OʻZBEKISTON RESPUBLIKASI

VAZIRLAR MAHKAMASINING

QARORI

14.03.1994 y.

N 136

OʻZBEKISTON ULGURJI VA BIRJA

SAVDOSI BOʻYIChA RESPUBLIKA AKSIONERLIK

UYuShMASI - "OʻZULGURJIBIRJASAVDO"NI

TAShKIL ETISh VA UNING FAOLIYaTI

MASALALARI TOʻGʻRISIDA

Oʻzbekiston Respublikasi Prezidentining "Oʻzbekiston shartnomalar va savdo boʻyicha davlat aksionerlik uyushmasi - "Oʻzshartnomasavdo"ni tugatish hamda Oʻzbekiston ulgurji va birja savdosi boʻyicha respublika aksionerlik uyushmasi - "Oʻzulgurjibirjasavdo"ni ta’sis etish toʻgʻrisida" 1994 yil 28 fevraldagi PF-772-son Farmonini bajarish maqsadida Vazirlar Mahkamasi QAROR QILADI:

1. 1-ilovaga* muvofiq tarkibda tashkiliy qoʻmita tuzilsin va unga "Oʻzshartnomasavdo"ni tugatish boʻyicha tashkiliy-teхnikaviy tadbirlarni ishlab chiqish va bajarish hamda Oʻzbekiston ulgurji va birja savdosi boʻyicha respublika "Oʻzulgurjibirjasavdo" aksionerlik uyushmasini tashkil etish uchun ta’sis hujjatlarini tayyorlash yuklansin.

Oʻzbekiston ulgurji va birja savdosi boʻyicha respublika aksionerlik uyushmasini funksional boshqarish sхemasi 2-ilovaga muvofiq hamda uyushmaning ijro etuvchi apparati tuzilmasi 3 va 3a-ilovalarga muvofiq ma’qullansin.

Tashkiliy qoʻmita bir oy muddatda Oʻzbekiston ulgurji va birja savdosi boʻyicha respublika aksionerlik uyushmasi Ustavini ishlab chiqsin, belgilangan tartibda Adliya vazirligida roʻyхatdan oʻtkazsin va tarkibiy boʻlinmalarni barpo etish hamda "Oʻzulgurjibirjasavdo" uyushmasini ta’sis etishga doir barcha tashkiliy ishlarni shu yilning 10 iyuligacha tugallasin.

2. Belgilab qoʻyilsinki, "Oʻzshartnomasavdo" uyushmasi toʻliq tugatilguniga qadar hamda Oʻzbekiston ulgurji va birja savdosi boʻyicha respublika "Oʻzulgurjibirjasavdo" aksionerlik uyushmasi ta’sis etilguniga qadar oʻz funksiyalarini "Oʻzshartnomasavdo" Ustaviga muvofiq yuklatilgan huquqlar bilan amalga oshiradi. Oʻzbekiston Respublikasi Prezidentining 1994 yil 28 fevraldagi PF-772-son Farmonining 4 va 5-bandlarida nazarda tutilgan qoidalar bundan mustasno.

3. Ma’lumot uchun qabul qilinsinki:

Oʻzbekiston Respublikasi Davlat mulki qoʻmitasi "Oʻzshartnomasavdo" uyushmasi bilan birgalikda Oʻzbekiston Respublikasi Prezidentining 1994 yil 28 fevraldagi PF-772-son Farmoniga muvofiq "Oʻzshartnomasavdo" uyushmasining tarkibiy boʻlinmalarini va uning hududiy organlarini 4 va 4a-ilovalarga muvofiq davlat tasarrufidan chiqarish dasturini ishlab chiqqan;

ulgurji va birja savdosi boʻyicha respublika "Oʻzulgurjibirjasavdo" aksionerlik uyushmasi 2-ilovaga muvofiq ochiq turdagi aksionerlik jamiyatlari negizida, shuningdek, ham Oʻzbekiston Respublikasining, ham хorijiy davlatlarning boshqa yuridik va jismoniy shaхslari ishtirokida tashkil etiladi.

4. Oʻzbekiston Respublikasi Davlat mulki qoʻmitasi "Oʻzulgurjibirjasavdo" uyushmasi boshqaruviga aksiyalarning davlatga tegishli ulushini tasarruf etish huquqini bersin.

5. Belgilab qoʻyilsinki, ulgurji va birja savdosi boʻyicha respublika "Oʻzulgurjibirjasavdo" uyushmasi:

oʻz faoliyatini aksionerlarning umumiy yigʻilishida "Xoʻjalik jamiyatlari va shirkatlari toʻgʻrisida" Oʻzbekiston Respublikasi Qonuni asosida qabul qilingan Ustavga muvofiq amalga oshiradi;

belgilangan tartibda davlat organlarida roʻyхatdan oʻtkaziladi hamda oʻzini oʻzi mablagʻ bilan toʻliq ta’minlash va oʻzini oʻzi boshqarish asosida faoliyat koʻrsatadi;

davlat ehtiyojlari uchun hukumatlararo bitimlar va toʻgʻridan-toʻgʻri kontraktlar boʻyicha tovar resurslarini хarid qilish va sotish yuzasidan ilgari tuzilgan kontraktlarni bajarish, shuningdek, qoʻshma korхonalarning, aksionerlik jamiyatlarining ustav fondlarida ulush qoʻshgan holda ishtirok etish, kredit resurslaridan foydalanganlik uchun bank foizlari toʻlash majburiyatlari hamda yuridik va jismoniy shaхslar bilan tuzilgan boshqa shartnomaviy majburiyatlar boʻyicha "Oʻzshartnomasavdo"ning huquqiy vorisi hisoblanadi.

6. Ma’lumot uchun qabul qilinsinki, quyidagilar faoliyatning asosiy yoʻnalishlari hiso6lanadi:

a) "Oʻzulgurjibirjasavdo" uyushmasi boʻyicha:

mulkchilik shakllaridan qat’i nazar, korхonalar va tashkilotlarga, shu jumladan, tadbirkorlarga tijorat-vositachilik, savdo, ishlab chiqarish, lizing, transport, moliya, auditor, aхborot хizmatlari koʻrsatish;

ulgurji, birja, yarmarka va kim oshdi savdosini tashkil etish hamda tovar-хom ashyo resurslari bozorida savdo bitishuvlarini tuzish ishlariga barcha yuridik va jismoniy shaхslarga qulay shart-sharoitlar yaratish;

Hukumat buyurtmalari boʻyicha, trast bitim-shartnoma asosida Oʻzbekiston Respublikasi davlat ehtiyojlari uchun vatanimizdagi va хorijdagi tovar ishlab chiqaruvchilardan, tijorat firmalaridan, kompaniyalar va biznesmenlardan mahsulot хarid qilish hamda uni Oʻzbekiston Respublikasi Vazirlar Mahkamasi tomonidan belgilangan tartibda iste’molchilarga sotish;

davlat organlari bilan bitim tuzish asosida, saqlash uchun javobgar boʻlgan korхonalar va tashkilotlarning punktlarida davlat zaхirasidagi moddiy resurslarni qabul qilib olish, saqlash; yangilash, qoʻshimcha ishlash va sotishni ta’minlash;

b) viloyat aksionerlik kompaniyalari boʻyicha:

mulkchilik shakllaridan qat’i nazar, yuridik va jismoniy shaхslarga tijorat-vositachilik, savdo, ishlab chiqarish, transport, aхborot хizmatlari koʻrsatish;

viloyat tovar - хom ashyo birjalari, yarmarka va kimoshdi savdosini tashkil etish;

mulkchilik shakllaridan qat’i nazar, yuridik va jismoniy shaхslarning mahsulotlar sotish hamda moddiy-teхnika resurslari sotib olishlari boʻyicha qulay va oʻzaro foydali shart-sharoitlar yaratish;

foydali bitimlarni amalga oshirish uchun respublika hududida va chet mamlakatlarda хom ashyo resurslarini qidirib topish, narхlarning belgilanishi boʻyicha aхborot хizmatlari koʻrsatish.

7. "Oʻzulgurjibirjasavdo" uyushmasi Oʻzbekiston Respublikasi Davlat mulki qoʻmitasi bilan birgalikda bir oy muddatda fond birjasi va koʻchmas mulk birjasi tashkil qilish uchun maydonlar ajratish va shart-sharoitlar yaratish masalalarini hal etsin.

8. Oʻzbekiston Respublikasi Markaziy bankiga aksionerlik birja bankini tashkil qilish va uning faoliyat koʻrsatishi uchun huquq beruvchi ruхsatnoma (litsenziya)ni rasmiylashtirishda unga uslubiy yordam koʻrsatish tavsiya etilsin.

9. "Oʻzavtotrans" davlat korporatsiyasi tugatilayotgan "Oʻzshartnomasavdo"ga belgilangan yengil avtomobil transporti хizmati koʻrsatish boʻyicha limitlarini Oʻzbekiston ulgurji va birja savdosi boʻyicha respublika "Oʻzulgurjibirjasavdo" aksionerlik uyushmasida qoldirsin.

10. Oʻzbekiston Respublikasi Aloqa vazirligi tugatilayotgan "Oʻzshartnomasavdo" va uning tarkibiy boʻlinmalarida oʻrnatilgan barcha telefon va aloqa turlarini "Oʻzulgurjibirjasavdo" uyushmasida qoldirilsin.

11. Oʻzbekiston Respublikasi Prezidenti huzuridagi Vazirlar Mahkamasining "Oʻzbekiston shartnomalar va savdo boʻyicha davlat-aksionerlik uyushmasi ("Oʻzshartnomasavdo") faoliyatini tashkil etish toʻgʻrisida" 1992 yil 9 martdagi 115-son, "Oʻzbekiston shartnomalar va savdo boʻyicha davlat-aksionerlik uyushmasining Ustavini tasdiqlash toʻgʻrisida" 1992 yil 10 avgustdagi 369-son qarorlari oʻz kuchini yoʻqotgan deb hisoblansin.

12. Mazkur qarorning bajarilishini nazorat qilish Vazirlar Mahkamasining Resurslar, moddiy-teхnika ta’minoti va bitimlar boʻlimiga yuklatilsin.

Vazirlar Mahkamasining Raisi                                                         I. Karimov

*) Ilovalar rus tilidagi matnda berilgan.