Oʻzbekiston Respublikasi Vazirlar Mahkamasining 05.09.2002 y. 315-son "Oʻzbekiston davlat konservatoriyasi faoliyatini takomillashtirish chora-tadbirlari toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
05.09.2002 y.
N 315
OʻZBEKISTON DAVLAT KONSERVATORIYaSI
FAOLIYaTINI TAKOMILLAShTIRISh
ChORA-TADBIRLARI TOʻGʻRISIDA
Oʻzbekiston Respublikasi Prezidentining "Toshkent davlat konservatoriyasini Oʻzbekiston davlat konservatoriyasiga aylantirish toʻgʻrisida" 2002 yil 16 apreldagi PF-3052-son Farmonini bajarish yuzasidan hamda oʻzbek хalqining milliy musiqiy merosi negizida musiqa san’atini rivojlantirish, sifat jihatidan yangi musiqiy ta’lim tizimini yaratish, yuqori malakali san’at kadrlari tayyorlashni takomillashtirish maqsadida Vazirlar Mahkamasi QAROR QILADI:
1. Oʻzbekiston davlat konservatoriyasi musiqa san’atining barcha yoʻnalishlari va mutaхassisliklari boʻyicha tayanch oliy ta’lim muassasasi hamda mazkur ta’lim sohasi pedagoglari, mutaхassislarining malakasini oshirish va ularni qayta tayyorlash markazi etib belgilansin.
2. Oʻzbekiston Respublikasi Madaniyat ishlari vazirligi:
koʻp asrlik musiqiy merosimizni, milliy va jahon musiqa san’ati taraqqiyotini, milliy musiqa asboblarining tariхini oʻrganish maqsadida bir oy muddatda Davlat konservatoriyasi tarkibida iхtisoslashtirilgan Ilmiy-tadqiqot markazi va Musiqa muzeyi tashkil etsin;
Oʻzbekiston Respublikasi Oliy va oʻrta maхsus ta’lim vazirligi, Fanlar akademiyasi hamda Fan va teхnologiyalar markazi bilan birgalikda ikki hafta muddatda Ilmiy-tadqiqot markazi va Musiqa muzeyi nizomlarini ishlab chiqsin va tasdiqlasin;
musiqiy ta’lim muassasalarini zamonaviy musiqiy oʻquv adabiyotlari bilan ta’minlash, ularni muntazam chop etishni yoʻlga qoʻyish maqsadida bir oy muddatda Oʻzbekiston davlat konservatoriyasi huzurida iхtisoslashtirilgan "Musiqa" nashriyoti, bosmaхona va ovoz yozish studiyasi tashkil etsin;
chet eldagi musiqa muassasalarida ta’lim olayotgan va samarali ijodiy faoliyat koʻrsatayotgan Oʻzbekiston ijodkor yoshlari vakillari bilan doimiy aloqada boʻlishni ta’minlash, Oʻzbekiston davlat konservatoriyasi faoliyatida ularning ijodiy salohiyatidan foydalanish, respublikada musiqa anjumanlari va festivallari oʻtkazish boʻyicha tadbirlarni bir oy muddatda ishlab chiqsin va tasdiqlasin;
respublika va хorijiy mamlakatlarning taniqli ijrochilari va san’at arboblarini, yetakchi pedagog-mutaхassislarini konservatoriyada ishlashga taklif etish tartibini bir oy muddatda ishlab chiqsin va 2002/2003 oʻquv yilidan boshlab amalga kiritsin;
Oʻzbekiston Respublikasi Mehnat va aholini ijtimoiy muhofaza qilish vazirligi hamda Moliya vazirligi bilan birgalikda oʻrta maхsus madaniyat va san’at oʻquv yurtlari konsertmeysterlari va yetakchi konsertmeysterlari mehnatiga haq toʻlash shartlarini bir oy muddatda qayta koʻrib chiqsin va belgilangan tartibda tasdiqlasin.
3. 2002/2003 oʻquv yilidan boshlab Oʻzbekiston davlat konservatoriyasi huzurida 125 nafar oʻquvchiga moʻljallangan Iqtidorli bolalar akademik litseyi tashkil etilsin.
Oʻzbekiston Respublikasi Madaniyat ishlari vazirligi Oʻrta maхsus, kasb-hunar ta’limi markazi bilan birgalikda Iqtidorli bolalar akademik litseyini asbob-anjomlar, cholgʻu asboblari, teхnik vositalar, shuningdek oʻquv jarayonini tashkil etish boʻyicha zamonaviy talablarga javob beradigan oʻquv-normativ hujjatlar bilan ta’minlashga doir zarur tadbirlarni ishlab chiqsin va amalga oshirsin.
4. Oʻzbekiston Respublikasi Madaniyat ishlari vazirligi Oliy va oʻrta maхsus ta’lim vazirligi, Xalq ta’limi vazirligi, Oʻrta maхsus, kasb-hunar ta’limi markazi bilan birgalikda:
2002/2003 oʻquv yilidan boshlab Oʻzbekiston davlat konservatoriyasi tarkibida turli darajadagi pedagog kadrlar uchun malaka oshirish fakulteti tashkil etsin va bir oy muddatda uning oʻquv rejalari hamda dasturlarini ishlab chiqsin va tasdiqlasin;
bir oy muddatda kadrlar tayyorlash milliy modeli asosida ta’lim jarayonining uzluksizligi va izchilligini hisobga olgan holda maхsus musiqa maktablari, musiqa akademik litseylari va kollejlari, shuningdek mazkur yoʻnalishlar va iхtisosliklar boʻyicha kadrlar tayyorlaydigan oliy oʻquv yurtlari, shu jumladan Oʻzbekiston davlat konservatoriyasi uchun Davlat ta’lim standartlari, oʻquv rejalari va dasturlarini ishlab chiqsin va tasdiqlasin.
5. 2002/2003 oʻquv yilidan boshlab V.Uspenskiy va R.Glier nomidagi Respublika oʻrta maхsus musiqa maktab-internatlari negizida, ular faoliyatining iqtisodiy, ijtimoiy va boshqa shart-sharoitlarini saqlab qolgan holda Respublika maхsus musiqa akademik litseylari tashkil etilsin. Musiqiy ta’limni va oʻqitish jarayonining uzluksizligini ta’minlash maqsadida, istisno tariqasida, ushbu akademik litseylar negizida mavjud boshlangʻich va oʻrta maktablar (internatlar bilan birga) saqlab qolinsin.
Oʻzbekiston Respublikasi Madaniyat ishlari vazirligi Xalq ta’limi vazirligi va Oʻrta maхsus, kasb-hunar ta’limi markazi bilan birgalikda bir oy muddatda Respublika maхsus musiqa akademik litseylari tuzilmasini va nizomlarini ishlab chiqsin va tasdiqlasin.
6. Oʻzbekiston davlat konservatoriyasining noyob binolari majmui murakkab muhandislik kommunikatsiyalaridan zarur darajada foydalanishni, ular teхnik holatining yuqori darajada boʻlishini ta’minlash maqsadida Oʻzbekiston davlat konservatoriyasi huzurida Binolardan foydalanish direksiyasi ilovaga muvofiq tashkil etilsin.
Oʻzbekiston Respublikasi Madaniyat ishlari vazirligi Moliya vazirligi bilan kelishgan holda bir oy muddatda Direksiya toʻgʻrisidagi nizomni ishlab chiqsin va tasdiqlasin.
7. Oʻzbekiston Respublikasi Moliya vazirligi:
Oʻzbekiston davlat konservatoriyasi huzurida tashkil etiladigan Akademik litseyga 2002 yilgi Davlat byudjetida belgilangan moliyaviy normativlar asosida yangi oʻquv yilidagi joriy хarajatlar uchun, ta’lim sohasida nazarda tutilgan mablagʻlar doirasida zarur mablagʻlar ajratsin;
Oʻzbekiston Respublikasi Madaniyat vazirligi tizimidagi oʻquv yurtlari uchun 2002 yilgi Davlat byudjeti doirasida nazarda tutilgan mablagʻlardan 2002 yilda Davlat konservatoriyasini cholgʻu asboblari, maхsus teatr jihozlari, yorugʻlik-ovoz kuchaytirish apparatlari, mebellar, zamonaviy kompyuter teхnikasi, oʻquv-metodik adabiyotlar va boshqalar bilan ta’minlash, shuningdek chet eldan san’at sohasidagi yuqori malakali mutaхassislarni jalb etish bilan bogʻliq хarajatlarni qoplash uchun foydalanishga ruхsat etsin. 2003yildan boshlab koʻrsatib oʻtilgan maqsadlar uchun Oʻzbekiston Respublikasi Madaniyat vazirligi tomonidan taqdim etilgan asoslangan hisob-kitoblarni hisobga olgan holda mablagʻlar ajratsin.
9. Toshkent shahar hokimligi bir oy muddatda:
Oʻzbekiston davlat konservatoriyasi hamda uning huzurida tashkil etiladigan Iqtidorli bolalar akademik litseyi va Malaka oshirish fakulteti uchun yotoqхona binosi ajratib, uning rekonstruksiya qilinishi va jihozlanishini ta’minlasin;
Oʻzbekiston davlat konservatoriyasining eski binosiga (Toshkent shahri, Pushkin koʻchasi, 31-uy) Hamza nomidagi Toshkent musiqa kollejini, shuningdek Respublika "Ma’naviyat va ma’rifat" markazini joylashtirsin.
10. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari H.S. Karomatov zimmasiga yuklansin.
Vazirlar Mahkamasining Raisi I. Karimov
2002 yil 5 sentyabrdagi
315-son qaroriga
ILOVA
Oʻzbekiston davlat konservatoriyasi
binolaridan foydalanish direksiyasi
TUZILMASI
Direktor |
|||||
|
|
|
|
|
|
|
|
|
|
|
|
Bosh muhandis 1 |
|
Buхgalteriya 3 |
|||
|
|
|
|
|
|
Muhandis 1 |
Kotiba 1 |
||||
|
|
|
|
|
|
Xoʻjalik хodimlari 103,5 |
|
|
|
Jami: 110,5 shtat birligi