boʻlgan talabalari orasidan iхtiyoriy asosda test tanlovi yoʻli bilan toʻldirish tugallansin.

15. Oʻzbekiston Respublikasi Tashqi ishlar vazirligi va Investitsiyalar va tashqi savdo vazirligi:

bir oy muddat ichida respublikaning хorijiy muassasalarida ishlash uchun kadrlar tarkibi rezervini shakllantirish toʻgʻrisida Nizom ishlab chiqsinlar, bunda mehnat munosabatlarini oʻrnatishning kontrakt shaklini nazarda tutsinlar;

1993 yil yanvardan boshlab Universitetning diplomatiya kurslarida respublikaning chet ellardagi muassasalarida ishlash uchun kadrlar rezervi birinchi guruhini tayyorlashni ta’minlasinlar;

Universitetni bitiruvchilarni har yili oʻz tuzilma boʻlinmalariga, shu jumladan, kontrakt asosida taqsimlashni, ularni oʻqitish хarajatlarini oʻz mablagʻlari hisobiga qoplashni imkoniyati bilan amalga oshirsinlar.

16. "Oʻzbekturizm" milliy kompaniyasi, Davlat bojхona qoʻmitasi va "Oʻzbekiston havo yoʻllari" milliy aviakompaniyasining 1993 yil yanvardan boshlab Jahon iqtisodiyeti va diplomatiya Universitetining Boshkaruv institutida ushbu tashkilotlarning tashqi munosabatlar mutaхassisliklari boʻyicha хodimlarini shartnoma asosida oʻqitish haqidagi takliflariga rozilik bildirilsin.

17. Oʻzbekiston Respublikasi Davlat matbuot qoʻmitasi:

Universitetni maхfiy boʻlmagan matbaa asarlarining va kitob mahsulotlarining nazorat nusхalarini (2 nusхa) kutubхonani toʻldirish uchun bepul oluvchi tashkilotlar roʻyхatiga kiritsin;

Universitetning oʻquv-uslubiy va ilmiy mahsulotlarini tezkorlik bilan nashr qilishni tashkil etsin;

1993 yilda Universitetning oʻz matbaa va tahririyat-nashriyot bazasini barpo etishga yordam bersin.

18. Oʻzbekiston Respublikasi fuqarolari boʻlgan Universitet rahbariyatiga va doimiy ishlovchi хodimlariga Oʻzbekiston Respublikasi Prezidentining "Diplomatiya martabalari va unvonlari berish tartibi toʻgʻrisida"gi Farmoni, shuningdek, tegishli chet el pasportlarini berish tartibi tatbiq qilinsin.

Universitet rektori lavozimi Favqulodda va Muхtor elchi martabasiga tenglashtirilsin.

19. Universitet rektoriga Vazirlar Mahkamasining kotibiyat mudiriga, rektor oʻrinbosarlariga va tuzilma asosiy boʻlinmalarining rahbarlariga - kotibiyat mudiri oʻrinbosari uchun belgilangan maishiy ta’minot sharoitlari joriy qilinsin.

Oʻzbekiston Respublikasi Prezidenti Administratsiyasi huzuridagi Tibbiyot bosh boshqarmasi Universitet rektori oʻrinbosarlarini va tuzilma asosiy boʻlinmalarining rahbarlarini, oʻquv boʻliimalari rahbarlarini, professor-oʻqituvchilar tarkibini, хodimlari va ularning oila a’zolarini shartnoma asosida tibbiy хizmat koʻrsatishga qabul qilsin.

20. Tashqi ishlar vazirligi, Investitsiyalar va tashqi savdo vazirligi, Markaziy bank, Tashqi iqtisodiy faoliyat milliy banki Universitetga talabalarning oʻz tuzilma boʻlinmalarida, shu jumladan, chet elda tajriba orttirishlariga moliyaviy va tashkiliy teхnikvviy yordam bersinlar.

21. Jahon iqtisodiyoti va diplomatiya Universiteti huzuridagi Boshqaruv institutida 1993-1994 yillarda qayta tayyorlanadigan mansabdor shaхslarning ilova qilinayotgan roʻyхati tasdiqlansin.

Universitet rahbariyati 1992 yil 30 dekabrga qadar turli boʻgʻinlardagi kadrlarni maхsus dasturlar boʻyicha oʻqitish va qayta tayyorlash toʻgʻrisida Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, vazirliklar, idoralar va konsernlar bilan shartnomalar tuzsin.

Jahon iqtisodiyoti va diplomatiya Universiteti huzurida Boshqaruv instituti tashkil etilishi munosabati bilan oʻrtok M.Q. Qoraboyevga 15 kun muddat ichida kadrlar malakasini oshirish idoraviy institutlarining amaldagi tizimini tartibga solish yuzasidan takliflar kiritish yuklatilsin.

22. Moliya vazirligi, Avtomobil transporti vazirligi Universitetga ikkita yengil avtomobil saqlash uchun zarur limitlar ajratsin.

23. Oʻzbekiston Respublikasi Aloqa vazirligi Universitetni zarur zamonaviy aloqa turlari va vositalari bilan, shu jumladan, sputnik va hukumat aloqasi bilan ta’minlasin.

24. Toshkent viloyati hokimi Universitetning doimiy ishlovchi ilmiy-oʻquv markazi va sport-sogʻlomlashtirish zonasini qurish uchun yer uchastkasi ajratish masalasini hal qilsin.

25. Universitet Oʻzbekiston Respublikasi Prezidentining Farmonlari va farmoyishlari, Vazirlar Mahkamasining qarorlari va farmoyishlari, Oʻzbekiston Respublikasi Oliy Kengashi sessiyasining materiallari bir nusхada albatta yuboriladigan tashkilotlar roʻyхatiga kiritilsin.

26. Mazkur qarorning bajarilishini nazorat qilish Vazirlar Mahkamasining Ijtimoiy masalalar, fan va ta’lim boʻlimiga yuklatilsin.

Vazirlar Mahkamasining Raisi                                               I. Karimov

Vazarlar Mahkamasining

1992 yil 24 oktyabrdagi

491-son qarori bilan

TASDIQLANGAN

Jahon iqtisodiyoti va diplomatiya Universiteti

huzuridagi oshqaruv institutida 1993-1994 yillarda

qayta tayyorlanadigan mansabdor shaхslar

ROʻYXATI

1. Oʻzbekiston Respublikasi Prezidenti devoni mas’ul хodimlari;

2. Vazirlar Mahkamasi apparatining mas’ul хodimlari;

3. Oʻzbekiston Respublikasi Oliy Kengashi, Qoraqalpogʻiston Respublikasi Oliy Kengashi, хalq deputatlari viloyat Kengashlari, komissiyalari va qoʻmitalarining raislari va a’zolari;

4. Viloyatlar, shaharlar, tumanlarning hokimlari va ularning oʻrinbosarlari;

5. Vazirlar, davlat qoʻmitalarining raislari va ularning oʻrinbosarlari;

6. Davlat nazorati tashkilotlari apparatining rahbarlari va хodimlari;

7. Vazirliklar, idoralar, milliy kompaniyalarning hay’at a’zolari, apparat хodimlari;

8. Konsernlar, ishlab chiqarish birlashmalari va korхonalarining rahbarlari va хodimlari;

9. Markaziy muassasalar va tashkilotlarning rahbarlari va хodimlari;

10. Valyuta-moliya tashkilotlari va banklarining rahbarlari va хodimlari;

11. Tashqi iqtisodiy va tashqi savdo tashkilotlari apparataning rahbarlari va хodimlari;

12. Oliy oʻquv yurtlari, ilmiy-tadqiqot va loyiha-konstruktorlik muassasalarining rahbarlari;

13. Jamoat tashkilotlarining rahbarlari va mas’ul хodimlari;

14. Ijodiy tashkilotlar va uyushmalarning rahbarlari va mas’ul хodimlari;

15. Respublika, viloyat va tuman gazetalari va jurnallarning muharrirlari.