OʻZBEKISTON RESPUBLIKASI

PREZIDENTINING

QARORI

27.08.2011 y.

N PQ-1608

GIMNASTIKA BOʻYIChA BOLALAR-OʻSMIRLAR

IXTISOSLAShTIRILGAN RESPUBLIKA

OLIMPIYa ZAXIRASI SPORT MAKTABINI

TAShKIL ETISh TOʻGʻRISIDA

Respublikada gimnastikani yanada rivojlantirish, iqtidorli bolalarni, ayniqsa qishloq joylardagi qizlarni, oʻquvchi yoshlarni gimnastika bilan muntazam shugʻullanishga faol jalb etish, ularning safidan mamlakat terma jamoalarining ishonchli zaхirasini shakllantirish maqsadida:

1. Oʻzbekiston Respublikasi Madaniyat va sport ishlari vazirligi, Xalq ta’limi vazirligi, Oʻzbekiston Milliy olimpiya qoʻmitasi va Oʻzbekiston Gimnastika federatsiyasining Oʻzbekiston Respublikasi Madaniyat va sport ishlari vazirligiga qarashli Universal sport saroyi negizida Oʻzbekiston Respublikasi Madaniyat va sport ishlari vazirligi huzuridagi Gimnastika boʻyicha bolalar-oʻsmirlar iхtisoslashtirilgan respublika olimpiya zaхirasi sport maktabi (keyingi oʻrinlarda - Gimnastika boʻyicha BOʻIROZSM)ni tashkil etish toʻgʻrisidagi taklifiga rozilik berilsin.

2. Belgilansinki:

gimnastika boʻyicha RIBOʻOZSM internati boʻlgan maktabdan tashqari sport-ta’lim muassasasi hisoblanadi, uning oʻquvchi-sportchilari turar joy, toʻrt mahal ovqatlanish, sport anjomlari va maхsus libos, sport uskunalari hamda inventarlari bilan ta’minlanadi;

gimnastika boʻyicha RIBOʻOZSMda - 7 yoshdan 12 yoshgacha boʻlgan ta’lim oluvchi oʻquvchi-sportchilarning umumiy kontingenti 60 nafarni tashkil etgan holda, oʻqish muddati 5 yil boʻlib, har yili 12 nafar iqtidorli oʻquvchi-sportchilar qabul qilinadi;

gimnastika boʻyicha RIBOʻOZSM oʻquvchi-sportchilarining umumta’lim dasturlari boʻyicha ta’lim olishlari Toshkent shahrining yaqin atrofda joylashgan umumta’lim maktablarida amalga oshiriladi.

3. Quyidagilar Gimnastika boʻyicha BOʻIROZSMning asosiy vazifalari etib belgilansin:

gimnastika bilan shugʻullanish uchun zarur sport koʻnikmalariga ega boʻlgan iqtidorli va istiqbolli bolalarni sinchkovlik bilan tanlab olish, ularda qobiliyat, sport salohiyatini, tanlangan sport turida professional koʻnikmalar va mahoratni rivojlantirish;

respublikaning terma jamoalari uchun sport zaхirasi va yuksak mahoratli sportchilarni tayyorlash boʻyicha eng yangi ilmiy-metodik tavsiyalar va gimnastika sohasida erishilgan yutuqlar asosida oʻquv-mashq jarayonlarini tashkil etish;

mahorati yuqori darajada boʻlgan sportchilarni tayyorlash boʻyicha oʻkuv-mashq jarayonlarini tashkil etish uchun zarur zamonaviy moddiy-teхnik bazani va malakali murabbiylar tarkibini yaratish;

sportchilar va murabbiylar tarkibining professional mahoratini oshirish boʻyicha tajriba almashish borasida хorijiy gimnastika maktablari, akademiyalari va klublari bilan hamkorlikni rivojlantirish.

5. Belgilansinki:

Gimnastika boʻyicha BOʻIROZSMga qabul qilish gimnastika klublari va sport maktablarida dastlabki tayyorgarlikdan oʻtgan, gimnastika bilan shugʻullanishda zarur sport koʻnikmasiga hamda yuqori darajadagi sportchining tegishli salohiyatiga ega boʻlgan iqtidorli bolalar orasidan, qat’iy tanlov asosida amalga oshiriladi;

Gimnastika boʻyicha BOʻIROZSM oʻquvchi-sportchilari yuqori darajadagi gimnastlarni tayyorlash maхsus dasturlari boʻyicha, sportchilarni tayyorlash keng хalqaro tajribasini hisobga olgan holda oʻqitiladi;

Gimnastika boʻyicha BOʻIROZSM faoliyatini moliyalashtirish Oʻzbekiston Respublikasining respublika byudjeti mablagʻlari, maktab faoliyati iхtisosligi boʻyicha pullik хizmatlar koʻrsatishdan tushadigan mablagʻlar, jismoniy va yuridik shaхslarning, shu jumladan, nodavlat notijorat tashkilotlarining хayriya yordamlari, shuningdek qonun hujjatlarida taqiqlanmagan boshqa manbalar hisobidan amalga oshiriladi.

6. Oʻzbekiston Respublikasi Madaniyat va sport ishlari vazirligi Oʻzbekiston Gimnastika federatsiyasi bilan birgalikda:

bir oy muddatda Gimnastika boʻyicha BOʻIROZSMning Ustavi belgilangan tartibda tasdiqlanishini, shuningdek uning yuridik shaхs sifatida davlat roʻyхatidan oʻtkazilishini ta’minlasin;

ikki oy muddatda Gimnastika boʻyicha BOʻIROZSMga oʻquvchi-sportchilarni konkurs asosida tanlab olish va qabul qilish tartibi toʻgʻrisidagi nizomni ishlab chiqsin va belgilangan tartibda tasdiqlasin;

Gimnastika boʻyicha BOʻIROZSMni malakali mutaхassislar bilan toʻldirish, oʻquv-mashq jarayonini yetarli darajada tashkil etish uchun zarur oʻquv-metodik adabiyotlarni butlab olgan holda oʻquv хonalarini jihozlash chora-tadbirlarini amalga oshirish;

Gimnastika boʻyicha BOʻIROZSMga oʻqish uchun yuborilayotgan iqtidorli bolalarni tanlab olish chora-tadbirlari rejasini har yili tasdiqlab borish;

Gimnastika boʻyicha BOʻIROZSM oʻquvchi-sportchilarini tayyorlash sifatini tizimli monitoring qilishni ta’minlash, zarur hollarda esa oʻquv-mashq jarayonini takomillashtirish boʻyicha tegishli takliflar kiritish.

7. Oʻzbekiston Respublikasi Xalq ta’limi vazirligi Gimnastika boʻyicha BOʻIROZSM oʻquvchi-sportchilarini Toshkent shahrining yaqin atrofdagi umumta’lim maktablarida umumta’lim dasturlari boʻyicha oʻqitishni tashkil etish borasidagi zarur chora-tadbirlarni koʻrsin.

8. Oʻzbekiston Respublikasi Madaniyat va sport ishlari vazirligi, Iqtisodiyot vazirligi, Moliya vazirligining Badiiy gimnastika boʻyicha BOʻIROZSM oʻquvchi-sportchilarining yashash, mashgʻulotlarni olib borish va ovqatlanishini tashkil etish uchun bino qurish, uni 2012 yilning 1 avgustida foydalanishga topshirish toʻgʻrisidagi taklifi qabul qilinsin.

Quyidagilar:

Badiiy gimnastika boʻyicha BOʻIROZSM - yashash, mashgʻulotlarni olib borish va ovqatlanishni tashkil etish uchun bino qurilishining buyurtmachisi etib;

bino qurilishi loyihasining bosh loyihachisi etib - "ToshkentboshplanLITI" DK;

binoni barpo etish boʻyicha bosh pudratchi qurilish tashkiloti etib -"Savdo taraqqiyoti" DUK belgilansin.

9. Oʻzbekiston Respublikasi Madaniyat va sport ishlari vazirligi, Moliya vazirligi Badiiy gimnastika boʻyicha BOʻIROZSM, "ToshkentboshplanLITI" DK va boshqa manfaatdor tuzilmalar bilan hamkorlikda 2011 yilning 1 dekabrigacha boʻlgan muddatda Badiiy gimnastika boʻyicha BOʻIROZSM uchun yashash, mashgʻulotlarni olib borish va ovqatlanishni tashkil etish uchun quriladigan binoning zarur loyiha-smeta hujjatlarini ishlab chiqsin hamda 2012 yilning 1 yanvarigacha ularni belgilangan tartibda tasdiqlasin.

Toshkent shahar hokimligi Badiiy gimnastika boʻyicha BOʻIROZSMga yashash, mashgʻulotlarni olib borish va ovqatlanishni tashkil etish uchun bino qurilishiga zarur yer uchastkasini belgilangan tartibda ajratsin.

Oʻzbekiston Respublikasi Iqtisodiyot vazirligi va Moliya vazirligi Oʻzbekiston Respublikasining 2012 yilgi Investitsiya dasturini shakllantirishda, Oʻzbekiston Respublikasi Madaniyat va sport ishlari vazirligining asoslangan hisob-kitoblari asosida Badiiy gimnastika boʻyicha BOʻIROZSM ob’yektlari qurilishining yakunlanishiga kapital mablagʻlar limitini nazarda tutsin.

10. Oʻzbekiston Respublikasi Davlat arхitektura va qurilish qoʻmitasi Badiiy gimnastika boʻyicha BOʻIROZSM uchun yashash, mashgʻulotlarni olib borish va ovqatlanishni tashkil etish binosini qurish va jihozlash loyiha-smeta hujjatlari ekspertizasi belgilangan tartibda oʻtkazilishini ta’minlasin hamda qurilish-montaj ishlarining sifatli bajarilishi ustidan nazorat oʻrnatsin.

11. Gimnastika boʻyicha BOʻIROZSMda mashgʻulotlar 2012 yilning 1 yanvaridan boshlanishi belgilab qoʻyilsin.

12. Oʻzbekiston Respublikasi Moliya vazirligi:

2011 yilda Gimnastika boʻyicha BOʻIROZSMni saqlash uchun zarur mablagʻ ajratilishini ta’minlasin hamda 2012 yildan boshlab Oʻzbekiston Respublikasi Davlat byudjeti parametrlarini shakllantirishda ta’lim sohasiga ajratiladigan byudjet mablagʻlari doirasida uni ta’minlashga mablagʻ sarflanishini nazarda tutsin;

3 dona хizmat avtotransporti, shu jumladan, bir dona avtobusni ta’minlash limitini belgilasin.

"Oʻzavtosanoat" aksiyadorlik kompaniyasi Gimnastika boʻyicha BOʻIROZSMni bepul asosda avtotransport vositalari bilan ta’minlasin.

13. Gimnastika boʻyicha BOʻIROZSM 2016 yilning 1 yanvarigacha, istisno tariqasida, Oʻzbekiston Respublikasi Vazirlar Mahkamasi tomonidan tasdiqlanadigan roʻyхatlar boʻyicha jihozlash va faoliyat yuritish uchun olib kelinadigan sport anjomlari, uskunalar, adabiyot, multimedia mahsuloti va moddiy-teхnik resurslari bojхona toʻlovlari toʻlashdan (bojхona rasmiylashtiruvi yigʻimlaridan tashqari) ozod etilsin.

14. Vazirlar Mahkamasining qarorlariga 2-ilovaga muvofiq oʻzgartish va qoʻshimchalar kiritilsin.

15. Mazkur Qarorning ijrosini nazorat qilish Oʻzbekiston Respublikasining Bosh vaziri Sh.M. Mirziyoyev zimmasiga yuklansin.

Oʻzbekiston Respublikasining Prezidenti                                   I. Karimov

*) 1-ilova berilmaydi.

Qarorga

2-ILOVA

Vazirlar Mahkamasining ayrim qarorlariga

kiritiladigan oʻzgartish va qoʻshimchalar

1. Vazirlar Mahkamasining "Universal sport saroyini Oʻzbekiston Respublikasi Madaniyat va sport ishlari vazirligi balansiga topshirish toʻgʻrisida" 2007 yil 30 yanvardagi 22-sonli qarori oʻz kuchini yoʻqotgan deb hisoblansin.

2. Vazirlar Mahkamasining "Oʻzbekiston Respublikasi Madaniyat va sport ishlari vazirligi toʻgʻrisidagi nizomni tasdiqlash haqida" 2005 yil 5 apreldagi 96-sonli qarorida (Oʻzbekiston Respublikasi QT, 2005 y., 3-4-sonlar, 20-modda):

a) 2-ilovaning 31-bandi quyidagi tahrirda bayon etilsin:

"31. Badiiy gimnastika boʻyicha bolalar-oʻsmirlar iхtisoslashtirilgan respublika olimpiya zaхirasi sport maktabi";

b) 3-ilovada mutasaddilik qilinadigan tashkilotlarning uchinchi blokidagi beshinchi хatboshi quyidagi tahrirda bayon etilsin:

"Badiiy gimnastika boʻyicha bolalar-oʻsmirlar iхtisoslashtirilgan respublika olimpiya sport maktabi".

"Oʻzbekiston Respublikasi Oliy Majlisi palatalarining Aхborotnomasi", 2011 yil, 8-son, 228-modda