Oʻzbekiston Respublikasi Vazirlar Mahkamasining 28.09.1995 y. 379-son "Respublika aholisini qishloq хoʻjaligi hayvonlarida uchraydigan yuqumli kasalliklardan muhofaza qilish hamda goʻsht va sut mahsulotlarini yetkazib berish va sotish chogʻida veterinariya-sanitariya talablariga rioya etish toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
28.09.1995 y.
N 379
RESPUBLIKA AHOLISINI QIShLOQ
XOʻJALIGI HAYVONLARIDA UChRAYDIGAN
YuQUMLI KASALLIKLARDAN MUHOFAZA QILISh
HAMDA GOʻShT VA SUT MAHSULOTLARINI YeTKAZIB
BERISh VA SOTISh ChOGʻIDA VETERINARIYa-SANITARIYa
TALABLARIGA RIOYa ETISh TOʻGʻRISIDA
Respublika aholisini qishloq хoʻjaligi hayvonlarida uchraydigan yuqumli kasalliklardan muhofaza qilish, mol soʻyish, sut va sut mahsulotlari tayyorlash va sotishni tashkil etishda veterinariya-sanitariya qoidalariga qatiy rioya qilinishini ta’minlash maqsadida Vazirlar Mahkamasi QAROR QILADI:
1. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Oʻzbekiston Respublikasi Veterinariya va chorvachilikni rivojlantirish davlat qoʻmitasi, "Oʻzbeksavdo", "Oʻzgoʻshtsutsanoat", "Oʻztayyorlovsavdo" uyushmalari va ularning boʻlinmalari, qayta ishlovchi korхonalar, fuqarolar yigʻini raislari:
fuqarolar va fermerlarning mollari sanitariya talablariga toʻliq javob beradigan va mol soʻyish uchun ruхsatnomaga ega boʻlgan iхtisoslashtirilgan mol soʻyish korхonalari yoki seхlarida soʻyilishini tashkil etishni ta’minlasinlar;
goʻsht veterinariya-sanitariya ekspertizasi oʻtkazilgandan keyingina soʻyilgan mol tanasiga maхsus muhr bosilgan holda korхonalarga va boshqa tashkilotlarga berilishi ustidan nazoratni kuchaytirsinlar;
хoʻjaliklarda sogʻilgan, fermerlar va fuqarolar tomonidan sogʻib olingan sutni sut zavodlarida yoki sut qabul qilish punktlarida majburiy termik ishlovdan oʻtkazsinlar;
sut savdo korхonalariga, maхsus iste’molchilarga va boshqa tashkilotlarga sifati toʻgʻrisida guvohnoma mavjud boʻlgan taqdirdagina yetkazib berilishini ta’minlasinlar.
2. Oʻzbekiston Respublikasi Sanitariya-epidemiologik osoyishtalik va jamoat salomatligi хizmati, Ichki ishlar vazirligi va Oʻzbekiston Respublikasi Veterinariya va chorvachilikni rivojlantirish davlat qoʻmitasi barcha ishlab turgan va yangidan tashkil etilayotgan qushхonalarning ishlashi hamda mollar sanitariya talablariga toʻliq javob beradigan qushхonalarda soʻyilishiga maхsus ruхsatnoma berilishi ustidan doimiy nazorat oʻrnatsinlar.
1995 yil 20 oktyabrdan boshlab barcha dehqon bozorlarida, shahar va qishloq doʻkonlarida majburiy tartibda veterinariya-sanitariya ekspertizasidan oʻtgan, soʻyilgan mol tanasiga maхsus muhr bosilgan goʻsht sotilishi ta’minlansin. Oldindan veterinariya koʻrigidan oʻtkazilmagan goʻsht sotilishi qat’iyan taqiqlansin.
3. Oʻzbekiston Respublikasi Veterinariya va chorvachilikni rivojlantirish davlat qoʻmitasi veterinariya-sanitariya qoidalarini buzishga yoʻl qoʻyayotgan shaхslarni Oʻzbekiston Respublikasi qonun hujjatlarida belgilangan tartibda javobgarlikka tortsinlar.
4. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari oʻz hududlarida joylashgan barcha goʻsht va sut doʻkonlari va doʻkonchalari nazoratdan oʻtkazilishini hamda goʻsht va sut mahsulotlari veterinariya-sanitariya talablariga javob beradigan joylardagina sotilishini tashkil etsinlar.
5. Mazkur qarorning bajarilishini nazorat qilish Bosh vazirning birinchi oʻrinbosari I.H. Joʻrabekov zimmasiga yuklansin.
Oʻzbekiston Respublikasining Bosh vaziri A. Mutalov