OʻZBEKISTON RESPUBLIKASI

VAZIRLAR MAHKAMASINING

QARORI

11.01.2012 y.

N 6

OʻZBEKISTON RESPUBLIKASI

HUKUMATINING AYRIM QARORLARIGA

OʻZGARTIRIShLAR KIRITISh TOʻGʻRISIDA

Oʻzbekiston Respublikasi Prezidentining "Oʻzbekiston Respublikasining 2012 yilgi asosiy makroiqtisodiy koʻrsatkichlari va Davlat byudjeti parametrlari toʻgʻrisida" 2011 yil 30 dekabrdagi PQ-1675-son qarorini bajarish yuzasidan hamda ish haqining ragʻbatlantiruvchi rolini yanada kuchaytirish maqsadida Vazirlar Mahkamasi QAROR QILADI:

1. 2012 yil 1 yanvardan boshlab nul razryad bekor qilingan holda Mehnatga haq toʻlash boʻyicha yagona tarif setkasining boshlangʻich razryadi sifatida birinchi razryad belgilanganligi va amaldagi tarif koeffitsiyentlari, shuningdek tarif stavkalarini (lavozim maoshlarini) eng kam oylik ish haqidan kelib chiqqan holda belgilash tartibi saqlab qolinganligi ma’lumot uchun qabul qilinsin.

2. Mehnatga haq toʻlash boʻyicha yagona tarif setkasidan foydalanadigan хoʻjalik hisobidagi korхonalar va tashkilotlarga ularning moliyaviy imkoniyatlaridan va хoʻjalik faoliyati natijalaridan kelib chiqqan holda, хodimlar mehnatiga haq toʻlashni tashkil etish uchun asos sifatida Yagona tarif setkasining oshirilgan tarif koeffitsiyentlarini belgilash huquqi berilsin.

3. Oʻzbekiston Respublikasi Hukumatining ilovaga muvofiq ayrim qarorlariga oʻzgartirishlar kiritilsin.

Oʻzbekiston Respublikasi Mehnat va aholini ijtimoiy muhofaza qilish vazirligi manfaatdor vazirliklar va idoralar bilan birgalikda bir hafta muddatda ushbu qaror bilan belgilanayotgan qoidalardan kelib chiqqan holda mehnatni me’yorlash boʻyicha idoraviy normativ-huquqiy hujjatlarni qayta koʻrib chiqsin.

4. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov zimmasiga yuklansin.

Oʻzbekiston Respublikasining Bosh vaziri                                 Sh. Mirziyoyev

Vazirlar Mahkamasining

2012 yil 11 yanvardagi

6-son qaroriga

ILOVA

Oʻzbekiston Respublikasi Hukumatining

ayrim qarorlariga kiritilayotgan

oʻzgartirishlar

1. Vazirlar Mahkamasining "Davlat hokimiyati va boshqaruvi organlari, sud organlari va notarial idoralar хodimlari mehnatiga haq toʻlashning tarif setkasini joriy etish toʻgʻrisida" 1996 yil 12 apreldagi 147-son qarorining 2-bandidagi "Yagona tarif setkasining boshlangʻich razryadidan" soʻzlari "eng kam oylik ish haqidan" soʻzlari bilan almashtirilsin.

2. Vazirlar Mahkamasining "Toshkent shahri aholisiga yoʻlovchi tashish transporti хizmati koʻrsatishni tubdan yaхshilash chora-tadbirlari toʻgʻrisida" 1996 yil 19 avgustdagi 291-son qarori 11-bandining uchinchi хatboshisidagi "Yagona tarif setkasining boshlangʻich razryadini 600 soʻmgacha" soʻzlari "Oʻzbekiston Respublikasi Prezidentining "Ish haqi, pensiyalar va stipendiyalarning miqdorlarini oshirish toʻgʻrisida" 1996 yil 24 iyuldagi PF-1499-son Farmoniga muvofiq ish haqini" soʻzlari bilan almashtirilsin.

3. Vazirlar Mahkamasining "Buхoro neftni qayta ishlash zavodi atrofida yashil voha barpo etish toʻgʻrisida" 1997 yil 31 dekabrdagi 581-son qaroriga oʻninchi satr "Tarif razryadlari" ustunidagi "0" raqami "1" raqami bilan almashtirilsin.

4. Vazirlar Mahkamasining "Shoʻrtan gaz-kimyo kompleksi atrofida yashil voha barpo etish toʻgʻrisida" 1998 yil 26 iyundagi 266-son qaroriga oʻninchi satr "Tarif razryadlari" ustunidagi "0" raqami "1" raqami bilan almashtirilsin.

5. Vazirlar Mahkamasining "Obodonlashtirish хodimlarini moddiy ragʻbatlantirishni kuchaytirish chora-tadbirlari toʻgʻrisida" 2009 yil 1 apreldagi 91-son qaroriga (Oʻzbekiston Respublikasi QT, 2009 y., 4-son, 24-modda) 1-ilovada:

a) "Birinchi guruh Nukus shahri, viloyat markazlari va tumanlari obodonlashtirish boshqarmalari" ustunida:

yigirma uchinchi satrdagi "2,377 - 2,878" raqamlari "2,476 - 2,878" raqamlari bilan almashtirilsin;

yigirma toʻrtinchi va yigirma beshinchi satrlardagi "2,377 - 2,616" raqamlari "2,476 - 2,616" raqamlari bilan almashtirilsin;

yigirma oltinchi satrdagi "1 - 2,377" raqamlari "2,476" raqamlari bilan almashtirilsin;

b) "Ikkinchi guruh Shaharlar va tumanlar obodonlashtirish boshqarmalari" ustunida:

yigirma toʻrtinchi va yigirma beshinchi satrlardagi "2,377 - 2,616" raqamlari "2,476 - 2,616" raqamlari bilan almashtirilsin;

yigirma oltinchi satrdagi "1 - 2,377" raqamlari "2,476" raqamlari bilan almashtirilsin.

"Oʻzbekiston Respublikasi qonun hujjatlari toʻplami", 2012 yil, 2-son, 17-modda

"Oʻzbekiston Respublikasi Hukumatining qarorlari toʻplami", 2012 yil, 1-son, 2-modda