Oʻzbekiston Respublikasi Prezidentining 22.10.2007 y. PQ-714-son "Oʻzbekiston Respublikasi Prezidentining "Umumiy foydalaniladigan avtomobil yoʻllarini loyihalashtirish, qurish va rekonstruksiya qilish tartibini takomillashtirish chora-tadbirlari toʻgʻrisida" 2006 yil 25 oktyabrdagi PQ-499-sonli qaroriga oʻzgartish kiritish toʻgʻrisida"gi Qarori
OʻZBEKISTON RESPUBLIKASI
PREZIDENTINING
QARORI
22.10.2007 y.
N PQ-714
OʻZBEKISTON RESPUBLIKASI
PREZIDENTINING "UMUMIY FOYDALANILADIGAN
AVTOMOBIL YOʻLLARINI LOYIHALAShTIRISh,
QURISh VA REKONSTRUKSIYa QILISh TARTIBINI
TAKOMILLAShTIRISh ChORA-TADBIRLARI TOʻGʻRISIDA"
2006 YIL 25 OKTYaBRDAGI PQ-499-SONLI QARORIGA
OʻZGARTISh KIRITISh TOʻGʻRISIDA
Respublika yoʻl fondiga yigʻimlar toʻlash boʻyicha imtiyozlar berishni tartibga solish hamda toʻlovlardan boʻyin tovlash holatlarining oldini olish maqsadida:
1. Oʻzbekiston Respublikasi Prezidentining "Umumiy foydalaniladigan avtomobil yoʻllarini loyihalashtirish, qurish va rekonstruksiya qilish tartibini takomillashtirish chora-tadbirlari toʻgʻrisida" 2006 yil 25 oktyabrdagi PQ-499-sonli qarori bilan tasdiqlangan Oʻzbekiston Respublikasi Moliya vazirligi huzuridagi Respublika yoʻl fondi daromadlarini shakllantirish va mablagʻlarini sarflash tartibi toʻgʻrisidagi Nizomning 36-bandi ikkinchi хatboshi quyidagi tahrirda bayon etilsin:
"ishlab chiqaruvchi zavod tomonidan qoʻlda boshqarishga moslashtirilgan yengil avtomobil va/yoki motokolyaska sotib oladigan barcha guruh nogironlari;".
2. Belgilansinki, kiritilayotgan oʻzgartish 2007 yilning 1 noyabridan kuchga kiradi.
3. Mazkur qarorning ijrosini nazorat qilish Oʻzbekiston Respublikasi Bosh vaziri Sh.M. Mirziyoyev zimmasiga yuklansin.
Oʻzbekiston Respublikasi Prezidenti I. Karimov
"Oʻzbekiston Respublikasi qonun hujjatlari toʻplami", 2007 yil, 44-son, 441-modda.