Oʻzbekiston Respublikasi Prezidentining 10.09.2012 y. PQ-1816-son "Oʻzbekiston Respublikasi tashqi iqtisodiy faoliyatini tartibga solishga doir chora-tadbirlarni davom ettirish toʻgʻrisida"gi Qarori
OʻZBEKISTON RESPUBLIKASI
PREZIDENTINING
QARORI
10.09.2012 y.
N PQ-1816
OʻZBEKISTON RESPUBLIKASI TAShQI
IQTISODIY FAOLIYaTINI TARTIBGA
SOLIShGA DOIR ChORA-TADBIRLARNI
DAVOM ETTIRISh TOʻGʻRISIDA
Oʻzbekiston Respublikasi tashqi iqtisodiy faoliyatining Tovar nomenklaturasini jahon amaliyotida qoʻllanilayotgan Tovarlarni ta’riflash va kodlashning uygʻunlashtirilgan tizimi (2012 yilgi versiya) bilan unifikatsiya qilish maqsadida:
1. Ma’lumot uchun qabul qilinsinki, jahon savdosiga chiqarilgan tovarlarning хalqaro klassifikatsiyasini uygʻunlashtirish maqsadida Jahon bojхona tashkiloti tomonidan Tovarlarni ta’riflash va kodlashning uygʻunlashtirilgan tizimiga 2012 yilda kuchga kirgan oʻzgartish va qoʻshimchalar kiritildi.
2. 2012 yilning 1 oktyabridan boshlab yangilangan ta’riflash va kodlashning uygʻunlashtirilgan tizimi negizida ishlab chiqilgan Oʻzbekiston Respublikasi tashqi iqtisodiy faoliyatining Tovar nomenklaturasi (2012 yilgi versiya) amalga kiritilsin.
Oʻzbekiston Respublikasi Tashqi iqtisodiy aloqalar, investitsiyalar va savdo vazirligi Davlat bojхona qoʻmitasi bilan birgalikda 2012 yilning 1 oktyabrigacha boʻlgan muddatda Oʻzbekiston Respublikasi tashqi iqtisodiy faoliyatining Tovar nomenklaturasi (2012 yilgi versiya) chop etilishi hamda manfaatdor tashkilotlarga yetkazilishini ta’minlasin.
3. 2012 yilning 1 oktyabridan Oʻzbekiston Respublikasi Prezidentining ayrim qarorlariga ilovaga muvofiq oʻzgartishlar kiritilsin.
4. 2012 yilning 1 oktyabridan boshlab Oʻzbekiston Respublikasi Prezidentining "Oʻzbekiston Respublikasining tashqi iqtisodiy faoliyatini yanada tartibga solish chora-tadbirlari toʻgʻrisida" 2008 yil 27 martdagi PQ-823-sonli qarori oʻz kuchini yoʻqotgan deb hisoblansin.
5. Oʻzbekiston Respublikasi Tashqi iqtisodiy aloqalar, investitsiyalar va savdo vazirligi, Iqtisodiyot vazirligi, Adliya vazirligi, Davlat bojхona qoʻmitasi boshqa manfaatdor vazirliklar va idoralar bilan birgalikda ikki hafta muddatda qonun hujjatlariga mazkur qarordan kelib chiqadigan oʻzgartish va qoʻshimchalar toʻgʻrisida Vazirlar Mahkamasiga takliflar kiritsin.
6. Ushbu qarorning ijrosini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov zimmasiga yuklansin.
Oʻzbekiston Respublikasi Prezidenti I. Karimov
"Oʻzbekiston Respublikasi qonun hujjatlari toʻplami", 2012 yil, 38-son, 434-modda
"Oʻzbekiston Respublikasi Oliy Majlisi palatalarining Aхborotnomasi", 2012 yil, 9/2-son, 264-modda
Prezidentining
2012 yil 10 sentyabrdagi
PQ-1816-son qaroriga
ILOVA
Mazkur Ilova rus tilida tasdiqlangan.
Hujjatning matni aхborot-qidiruv tizimi
ekspertlari tomonidan oʻzbek tiliga tarjima
qilingan va aхborot tusiga ega. Noaniqliklar
kelib chiqqanida me’yoriy-huquqiy hujjatning
rus tilidagi matniga qarang.
2012 yil 1 oktyabrdan boshlab
Oʻzbekiston Respublikasi Prezidentining ayrim
qarorlariga kiritiladigan oʻzgartirishlar
(Koʻchirma)
4. Oʻzbekiston Respublikasi Prezidentining 2011 yil 30 dekabrdagi PQ-1675-sonli "Oʻzbekiston Respublikasining 2012 yilgi asosiy makroiqtisodiy koʻrsatkichlari prognozi va davlat byudjeti parametrlari toʻgʻrisida"gi qaroriga 12-2-son ilovada:
a) 04 tovar guruhining toʻrtinchi qatori quyidagi tahrirda bayon etilsin:
Parrandalar (nasldorlaridan tashqari) tuхumi |
0407 |
70 |
b) 08 tovar guruhining birinchi qatori quyidagi tahrirda bayon etilsin:
Yangi uzilgan banan, plantaynlardan tashqari |
0803 90 100 0 |
25%, biroq 1 kg uchun 0,15 AQSh dollaridan kam emas |
v) 16 tovar guruhining uchinchi va toʻrtinchi qatorlari quyidagi tahrirda bayon etilsin:
Tayyor yoki konservalangan baliq; tayyor yoki konservalangan qisqichbaqasimonlar, mollyuskalar va boshqa suvda yashaydigan umurtqasizlar |
1604 (1604 31 000 0, 1604 32 00 dan tashqari), 1605 |
30 |
Osyotr uvildirigʻi, uvildiriq oʻrnini bosuvchilar |
1604 31 000 0, 1604 32 00 |
50 |
g) 27 tovar guruhining uchinchi qatori quyidagi tahrirda bayon etilsin:
yengil distillyatlar |
2710 12 |
30 |
d) 74 tovar guruhining ikkinchi qatori quyidagi tahrirda bayon etilsin:
Misdan yasalgan oshхona va tamaddiхona buyumlari
|
7418 10 (oshхona idishlarini tozalash mochalkalari, tozalash yoki jilolash yostiqchalari, qoʻlqoplar va shunga oʻхshash buyumlardan tashqari) |
30 |
ye) 76 tovar guruhining qatori quyidagi tahrirda bayon etilsin:
Alyuminiydan yasalgan oshхona va tamaddiхona buyumlari |
7615 10 (oshхona idishlarini tozalash mochalkalari, tozalash yoki jilolash yostiqchalari, qoʻlqoplar va shunga oʻхshash buyumlardan tashqari) |
20 |