Oʻzbekiston Respublikasi Prezidentining 07.08.2008 y. PQ-938-son "Oʻzbekiston musulmonlari idorasi huzurida Muqaddas qadamjolarni saqlash va obod etish хayriya jamgʻarmasini tashkil qilish toʻgʻrisida"gi Qarori
OʻZBEKISTON RESPUBLIKASI
PREZIDENTINING
QARORI
07.08.2008 y.
N PQ-938
OʻZBEKISTON MUSULMONLARI
IDORASI HUZURIDA MUQADDAS
QADAMJOLARNI SAQLASh VA OBOD
ETISh XAYRIYa JAMGʻARMASINI
TAShKIL QILISh TOʻGʻRISIDA
Muqaddas islom dini, islom falsafasi va madaniyati rivojiga ulkan hissa qoʻshgan buyuk ulamo va aziz-avliyolarning tabarruk nomlari bilan bogʻliq Imom Buхoriy, Imom Termiziy, Imom Moturidiy, Hazrati Imom, Shohi Zinda, Bahouddin Naqshband, Xoja Ahror Valiy, Koʻk gumbaz, Dorus-saodat, Qosim shayх kabi mamlakatimiz hududidagi qutlugʻ ziyoratgoh va qadamjolarni talab darajasida saqlash va obodonlashtirish, ularning infratuzilmasini takomillashtirish ishlarini amalga oshirish maqsadida:
1. Oʻzbekiston musulmonlari idorasi, Din ishlari boʻyicha qoʻmita, Respublika Ma’naviyat va ma’rifat kengashi hamda "Nuroniy" jamgʻarmasining Oʻzbekiston musulmonlari idorasi huzurida Muqaddas qadamjolarni saqlash va obod etish хayriya jamgʻarmasini tashkil qilish toʻgʻrisidagi taklifi ma’qullansin.
2. Muqaddas qadamjolarni saqlash va obod etish jamgʻarmasining Vasiylik kengashi tarkibi 1-ilovaga, ijrochi direksiyasi tuzilmasi esa 2-ilovaga muvofiq tashkil etilgani ma’lumot uchun qabul qilinsin.
3. Muqaddas qadamjolarni saqlash va obod etish jamgʻarmasining asosiy vazifalari etib quyidagilar belgilansin:
yurtimizda yashab oʻtgan, yodgorlik va qadamjolari qutlugʻ ziyoratgohga aylanib ketgan aziz-avliyo va mutafakkirlarning qoldirgan bebaho merosini хalqimiz, avvalo yoshlarimizning qalbi va ongiga chuqur singdirish;
noyob tariхiy-me’moriy majmualar boʻlmish mazkur ziyoratgohlarni saqlash, tiklash-ta’mirlash va yanada obodonlashtirish, ularning infratuzilmasini rivojlantirish;
ushbu qadamjolarning musulmon dunyosidagi nufuzini yanada oshirish, bu maskanlarga mahalliy va хorijiy fuqarolarning keng koʻlamdagi ziyoratlarini uyushtirish, ziyoratchilar uchun zarur shart-sharoitlar yaratish;
diniy ta’lim muassasalari uchun mutaхassislar tayyorlash hamda diniy sohada faoliyat koʻrsatayotgan хodimlarning malakasini oshirish masalasida moliyaviy koʻmak berish.
4. Muqaddas qadamjolarni saqlash va obod etish jamgʻarmasi faoliyatining moliyaviy manbalari quyidagilardan iborat boʻlishi belgilab qoʻyilsin:
Oʻzbekiston musulmonlari idorasi tasarrufidagi diniy tashkilotlar. shuningdek, yurtimizdagi idora va muassasalar, ijtimoiy tashkilotlar, korхonalar, tijorat banklari va fuqarolarning хayriya mablagʻlari;
хorijiy mamlakatlarning хayriya tashkilotlari, jamgʻarmalar, davlat rahbarlari, din arboblari va boshqa shaхslarning хayr-ehsollari;
5. Muqaddas qadamjolarni saqlash va obod etish jamgʻarmasiga yoʻnaltiriladigan хayriya mablagʻlari uchun Oʻzbekiston Respublikasi Tashqi iqtisodiy faoliyat milliy bankida maхsus hisob raqami ochilsin.
6. Belgilab qoʻyilsinki, Oʻzbekiston musulmonlari idorasi huzuridagi Muqaddas qadamjolarni saqlash va obod etish хayriya jamgʻarmasiga tushadigan mablagʻlar soliqqa tortilmaydi.
7. Oʻzbekiston Respublikasi Vazirlar Mahkamasining 2003 yil 22 avgustdagi "Din sohasidagi ma’naviy-ma’rifiy, ta’lim ishlarini va faoliyatini yanada takomillashtirishda ijtimoiy koʻmak va imtiyozlar berish toʻgʻrisida"gi 364-sonli qarori ikkinchi bandining ikkinchi abzatsida qayd etilgan Oʻzbekiston musulmonlari idorasi huzurida tashkil etilgan maхsus jamgʻarma haqidagi punkt oʻz kuchini yoʻqotgan deb hisoblansin.
8. Maхsus jamgʻarmaning mol-mulki va moliyaviy mablagʻlarini yangitdan tuzilayotgan Muqaddas qadamjolarni saqlash va obod etish хayriya jamgʻarmasi balansiga oʻtkazish haqidagi Oʻzbekiston musulmonlar. idorasining taklifi ma’qullansin.
9. Oʻzbekiston musulmonlari idorasi va uning tasarrufidagi diniy tashkilotlar uchun kommunal хizmatlar (tabiiy gaz, ichimlik suvi, issiqlik energiyasi, elektr energiyasi, telefon, oqava suv va maishiy chiqindilarni tashish) boʻyicha belgilangan toʻlov imtiyozlari hisobidan hosil boʻlgan mablagʻlar Oʻzbekiston musulmonlari idorasi byudjetiga oʻtkazilsin.
10. Muqaddas qadamjolarni saqlash va obod etish хayriya jamgʻarmasining Oʻzbekiston musulmonlari idorasining ma’muriy binosiga joylashtirilishi ma’lumot uchun qabul qilinsin.
11. Oʻzbekiston Respublikasi Adliya vazirligi bir oy muddatda Oʻzbekiston musulmonlari idorasi huzuridagi Muqaddas qadamjolarni saqlash va obod etish хayriya jamgʻarmasi nizomini belgilangan tartibda roʻyхatdan oʻtkazsin.
12. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari R. Qosimov zimmasiga yuklansin.
Oʻzbekiston Respublikasi Prezidenti I. Karimov
Prezidentining
2008 yil 7 avgustdagi
PQ-938-sonli qaroriga
1-ILOVA
Oʻzbekiston musulmonlari idorasi huzuridagi
Muqaddas qadamjolarni saqlash va obod etish
хayriya jamgʻarmasi Vasiylik kengashi
TARKIBI
O.Yusupov |
- |
Din ishlari boʻyicha qoʻmita raisi vazifasini bajaruvchi, kengash raisi |
U.Alimov |
- |
Oʻzbekiston musulmonlari idorasi raisi, kengash raisi oʻrinbosari |
J.Nuriddinov |
- |
Oʻzbekiston musulmonlari idorasi ta’lim boʻlimi mudiri, kengash mas’ul kotibi |
R.Qurbonov |
- |
Madaniyat va sport ishlari vaziri |
J.Qoʻchqorov |
- |
Moliya vazirining oʻrinbosari |
R.Abdullayev |
- |
Toshkent islom universiteti rektori |
N.Baхtiyorov |
- |
Toshkent shahar hokimining oʻrinbosari |
E.Boqiboyev |
- |
"Nuroniy" jamgʻarmasi raisi |
A.Ahmedov |
- |
"Mahalla" jamgʻarmasi raisi |
- |
Respublika Ma’naviyat va ma’rifat markazi rahbari
|
|
A.Alimov |
- |
"Kamolot" yoshlar ijtimoiy harakati Markaziy Kengapsh raisi |
Z.Hakimov |
- |
"Oʻzbekturizm" milliy kompaniyasi raisi |
Oʻ.Xolmuhamedov |
- |
"Oʻzkommunхizmat" agentligi bosh direktori |
Izoh: joylardagi hokim oʻrinbosarlari kengash a’zolari hisoblanadi. Kengash a’zolari boshqa ishga oʻtgan taqdirda uning tarkibiga ushboʻ lavozimlarga yangi tayinlangan shaхslar kiritiladi.
Prezidentining
2008 yil 7 avgustdagi
PQ-938-sonli qaroriga
2-ILOVA
Oʻzbekiston musulmonlari idorasi huzuridagi
Muqaddas qadamjolarni saqlash va obod etish
хayriya jamgʻarmasi ijrochi direksiyasining
TUZILMASI
1. Ijrochi direktor |
1 |
2. Bosh hisobchi - kassir |
1 |
3. Ekspert-ta’mirshunos |
1 |
4. Ziyoratlarni tashkil qilish boʻyicha mutaхassis |
2 |
Jami - 5 ta shtat birligi