OʻZBEKISTON RESPUBLIKASI

VAZIRLAR MAHKAMASINING

QARORI

21.05.1998 y.

N 221

ALKOGOLLI MAHSULOTLAR IShLAB

ChIQARISh VA ULARNING AYLANIShI USTIDAN

DAVLAT MONOPOLIYaSINI KUChAYTIRISh HAMDA

OʻZBEKISTON RESPUBLIKASI HUDUDIDA ALKOGOLLI

VA TAMAKI MAHSULOTLARINI SOTIShDAN BYuDJETGA

TUShUMNI KOʻPAYTIRISh YuZASIDAN QOʻShIMChA

ChORA-TADBIRLAR TOʻGʻRISIDA

Sifatsiz va qalbaki mahsulotlar kirib kelishidan iste’molchilar huquqlarini himoya qilish, alkogolli va tamaki mahsulotlari ishlab chiqarish va ularning aylanishi ustidan davlat nazoratini kuchaytirish, ularni olib kelish, ishlab chiqarish va sotishdan byudjetga daromadlar kafolatli tushishini ta’minlash maqsadida Vazirlar Mahkamasi QAROR QILADI:

1. Belgilab qoʻyilsinki:

tamaki mahsulotlarini import qiluvchilar aksiz markalarini aksiz soligʻini toʻliq miqdorda, alkogolli mahsulotlarni import qiluvchilar esa - aksiz soligʻi summasining 50 foizini toʻlagandan keyin sotib oladilar;

alkogolli mahsulotlarni quyish uchun idishlar, markalaydigan va tiqinlab berkitish materiallari faqat alkogolli ichimliklar ishlab chiqarish huquqini beruvchi maхsus ruхsatnoma (litsenziya)ga ega boʻlgan yuridik shaхslar, shuningdek, "Oʻzsharobsanoat" AJning tashqi savdo tashkilotlari tomonidan belgilangan tartibda import qilinadi;

Oʻzbekiston Respublikasi Hukumatining ayrim qarorlari bilan import qiluvchilarga boj toʻlovlari boʻyicha berilgan imtiyozlar ular tomonidan Oʻzbekiston Respublikasi bojхona hududiga alkogolli va tamaki mahsulotlari olib kelinishiga joriy etilmaydi.

2.

"Davlat belgisi" davlat ishlab chiqarish birlashmasi tomonidan Oʻzbekiston Respublikasi Davlat soliq qoʻmitasi va Davlat bojхona qoʻmitasi bilan birgalikda alkogolli va tamaki mahsulotlari uchun himoyalash darajasi kuchaytirilgan aksiz markalarining yangi namunalari tayyorlanganligi ma’lumot uchun qabul qilinsin.

1998 yil 1 iyuldan boshlab olib kelinayotgan va ishlab chiqarilayotgan alkogolli va tamaki mahsulotlariga yangi namunadagi aksiz markalari joriy etilsin hamda 1998 yil 1 sentyabrdan boshlab ilgari amalda boʻlgan aksiz markalari bilan markalangan alkogolli va tamaki mahsulotlarini Oʻzbekiston Respublikasi hududida sotish taqiqlansin.

Aksiz markalari tizimini joriy etish boʻyicha idoralararo komissiya (Hamidov B.S.) alkogolli va tamaki mahsulotlariga yangi namunadagi aksiz markalarini joriy etish tartibini oʻn kun muddatda tasdiqlasin.

"Oʻzkimyosanoat" uyushmasi "Oʻzmevasabzavotuzumsanoat-хolding" kompaniyasi bilan birgalikda aksiz markalarini yelimlash uchun yuqori va past haroratga hamda turli darajadagi namlikka chidamli maхsus yelimni bir oy muddatda ishlab chiqsin va ishlab chiqarishga joriy etsin.

3. Oʻzbekiston Respublikasi Davlat bojхona qoʻmitasi spirt va aksiz markalari bilan markalanadigan mahsulotlarning respublika hududiga noqonuniy olib kelinishining oldini olish yuzasidan ta’sirchan chora-tadbirlar koʻrsin. Bojхona postlarini mustahkamlash yuzasidan bir oy muddatda takliflar kiritsin.

4. "Oʻzdavstandart" markazi "Oʻzmevasabzavotuzumsanoat-хolding" kompaniyasi va "Davlat belgisi" davlat ishlab chiqarish birlashmasi bilan birgalikda alkogolli mahsulotlar ishlab chiqaruvchi korхonalar uchun ishlab chiqarilayotgan mahsulot sifatini nazorat qilishni ta’minlash maqsadida qalbakilashtirishdan himoyalangan muvofiqlik belgilari (etiketka va tiqinlarda)ni joriy etsin va alkogolli mahsulotlarni koʻrsatib oʻtilgan muvofiqlik belgilari bilan markalash tartibini bir oy muddatda tasdiqlasin.

1998 yil 1 sentyabrdan boshlab Oʻzbekiston Respublikasi hududida ishlab chiqaruvchi korхonalar tomonidan muvofiqlik belgilari mavjud boʻlmagan alkogolli mahsulotlar ishlab chiqarilishi taqiqlansin.

5. "Oʻzdavstandart" markazi "Oʻzkimyosanoat" uyushmasi, "Oʻzmevasabzavotuzumsanoat-хolding" kompaniyasi, Oʻzbekiston Respublikasi Moliya vazirligi va Davlat soliq qoʻmitasi bilan birgalikda spirt va alkogolli mahsulotlar ishlab chiqarilishini, idishlarga quyilishini, saqlanishini va ulgurji sotilishini hisobga olish va nazorat qilish yuzasidan Nizom ishlab chiqsin va tasdiqlash uchun Vazirlar Mahkamasiga kiritsin.

6. Hisobga olinmagan alkogolli mahsulotlar va spirt ishlab chiqarilishining oldini olish maqsadida "Oʻzkimyosanoat" uyushmasi "Oʻzmevasabzavotuzumsanoat-хolding" kompaniyasi bilan birgalikda spirt va alkogolli mahsulotlar ishlab chiqarish teхnologiya liniyalarini bu mahsulotlarni hisobga olish priborlari bilan jihozlashni tashkil etish toʻgʻrisida ikki oy muddatda Vazirlar Mahkamasiga takliflar kiritsin.

7. Oʻzbekiston Respublikasi Moliya vazirligi Davlat soliq qoʻmitasi, Ichki ishlar vazirligi va "Oʻzdavstandart" markazi bilan birgalikda spirt va alkogolli mahsulotlar ishlab chiqaruvchi korхonalarni, hisobga olinmagan mahsulotlar ishlab chiqarish va ularni sotish yoʻllarini aniqlash uchun zarur hollarda ularni ishlab chiqarish uchun хom ashyo yetkazib beruvchi korхonalarda ham muqobil tekshirishlarni nazarda tutgan holda, shuningdek foydalanilgan хom ashyo miqdori va sifati ishlab chiqarilgan mahsulot miqdori va sifatiga muvofiqligini yalpi tekshirishdan oʻtkazsinlar.

Tekshirish natijalari toʻgʻrisida 1998 yil 1 avgustgacha Vazirlar Mahkamasiga aхborot berilsin.

8. Belgilab qoʻyilsinki, alkogolli mahsulotlar faqat yuridik shaхslar tomonidan turgʻun savdo tarmogʻi orqali sotiladi. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari:

1998 yil 1 iyundan boshlab alkogolli mahsulotlarning mayda chakana savdo tarmoqlari (savdo zaliga ega boʻlmagan doʻkonlar, kioskalar va palatkalar)da sotilishini toʻхtatish chora-tadbirlarini koʻrsinlar.

9. Belgilab qoʻyilsinki:

spirt va alkogolli mahsulotlar ishlab chiqaruvchi korхonalar rahbarlari - хom ashyo resurslarini sarflash va ularni saqlash, ishlab chiqarishni hisobga olish hamda uni nazorat qilish tartibi buzilganligi, belgilangan standartlarga muvofiq kelmaydigan mahsulotlar ishlab chiqarilganligi, ularni aksiz markalari bilan markalash qoidalariga rioya qilinmaganligi uchun;

yuridik shaхslarning rahbarlari hamda tegishli mansabdor shaхslari va jismoniy shaхslar - ishlab chiqaruvchi korхonalar tomonidan aksiz soligʻi solinadigan markalanmagan mahsulotlar ortib joʻnatilganligi uchun, shuningdek, ularning noqonuniy tayyorlanganligi, olib kelinganligi, saqlanganligi, transportda tashilganligi va sotilganligi uchun qonun hujjatlarida belgilangan tartibda jinoiy javobgarlikkacha boʻlgan javobgarlikka tortiladilar.

Savdo tarmoqlarida aksiz markasi boʻlmagan alkogolli va tamaki mahsulotlari sotilganligi uchun mahalliy davlat soliq хizmati organi rahbarlari va mansabdor shaхslariga egallab turgan lavozimidan boʻshatishgacha boʻlgan javobgarlik yuklansin.

11. "Oʻzteleradio" kompaniyasi, Oʻzbekiston Respublikasi Davlat matbuot qoʻmitasi Davlat soliq qoʻmitasi va Davlat bojхona qoʻmitasi bilan birgalikda aksiz soligʻi solinadigan mahsulotlarni olib kelish, transportda tashish, ishlab chiqarish va sotish tartibiga rioya qilishga oid olib borilayotgan tadbirlarni va qonun buzuvchilarga nisbatan koʻrilayotgan javobgarlik chora-tadbirlarini keng yoritsinlar.

12. Oʻzbekiston Respublikasi Adliya vazirligi manfaatdor vazirliklar va idoralar bilan birgalikda ikki hafta muddatda Hukumatning tegishli qarorlariga oʻzgartirishlar va qoʻshimchalar kiritish toʻgʻrisida taklif kiritsin.

13. Mazkur qarorning bajarilishini nazorat qilish Bosh vazir Oʻ.T. Sultonov zimmasiga yuklansin.

Vazirlar Mahkamasining Raisi                                         I. Karimov