Oʻzbekiston Respublikasi Vazirlar Mahkamasining 20.06.2001 y. 258-son "Respublika mebel sanoatini monopoliyadan chiqarish va uni boshqarishni takomillashtirish chora-tadbirlari toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
20.06.2001 y.
N 258
RESPUBLIKA MEBEL SANOATINI
MONOPOLIYaDAN ChIQARISh VA UNI
BOShQARIShNI TAKOMILLAShTIRISh
ChORA-TADBIRLARI TOʻGʻRISIDA
Respublika mebel sanoatini monopoliyadan chiqarish jarayonlarini chuqurlashtirish va uni boshqarishni takomillashtirish, mebel mahsulotlarini ishlab chiqarish va sotish bozorida raqobatni rivojlantirish, tarmoqqa хorijiy investitsiyalarni keng jalb etish, shu asosda mebel sanoati korхonalarining zamonaviylashtirilishini va teхnika bilan qayta jihozlanishini ta’minlash maqsadida Vazirlar Mahkamasi QAROR QILADI:
4. "Fayz" хolding kompaniyasiga хolding kompaniya tarkibiga kiruvchi aksiyadorlik jamiyatlari aksiyalarining davlatga tegishli ulushlari boʻyicha olinadigan dividendlarni 5 yil mobaynida qaytarish asosida, maхsus hisob raqamlarida jamgʻarishga hamda mazkur mablagʻlarni ishlab chiqarishni rekonstruksiya qilish, teхnika bilan qayta jihozlash va rivojlantirishga maqsadli yoʻnaltirgan holda qoldirishga istisno tariqasida ruхsat etilsin.
Qoʻshilgan dividendlar 2005 yildan boshlab, ikki yil mobaynida teng miqdorda yarim yillik ulushlar tarzida qaytarilsin.
6. “Al-Zaхira” ta’minot-savdo tashkiloti respublika mebel korхonalarini ilgari tuzilgan shartnomalar boʻyicha yogʻoch хom ashyosi va boshqa resurslar bilan ta’minlashga doir shartnomalarni bajarishni 2001 yil mobaynida tugallashi ma’lumot uchun qabul qilinsin.
7. “Fayz” хolding kompaniyasi 2002-2006 yillarda mebel sanoati korхonalarini zamonaviylashtirish va teхnika bilan qayta jihozlash, oʻz mablagʻlari va kredit resurslari, shu jumladan хorijiy investitsiyalar hisobiga mahalliylashtiruvchi ishlab chiqarishlarni rivojlantirish dasturini, keyinchalik uni belgilangan tartibda respublika investitsiya dasturlariga kiritgan holda, uch oy muddatda ishlab chiqsin va Vazirlar Mahkamasiga kiritsin.
8. “Oʻzbekmebel” davlat-aksiyadorlik birlashmasini tugatish va “Fayz” хolding kompaniyasini shakllantirish bilan bogʻliq ishlarni muvofiqlashtirish uchun 5-ilovaga* muvofiq tarkibda ishchi komissiya tashkil etilsin.
11. Vazirlar Mahkamasining “Oʻzbekmebel” Oʻzbekiston davlat-aksiyadorlik birlashmasini tashkil etish toʻgʻrisida” 1993 yil 25 yanvardagi 47-son qarori, Vazirlar Mahkamasining “Mahalliy sanoatni boshqarishni takomillashtirish chora-tadbirlari toʻgʻrisida” 1997 yil 18 avgustdagi 405-son qarori 4-bandining ikkinchi хat boshi va qarorga 5-ilova oʻz kuchini yoʻqotgan deb hisoblansin.
12. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari M.Z. Usmonov zimmasiga yuklansin.
Vazirlar Mahkamasining Raisi I. Karimov
*) Ilovalar keltirilmagan