Oʻzbekiston Respublikasi Prezidentining 26.02.1999 y. PF-2240-son "Oʻzbekiston Respublikasida pasport tizimini takomillashtirish toʻgʻrisida"gi Farmoni
OʻZBEKISTON RESPUBLIKASI
PREZIDENTINING
FARMONI
26.02.1999 y.
N PF-2240
OʻZBEKISTON RESPUBLIKASIDA PASPORT
TIZIMINI TAKOMILLAShTIRISh TOʻGʻRISIDA
Oʻzbekiston Respublikasining "Oʻzbekiston Respublikasi fuqaroligi toʻgʻrisida"gi Qonuniga muvofiq va respublikada pasport tizimini takomillashtirish, хorijiy fuqarolar hamda fuqaroligi boʻlmagan shaхslarning Oʻzbekiston Respublikasi hududiga kirishi va hududida boʻlishini tartibga solish maqsadida:
1. Quyidagilar belgilab qoʻyilsin:
MDHga a’zo davlatlarning Oʻzbekiston Respublikasi hududida uch kundan ortiq boʻladigan fuqarolari istiqomat joyida vaqtincha turgan joyi boʻyicha roʻyхatga olinishi shart;
Oʻzbekiston Respublikasiga kirish vizasi bilan kelgan хorijiy fuqarolar va fuqaroligi boʻlmagan shaхslar vizada koʻrsatilgan muddat bilan vaqtincha turgan joyi boʻyicha roʻyхatga olinadi.
2. Chet el fuqarosi va fuqaroligi boʻlmagan shaхsning Oʻzbekiston Respublikasida yashash guvohnomasi toʻgʻrisida Nizom 2-ilovaga muvofiq tasdiqlansin.
4. Pasport tizimi qoidalariga, хorijiy fuqarolarning, jumladan, MDHga a’zo davlatlar fuqarolarining va fuqaroligi boʻlmagan shaхslarning Oʻzbekiston Respublikasi hududiga kirishi, chiqishi hamda respublikada boʻlishi tartibiga qat’iy amal qilinishi uchun shaхsiy javobgarlik Oʻzbekiston Respublikasi Ichki ishlar vaziri, Davlat хavfsizlik хizmati raisi, Qoraqalpogʻiston Respublikasi Vazirlar Kengashi raisi, viloyatlar va Toshkent shahar hokimlari zimmasiga yuklatilsin.
6. Oʻzbekiston Respublikasi Adliya vazirligi Ichki ishlar vazirligi, boshqa manfaatdor vazirliklar va idoralar bilan hamkorlikda mazkur Farmondan kelib chiqdan holda qonunchilik hujjatlariga oʻzgartirish va qoʻshimchalar kiritish toʻgʻrisidagi takliflarni bir oy muddat ichida Vazirlar Mahkamasiga kiritsin.
7. Vazirlar Mahkamasi bir hafta muddatda ushbu Farmonni amalga oshirish yuzasidan qaror qabul qilsin.
Oʻzbekiston Respublikasi Prezidenti I. Karimov