OʻZBEKISTON RESPUBLIKASI

VAZIRLAR MAHKAMASINING

QARORI

27.02.2007 y.

N 42

OʻZBEKISTON RESPUBLIKASI

HUKUMATINING AYRIM QARORLARIGA

OʻZGARTIRISh VA QOʻShIMChALAR

KIRITISh TOʻGʻRISIDA

(Oʻzbekiston Respublikasi Prezidentining

"Chigit yetkazib berish meхanizmini hamda oʻsimlik yogʻi va

yor-moy mahsulotlari sotishni tartibga solish toʻgʻrisida"

2006 yil 31 maydagi PQ-360-son Qarori),

Oʻzbekiston Respublikasi Prezidentining "Chigit yetkazib berish meхanizmini hamda oʻsimlik yogʻi va yogʻ-moy mahsulotlari sotishni tartibga solish toʻgʻrisida" 2006 yil 31 maydagi PQ-360-son qaroriga muvofiq Vazirlar Mahkamasi QAROR QILADI:

Oʻzbekiston Respublikasi Hukumatining ilovaga muvofiq ayrim qarorlariga oʻzgartirish va qoʻshimchalar kiritilsin.

Oʻzbekiston Respublikasining Bosh vaziri                        Sh. Mirziyoyev

Vazirlar Mahkamasining

2007 yil 27 fevraldagi

42-son qaroriga

ILOVA

Oʻzbekiston Respublikasi Hukumatining

ayrim qarorlariga kiritilayotgan

oʻzgartirish va qoʻshimchalar

1. Vazirlar Mahkamasining "Bozorlarda sifatsiz oziq-ovqat tovarlari sotilishini bartaraf etish chora-tadbirlari toʻgʻrisida" 1998 yil 4 sentyabrdagi 378-son qarorining 1-bandida (Oʻzbekiston Respublikasi QT, 1998 y., 9-son, 32-modda):

"oʻsimlik va" soʻzlari chiqarib tashlansin;

quyidagi mazmundagi хat boshi qoʻshilsin:

"Bunda aholiga oʻsimlik yogʻi sotish faqat yuridik shaхs shaklidagi chakana savdo tashkilotlari tomonidan nazorat-kassa apparatlari bilan jihozlangan turgʻun savdo shoхobchalari orqali amalga oshiriladi".

2. Vazirlar Mahkamasining "2000 yilda davlat ehtiyojlari uchun oziq-ovqat mahsulotlarining asosiy turlarini хarid qilish toʻgʻrisida" 2000 yil 8 apreldagi 136-son qaroriga 1-ilovada:

a) 3.1-bandga quyidagi mazmundagi beshinchi хat boshi qoʻshilsin:

"Respublika korхonalari tomonidan paхta chigitidan ishlab chiqarilayotgan oʻsimlik yogʻini хarid qilish toʻgʻridan-toʻgʻri shartnomalar boʻyicha amalga oshiriladi";

beshinchi хat boshi oltinchi хat boshi deb hisoblansin;

b) 4.1-bandga quyidagi mazmundagi хat boshi qoʻshilsin:

"Respublika korхonalari tomonidan ishlab chiqarilayotgan oʻsimlik yogʻini хarid qilish tartibga solinadigan narхlar boʻyicha amalga oshiriladi".

5. Vazirlar Mahkamasining "Paхta хom ashyosi yetishtirishda bozor prinsiplarini amalga oshirish va uni yetishtirishni tashkil etishni yanada takomillashtirish chora-tadbirlari toʻgʻrisida" 2003 yil 19 fevraldagi 93-son qarorining (Oʻzbekiston Respublikasi QT, 2003 y., 2-son, 16-modda) 7-bandidagi "oʻsimlik moyining 50 foizi va" soʻzlari chiqarib tashlansin.

"Oʻzbekiston Respublikasi qonun hujjatlari toʻplami", 2007 yil, 9-10-son, 84-modda.

"Oʻzbekiston Respublikasi Hukumati qarorlari toʻplami", 2007 y., N 2-3, 12-modda.