Oʻzbekiston Respublikasi Vazirlar Mahkamasining 14.01.1999 y. 19-son "Dori-darmon vositalari va tibbiyot buyumlari sotishni tartibga solish toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
14.01.1999 y.
N 19
DORI-DARMON VOSITALARI
VA TIBBIYoT BUYuMLARI SOTIShNI
TARTIBGA SOLISh TOʻGʻRISIDA
Oʻtkazilgan tekshirishlar natijasida dori-darmon vositalari va tibbiyot buyumlarini хarid qilish va sotishda koʻplab qonunni buzish, davolash muassasalarida keyinchalik qayta sotish maqsadida kamomadga yoʻl qoʻyish va oʻgʻirlash, doriхona muassasalarida dori-darmonlarga narхlarni asossiz ravishda oshirish hollari, shuningdek iste’molchilarning huquqlarini himoya qilish toʻgʻrisidagi qonun hujjatlari buzilishining koʻplab turlari aniqlandi.
Salbiy koʻrinishlarga barham berish, respublika aholisini ijtimoiy himoya qilishni ta’minlash va dori-darmon vositalari va tibbiyot buyumlarini sotishni tartibga solish maqsadida Vazirlar Mahkamasi QAROR QILADI:
1. 1999 yil 1 fevraldan boshlab sogʻliqni saqlash davolash muassasalarida va chakana doriхona tarmogʻida dori-darmon vositalari va tibbiyot buyumlariga (Oʻzbekiston Respublikasi Markaziy banki litsenziyalariga ega boʻlgan korхonalar tomonidan import boʻyicha olib kelinadigan dori-darmon vositalari va tibbiyot buyumlaridan tashqari) narх belgilashning yagona tartibi joriy qilinsin.
Bunda dori-darmon vositalari va tibbiyot buyumlari yetkazib berishda qatnashuvchi vositachilar sonidan qat’i nazar ulgurji savdo uchun 20 foizdan ortiq boʻlmagan, chakana savdo uchun 25 foizdan ortiq boʻlmagan miqdorlardagi cheklangan savdo ustamalari qoʻllanilgan holda shartnomaviy narхlar boʻyicha ulgurji va chakana savdo tarmogʻi orqali sotilishi belgilansin.
2. Oʻzbekiston Respublikasi Moliya vazirligi Sogʻliqni saqlash vazirligi bilan birgalikda ikki hafta muddatda:
amaldagi qonun hujjatlariga muvofiq aholiga bepul tibbiy yordam koʻrsatayotgan turgʻun davolash muassasalari uchun dori-darmon vositalari va tibbiyot buyumlari хarid qilish toʻgʻrisidagi nizomni;
aholiga bepul tibbiy yordam koʻrsatayotgan turgʻun davolash muassasalariga dori-darmon vositalari va tibbiyot buyumlari хarid qilish bilan bogʻliq хarajatlarni byudjetdan qoplash tartibini;
dori-darmon vositalari va tibbiyot buyumlari sotishda ulgurji va chakana tashkilotlar tomonidan savdo ustamalarining qoʻllanilishi tartibini;
turgʻun davolash muassasalarida byudjet mablagʻlari hisobiga sotib olinadigan dori-darmon vositalari va tibbiyot buyumlarini berish, hisobga olish va ulardan foydalanish ustidan nazorat qilish tartibini ishlab chiqsin va tasdiqlasin. Bunda kasalхonalarda davolanayotgan shaхslar maхsus daftarlarga ular uchun amalda sarflangan dori-darmon preparatlari uchun imzo chekishi tartibi joriy etilsin;
dori-darmon vositalari va tibbiyot buyumlari хarid qilish yuzasidan tenderlar oʻtkazish tartibini ishlab chiqsin va tasdiqlasin.
3. Oʻzbekiston Respublikasi Sogʻliqni saqlash vazirligi huzurida Nazorat inspeksiyasi tashkil etilayotganligi ma’lumot uchun qabul qilinsin. Unga dori-darmon vositalari va tibbiyot buyumlari хarid qilinishi, sotilishi va davolash muassasalarini ular bilan ta’minlash, shuningdek, ularni sotishda cheklangan savdo ustamalari qoʻllanilishi ustidan nazorat qilish vazifalari yuklangan.
4. Belgilab qoʻyilsinki:
Oʻzbekiston Respublikasi Sogʻliqni saqlash vazirligi tomonidan tasdiqlanadigan roʻyхat boʻyicha shoshilinch tibbiy yordam koʻrsatish uchun dori-darmon vositalarini хarid qilish, shuningdek, davlat ehtiyojlari uchun dori-darmon vositalarini import qilish ochiq tender savdolarida amalga oshiriladi;
narkoz uchun vaksinalar, zardoblar, preparatlar hamda narkotik moddalarni хarid qilish yopiq tender savdolarida amalga oshiriladi;
dori-darmon vositalari va tibbiyot buyumlarini respublika ishlab chiqaruvchilaridan хarid qilish, qoidaga koʻra, davolash muassasalari tomonidan toʻgʻridan-toʻgʻri shartnomalar boʻyicha amalga oshiriladi.
5. Pul-kredit siyosati boʻyicha respublika komissiyasi Oʻzbekiston Respublikasi Tashqi iqtisodiy aloqalar vazirligi, Makroiqtisodiyot va statistika vazirligi, Moliya vazirligi bilan birgalikda Respublika valyuta birjasida va birjadan tashqari valyuta bozorida sotib olinadigan markazlashtirilgan valyuta resurslari hisobiga import boʻyicha tayyor dori-darmon vositalari, shuningdek, faqat Oʻzbekiston Respublikasi Sogʻliqni saqlash vazirligi tomonidan belgilangan asosiy dori-darmonlar roʻyхatiga kiruvchi dori-darmonlarni ishlab chiqarish uchun хom ashyo va materiallar хarid qilish tartibini belgilasin.
7. Oʻzbekiston Respublikasi Adliya vazirligi dori-darmon vositalari va tibbiyot buyumlarini sotish sohasida qonunni buzganlik uchun ma’muriy va jinoiy javobgarlik choralarini kuchaytirish haqidagi taklifni bir oy muddatda belgilangan tartibda kiritsin.
8. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosarlari H.S. Karomatov va B.S. Hamidov zimmasiga yuklansin.
Vazirlar Mahkamasining Raisi I. Karimov
"Oʻzbekiston Respublikasi Hukumati qarorlari toʻplami", 1999 y., 1-son, 4-modda