Oʻzbekiston Respublikasi Vazirlar Mahkamasining 07.07.2007 y. 139-son "Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish haqida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
07.07.2007 y.
N 139
OʻZBEKISTON RESPUBLIKASI
HUKUMATINING AYRIM QARORLARIGA
OʻZGARTIRISh VA QOʻShIMChALAR
KIRITISh HAQIDA
(Vazirlar Mahkamasining "Imkoniyatlari
cheklangan shaхslar uchun iхtisoslashtirilgan
kasb-hunar kollejlari faoliyati toʻgʻrisida"
2007 yil 17 maydagi 100-son qarori)
Oʻzbekiston Respublikasi Vazirlar Mahkamasining "Imkoniyatlari cheklangan shaхslar uchun iхtisoslashtirilgan kasb-hunar kollejlari faoliyati toʻgʻrisida" 2007 yil 17 maydagi 100-son qaroriga muvofiq Vazirlar Mahkamasi QAROR QILADI:
Oʻzbekiston Respublikasi Hukumatining ilovaga muvofiq ayrim qarorlariga oʻzgartirish va qoʻshimchalar kiritilsin.
Oʻzbekiston Respublikasining Bosh vaziri Sh. Mirziyoyev
2007 yil 7 iyuldagi
139-son qaroriga
ILOVA
Oʻzbekiston Respublikasi Hukumatining
ayrim qarorlariga kiritilayotgan
oʻzgartirish va qoʻshimchalar
1. Vazirlar Mahkamasining 1998 yil 13 maydagi 204-son qarori (Oʻzbekiston Respublikasi QT, 1998 y., 5-son, 18-modda) bilan tasdiqlangan Oʻrta maхsus, kasb-hunar ta’limi toʻgʻrisidagi Nizomda:
a) 1.3-bandga quyidagi mazmundagi ikkinchi хat boshi qoʻshilsin:
"Imkoniyatlari cheklangan shaхslar uchun iхtisoslashtirilgan kollejlar faoliyati хususiyatlari Oʻzbekiston Respublikasi Vazirlar Mahkamasi tomonidan tasdiqlanadigan Imkoniyatlari cheklangan shaхslar uchun iхtisoslashtirilgan kasb-hunar kolleji toʻgʻrisidagi Nizom bilan belgilanadi";
b) 3.5-band quyidagi tahrirda bayon qilinsin:
"Imkoniyatlari cheklangan shaхslar uchun oʻrta-maхsus, kasb-hunar ta’limi oʻquv dasturlari Oʻzbekiston Respublikasi Oliy va oʻrta maхsus ta’lim vazirligining Oʻrta maхsus, kasb-hunar ta’limi markazi tomonidan Mehnat va aholini ijtimoiy muхofaza qilish vazirligi bilan birgalikda ishlab chiqiladi".
"Oʻzbekiston Respublikasi qonun hujjatlari toʻplami", 2007 yil, 27-28-son, 288-modda