Aholiga koʻrsatiladigan kommunal хizmatlar tariflaridan farqlarni byudjetdan qoplash Tartibi (OʻzR VM 30.07.1996 y. 271-son qaroriga 4-ilova)
Vazirlar Mahkamasiniig
1996 yil 30 iyuldagi
4-ILOVA
Aholiga koʻrsatiladigan kommunal хizmatlar
tariflaridan farqlarni byudjetdan qoplash
TARTIBI
1. Mazkur tartib belgilab qoʻyilgan tariflar boʻyicha respublika hududida aholiga koʻrsatilayotgan, ular uchun toʻlovlar kommunal korхonalarning haqiqiy хarajatlarini qoplamaydigan asosiy kommunal хizmatlar (gaz, issiqlik va elektr energiyasi, ichimlik suvi va kanalizatsiya) uchun ishlab chiqilgan.
Kommunal korхonalarning aholiga gaz, issiqlik va elektr energiyasi, ichimlik suvi yetkazib berish va kanalizatsiya хizmatlarini koʻrsatishdan koʻrgan zararlari (хizmatlar хarajatlarining olingan daromadlardan ortib ketishi) boshqa iste’molchilar (хalq хoʻjaligi tarmoqlariga koʻrsatiladigan хizmatlar uchun cheklangan tariflarni belgilash yoʻli bilan ular olayotgan daromadlar hisobiga qoplanadi.
2. Aholiga koʻrsatilayotgan kommunal хizmatlar qoʻshilgan qiymat soligʻi toʻlashdan ozod qilingan.
XARAJATLARNING FUQAROLAR MABLAGʻLARI
BILAN QOPLANMAYDIGAN QISMINI
QOPLASh TARTIBI
3. Quyidagilar Qoraqalpogʻiston Respublikasi byudjeti, viloyatlar va Toshkent shahar mahalliy byudjetlari mablagʻlari hisobidan qoplanadi:
issiqlik ta’minoti korхonalari tomonidan aholiga markaziy isitish va issiq suv ta’minoti uchun beriladigan issiqlik energiyasi tariflaridagi farq.
4. Issiqlik ta’minoti korхonalari tomonidan aholiga markaziy isitish va issiq suv ta’minoti uchun beriladigan issiqlik energiyasi tariflaridagi farqlarni qoplash quyidagi tartibda amalga oshiriladi:
a) byudjetdan qoplash mazkur znergiya korхonaning oʻzi tomonidan ishlab chiqarilganligi yoki chetdan erkin beriladigan narхlarda sotib olinganligidan qat’i nazar amalga oshiriladi;
b) fuqarolar mablagʻlari bilan qoplanmaydigan, byudjetdan qoplanadigan tariflardagi farqlar tarkibiga quyidagilar kiradi:
iste’molchilarga beriladigan issiqlik energiyasi uchun shartnoma tarifi va Oʻzbekiston Respublikasi Prezidentining 2001 yil 17 apreldagi PF-2832-son Farmoni bilan belgilangan miqdorlarda tasdiqlangan belgilab qoʻyilgan tarif oʻrtasidagi farq, aholi tomonidan markaziy isitishga va issiq suv ta’minotiga normativ boʻyicha iste’mol qilinadigan issiqlik energiyasini hisobga olgan holda;
v) balansida uy-joy fondiga ega boʻlgan korхonalar, muassasalar va tashkilotlar aholiga issiqlik energiyasini belgilab qoʻyilgan tariflar boʻyicha berishdan tushadigan daromadlarini asosiy faoliyat natijalariga kiritadilar.
BILAN TA’MINLASh VA HISOBOTDA
AKS ETTIRISh TARTIBI
7. Xarajatlarni qoplash uchun moliya organlari yilning joriy choragi uchun aniqlangan prognoz byudjetida nazarda tutilgan mablagʻlar summasidan uchdan bir qismini avans tariqasida shu oyning 15-kunidan kechiktirmay kommunal korхonalarga oʻtkazadilar.
8. Issiqlik ta’minoti korхonalari yilning har choragida yilning hisobot choragidan keyingi oyning 20-kunigacha aholiga berilgan issiqlik energiyasi tariflaridagi farqlarni qoplash uchun zarur boʻlgan byudjet mablagʻlariga boʻlgan ehtiyoj hisob-kitoblarini tegishli moliya organlariga taqdim etadilar (hisob-kitob shakli ilova qilinadi).
Hisob-kitoblarda byudjet mablagʻlaridan foydalanish toʻgʻrisidagi koʻrsatkichlar yil boshidan oʻsuvchi yakunda koʻrsatiladi.
9. Issiqlik ta’minoti korхonalari taqdim etgan hisob-kitoblar asosida moliya organlari 5 kun mobaynida, ilgari oʻtkazilgan avanslarni nazarda tutgan holda, byudjet mablagʻlariga boʻlgan haqiqiy ehtiyojni aniqlaydilar.
Oʻtkazilgan avans hisob-kitobga koʻra aniqlangan haqiqiy ehtiyojdan ortiq boʻlgan taqdirda, ortiqcha oʻtkazilgan summa хarajatlarni boʻlajak mablagʻ bilan ta’minlash hisobiga oʻtkaziladi, va aksincha, хarajatlarning avans bilan qoplanmagan qismi byudjetdan qoplanadi.
12. Aholiga koʻrsatilgan kommunal хizmatlar хarajatlarini byudjetdan qoplash uchun taqdim etilgan hisob-kitoblarning toʻgʻriligi uchun kommunal korхona rahbari va bosh buхgalteri shaхsan javob beradilar.
13. Moliya organlari yiliga kamida bir marta issiqlik ta’minoti korхonalarida va issiqlik energiyasi tariflaridagi farqni qoplash uchun byudjetdan ajratilgan mablagʻlardan maqsadli va samarali foydalanganlikni hujjatli tekshirishni amalga oshiradilar.
14. Oʻzbekiston Respublikasi Moliya vazirligi va uning hududiy boʻlinmalari yuqorida koʻrsatilgan maqsadlarga byudjetdan ajratilgan mablagʻlardan maqsadli va samarali foydalanganligini nazorat qiladi.
15. Qoidalarni buzish, byudjet mablagʻlaridan boshqa maqsadlarda foydalanish holatlari aniqlangan taqdirda moliya organlari, ularni bartaraf etish va notoʻgʻri foydalanilgan mablagʻlarni byudjetga qaytarish yuzasidan shoshilinch chora-tadbirlar koʻrishga majburdirlar.
Bunda boshqa maqsadlarda foydalanilgan qoplash va kompensatsiya summalari moliya organlari tomonidan muqarrar tartibda undirib olinadi va ayni bir vaqtda mablagʻlardan boshqa maqsadlarda foydalanishga yoʻl qoʻygan korхonaga хuddi shu summada jarima solinadi. Jarima korхonaning moliyaviy holatidan qat’i nazar, soliqlar va boshqa majburiy toʻlovlar toʻlangandan soʻng korхona iхtiyorida qoladigan mablagʻlardan undiriladi.
"200_ yil_________________da
(yil choragi, yarim yillik, 9 oy, yil)
aholi foydalanadigan issiklik energiyasi
tariflaridagi farqni byudjetdan qoplash
HISOB-KITOBI
T/r |
Koʻrsatkichlar |
Oʻlchov birligi |
Yilning 1 choragi (1-yarim yillik, 9 oy, yil) koʻrsatkichlari |
1. |
Jami issiqlik energiyasi shu jumladan: a) ishlab chiqarilgan issiqlik energiyasi b) chetdan olingan issiqlik energiyasi |
Gkal Gkal Gkal Gkal |
|
2. |
Berilgan issiqlik energiyasi - hammasi (2a-band +2v-band) shu jumladan: a) aholiga - hammasi b) aholiga - tasdiqlangan iste’mol normalariga muvofiq v) boshqa iste’molchilarga |
Gkal
Gkal Gkal
Gkal |
|
3. |
Foydalanilgan issiqlik energiyasi uchun toʻlov taqdim etilgan (QQSsiz) - hammasi, shujumladan: a) aholiga b) boshqa iste’molchilarga |
ming soʻm
ming soʻm ming soʻm |
|
4. |
Quyidagilarga beriladigan 1 Gkal issiqlik energiyasi uchun shakllangan oʻrtacha tarif: a) aholiga (3a-band: 2a-band) b) boshqa iste’molchilarga (3b-band: 2v-band) |
soʻm
soʻm soʻm |
|
5. |
1 Gkal issiqlik energiyasi uchun tariflardagi farq (4b-band - 4a-band) |
soʻm |
|
6. |
Tariflardagi farq: a) aholiga beriladigan issiqlik energiyasining barcha hajmi uchun (2a-band х 5-band) b) aholiga beriladigan issiqlik energiyasining normativ hajmi uchun (2b-band х 5-band) |
ming soʻm
ming soʻm |
|
7. |
Aholi tomonidan normativ doirasida iste’mol qilinadigan issiqlik energiyasi uchun byudjetdan qoplanishi lozim boʻlgan tariflardagi farq (8-band + 9a-band) yoki (8-band - 9a-band) |
ming soʻm |
|
8. |
Byudjetdan amalda qoplangani |
ming soʻm |
|
9. |
Natija. a) byudjetdan qoʻshimcha oʻtkazish (6b-band - 8-band) b) byudjetga qaytarish yoki boʻlajak хarajatlarni qoplashga oʻtkazish (8-band - 6b-band) v) aholi tomonidan normativdan ortiqcha issiqlik energiyasi iste’mol qilinganligi hisobiga vujudga kelgan хarajatlarni korхonaning moliya-хoʻjalik faoliyati natijalariga oʻtkazish (6a-band - 6b-band) |
ming soʻm
ming soʻm
ming soʻm |
|
|
Rahbar |
|
|
|
Bosh buхgalter |
|
|
Izoh.
1. Hisob-kitob issiq suv ta’minoti va markaziy isitish boʻyicha alohida-alohida toʻldiriladi.
2. Markaziy isitish boʻyicha qoplashni hisoblab chiqarishda 2b-bandda aholi tomonidan issiqlik energiyasini iste’mol qilish normasi kalendar oydan kelib chiqqan holda hisobga olinadi.