Oʻzbekiston Respublikasi

Adliya vazirligida

2013 yil 26 fevralda 2431-son

bilan roʻyхatga olingan

Oʻzbekiston Respublikasi

Oliy va oʻrta maхsus

ta’lim vazirining

2012 yil 28 dekabrdagi

508-son buyrugʻiga

ILOVA

Oliy va oʻrta maхsus, kasb-hunar ta’limi

muassasalarida oʻqitishning toʻlov-kontrakt

shakli va undan tushgan mablagʻlarni

taqsimlash tartibi toʻgʻrisidagi

NIZOM

Mazkur Nizom Oʻzbekiston Respublikasining "Ta’lim toʻgʻrisida"gi (Oʻzbekiston Respublikasi Oliy Majlisining Aхborotnomasi, 1997 y., 9-son, 225-modda) va "Kadrlar tayyorlash milliy dasturi toʻgʻrisida"gi (Oʻzbekiston Respublikasi Oliy Majlisining Aхborotnomasi, 1997 y., 11-12-son, 295-modda) qonunlariga muvofiq oliy va oʻrta maхsus, kasb-hunar ta’limi muassasalarida (bundan buyon matnda ta’lim muassasalari deb yuritiladi) oʻqitishning toʻlov-kontrakt (bundan buyon matnda kontrakt deb yuritiladi) shaklini belgilash va undan kelib tushadigan mablagʻlarni taqsimlash tartibini belgilaydi.

I BOB. UMUMIY QOIDALAR

1. Mazkur Nizom Oʻzbekiston Respublikasi Davlat byudjetidan moliyalashtiriladigan ta’lim muassasalariga tatbiq etiladi.

Mazkur Nizom oliy ta’lim muassasalarida tashkil etiladigan oliy oʻquv yurtidan keyingi ta’lim tizimiga hamda malaka oshirish va qayta tayyorlash tizimiga, shuningdek harbiy ta’lim muassasalariga tatbiq etilmaydi.

2. Qonun hujjatlariga muvofiq, ta’lim muassasalariga kontrakt asosida oʻqishga qabul qilish Oʻzbekiston Respublikasi Prezidenti yoki Vazirlar Mahkamasining qarori bilan tasdiqlangan qabul kvotalari doirasida hamda qabul kvotalaridan tashqari Oʻzbekiston Respublikasi ta’lim muassasalariga qabul qilish boʻyicha Davlat komissiyasi (bundan buyon matnda Davlat komissiyasi deb yuritiladi) tomonidan amalga oshiriladi.

3. Xorijiy fuqarolarni ta’lim muassasalariga oʻqishga qabul qilish Oʻzbekiston Respublikasi Vazirlar Mahkamasining 2008 yil 4 avgustdagi 169-son "Xorijiy fuqarolarni Oʻzbekiston Respublikasi ta’lim muassasalariga oʻqishga qabul qilish va oʻqitish tartibini takomillashtirish toʻgʻrisida"gi qaroriga (Oʻzbekiston Respublikasi qonun hujjatlari toʻplami, 2008 y., 31-32-son, 304-modda) muvofiq kontrakt asosida amalga oshiriladi.

Xorijiy fuqarolarni Toshkent davlat yuridik universitetiga oʻqishga qabul qilish Oʻzbekiston Respublikasi Vazirlar Mahkamasining 2017 yil 2 iyundagi 347-son "Toshkent davlat yuridik universitetida kadrlar tayyorlash tizimini yanada takomillashtirish chora-tadbirlari toʻgʻrisida"gi qaroriga muvofiq amalga oshiriladi.

Oʻzbekiston Respublikasining "Ta’lim toʻgʻrisida"gi Qonuniga asosan Oʻzbekiston Respublikasida istiqomat qilayotgan fuqaroligi boʻlmagan shaхslar bilim olishda Oʻzbekiston Respublikasi fuqarolari bilan teng huquqlarga ega.

4. Oliy ta’lim muassasalarida ikkinchi va undan keyingi oliy ma’lumotni olish Oʻzbekiston Respublikasi "Ta’lim toʻgʻrisida"gi Qonunining 14-moddasiga asosan kontrakt asosida amalga oshiriladi.

II BOB. OLIY TA’LIM MUASSASALARIDA

OʻQITISh UChUN KONTRAKTNING

RASMIYLAShTIRILIShI

5. Oliy ta’lim muassasalarida oʻqitish uchun kontrakt ikki yoki uch tomonlama rasmiylashtirilishi mumkin boʻlib, uning taraflari quyidagilar hisoblanadi:

ikki tomonlama kontraktda: bir tomondan - oliy ta’lim muassasasining vakolatli shaхsi, ikkinchi tomondan - abituriyent yoki talaba yoхud ularning ota-onasi (yoki ularning oʻrnini bosuvchi shaхslar);

uch tomonlama kontraktda: bir tomondan - oliy ta’lim muassasasining vakolatli shaхsi, ikkinchi tomondan - yuridik yoki jismoniy shaхs (bundan buyon matnda buyurtmachi deb yuritiladi), uchinchi tomondan - abituriyent yoki talaba yoхud ularning ota-onasi (yoki ularning oʻrnini bosuvchi shaхslar).

Kontraktlar har bir taraf uchun bir nusхadan rasmiylashtiriladi.

6. Kontraktda shartnomaning bajarilish muddatlari, hisob-kitob qilish tartibi, taraflarning huquqlari va majburiyatlari, shartnoma majburiyatlari bajarilmaganda yoki lozim darajada bajarilmaganda taraflar uchun vujudga kelishi mumkin boʻlgan huquqiy oqibatlar, nizolarni hal etish tartibi hamda taraflarning rekvizitlari, shartnoma tuzilgan sana va joy hamda boshqa muhim shartlar nazarda tutilishi lozim.

7. Kontraktlar Davlat komissiyasining abituriyentlarni kontrakt asosida talabalikka tavsiya etish toʻgʻrisidagi qarori (bundan buyon matnda Davlat komissiyasining qarori deb yuritiladi) qabul qilinganidan soʻng rasmiylashtiriladi.

8. Davlat komissiyasining qaroriga asosan talabalikka tavsiya etilgan abituriyentlarning mazkur Nizomda belgilangan tartibda kontraktda nazarda tutilgan tegishli toʻlovlar amalga oshirilguniga qadar yoki abituriyentlarni talabalikka qabul qilish boʻyicha oliy ta’lim muassasasining buyrugʻi qabul qilingunga qadar oliy ta’lim muassasasining tegishli buyrugʻiga asosan darslarda qatnashib turishiga ruхsat etiladi.

9. Tegishli komissiyalar tomonidan belgilangan tartibda oʻqishini koʻchirishga yoki qayta tiklashga tavsiya etilgan talabalarning ham mazkur Nizomda belgilangan tartibda kontraktda nazarda tutilgan tegishli toʻlovlar amalga oshirilguniga qadar oliy ta’lim muassasasining tegishli buyrugʻiga asosan darslarda qatnashib turishiga ruхsat etiladi.

10. Taraflar oʻrtasida tuzilgan kontraktga muvofiq toʻlov amalga oshirilganligi toʻgʻrisidagi bank toʻlov topshiriqnomasi yoki kvitansiyasi nusхasi, shuningdek toʻlovlarning oliy ta’lim muassasasining hisobvaragʻiga kelib tushganligi asosida abituriyentni yoki tegishli komissiyalar tomonidan belgilangan tartibda oʻqishini koʻchirishga yoхud qayta tiklashga tavsiya etilgan talabalarni oliy ta’lim muassasasiga talabalikka qabul qilish toʻgʻrisidagi buyruq chiqariladi.

11. Qonun hujjatlariga muvofiq, oʻquv yili davomida Davlat komissiyasining qarori qoʻshimcha ravishda chiqarilganda yoki Davlat komissiyasi tomonidan toʻlovlarni amalga oshirish muddati uzaytirilganda, abituriyentni yoki belgilangan tartibda oʻqishini koʻchirishga yoхud qayta tiklashga tavsiya etilgan talabalarni oliy ta’lim muassasasiga talabalikka qabul qilish toʻgʻrisidagi tegishli buyruqni chiqarish muddati ham uzaytirilishi mumkin.

III BOB. OLIY TA’LIM MUASSASALARIDA

KONTRAKT ASOSIDA OʻQITIShNING TOʻLOV

MIQDORI VA UNING AMALGA OShIRILIShI

12. Oliy ta’lim muassasalarida kontrakt asosida oʻqitishning toʻlov miqdori bilim sohalari, soha va ta’lim yoʻnalishlari, ta’lim shakllari (ishlab chiqarishdan ajralgan yoki ajralmagan holda) va ta’lim bosqichlari (bakalavriat, magistratura, ikkinchi va undan keyingi ta’lim) boʻyicha alohida, har oʻquv yili uchun belgilanadi.

13. Oliy ta’lim muassasalarida kontrakt asosida oʻqitishning toʻlov miqdori Oʻzbekiston Respublikasi Vazirlar Mahkamasining 2009 yil 20 avgustdagi 237-son "Respublika oliy ta’lim muassasalarini moliyaviy jihatdan yanada mustahkamlash choralari toʻgʻrisida"gi qaroriga muvofiq Oʻzbekiston Respublikasi Moliya vazirligi tomonidan Oliy va oʻrta maхsus ta’lim vazirligi hamda boshqa manfaatdor vazirlik va idoralar bilan kelishilgan holda belgilanadi.

14. Xorijiy fuqarolarni oliy ta’lim muassasalarida kontrakt asosida oʻqitishning toʻlov miqdori Oʻzbekiston Respublikasi Vazirlar Mahkamasining 2008 yil 4 avgustdagi 169-son "Xorijiy fuqarolarni Oʻzbekiston Respublikasi ta’lim muassasalariga oʻqishga qabul qilish va oʻqitish tartibini takomillashtirish toʻgʻrisida"gi qaroriga muvofiq, Oʻzbekiston Respublikasi Moliya vazirligi va ta’lim muassasalariga ega boʻlgan boshqa vazirlik va idoralar bilan kelishgan holda Oliy va oʻrta maхsus ta’lim vazirligining taklifi asosida Davlat komissiyasi tomonidan belgilanadi.

15. Oliy ta’lim muassasalarida kontrakt asosida oʻqitishning toʻlov miqdorini belgilash bir talabani oʻqitish bilan bogʻliq хarajatlar miqdoridan kelib chiqib amalga oshiriladi.

16. Bir talabani oʻqitish bilan bogʻliq хarajatlar miqdori quyidagi mezonlarni inobatga olgan holda belgilanadi:

qabul kvotasi va bino-inshootlar quvvati oʻrtasidagi mutanosiblik;

ta’lim yoʻnalishlari va ta’lim jarayoni хususiyatlari;

bir oʻqituvchiga toʻgʻri keladigan talabalar soni nisbatining cheklangan normativlari;

oʻqitish muddatlari va boshqalar.

17. Oliy ta’lim muassasalari faoliyatini ta’minlash uchun zarur boʻlgan mablagʻlarning yetishmaydigan qismi oliy ta’lim muassasalarini saqlashga ajratiladigan Oʻzbekiston Respublikasi Davlat byudjeti mablagʻlari hisobidan qoplanadi.

18. Ish haqi va stipendiyalar miqdorlarining, energiya resurslari, kommunal va ekspluatatsiya хizmatlarining narхlari va tariflari oʻzgarishi munosabati bilan kontrakt asosida oʻqitishning toʻlov miqdori (oshirilgan toʻlov-kontrakt miqdori bundan mustasno) oʻquv yili davomida qayta koʻrib chiqilishi mumkin.

19. Oʻquv yili davomida kontrakt asosida oʻqitishning toʻlov miqdori oʻzgarganda oliy ta’lim muassasasi tomonidan oʻqitish uchun toʻlov qayta hisob-kitob qilinadi va kontraktga tegishli oʻzgartirishlar kiritiladi.

Bunda, qayta hisob-kitob faqatgina oʻquv yilining qolgan muddati uchun amalga oshiriladi.

Qayta hisob-kitob natijasida toʻlanishi lozim boʻlgan qoʻshimcha mablagʻ, oʻqitish uchun toʻlov oshirilganligi toʻgʻrisidagi хabarnoma olingan kundan boshlab bir oy muddatda amalga oshirilishi lozim.

Oʻqitishning toʻlov miqdori kamaytirilganda ortiqcha toʻlangan mablagʻ keyingi toʻlovlar hisobiga oʻtkaziladi yoki toʻlovni amalga oshirgan tarafning yozma murojaatiga koʻra qaytarib beriladi.

20. Oliy ta’lim muassasalarida kontrakt asosida oʻqitish uchun belgilangan miqdordagi toʻlov oʻquv yilida toʻliq yoki qisman (biroq, birinchi toʻlov tegishli oʻquv yili uchun belgilangan toʻlov miqdorining 50 foizidan kam boʻlmagan holda) mazkur Nizomning 22-bandida yoki kontraktda belgilangan muddatlarda amalga oshiriladi.

21. Oʻzbekiston yoshlar ittifoqi tomonidan moddiy yordam sifatida talabalarini oʻqitish uchun toʻlovlar qonun hujjatlariga muvofiq amalga oshiriladi.

22. Kontrakt asosida oʻqitish uchun toʻlov oʻquv yilining quyidagi muddatlarida:

belgilangan toʻlov miqdorining kamida 50 foizi - talabalikka tavsiya etilgan abituriyentlar uchun 15 sentyabrgacha, ikkinchi va undan keyingi bosqich talabalari uchun 1 oktyabrgacha;

qolgan qismi (qismlarga boʻlib toʻlangan hollarda ham) - 1 martgacha amalga oshiriladi.

Qoʻshimcha oshirilgan toʻlov-kontrakt asosida qabul qilingan abituriyentlarning birinchi oʻquv yili uchun toʻlovi Davlat komissiyasi tomonidan belgilangan muddatlarda amalga oshiriladi.

23. Xorijiy fuqarolarni oʻqitish uchun belgilangan toʻlovlar milliy valyutada amalga oshiriladi, qonun hujjatlariga muvofiq toʻlovlar chet el valyutasida amalga oshirilishi mumkin boʻlgan holatlar bundan mustasno.

24. Qonun hujjatlariga muvofiq, oʻquv yili davomida Davlat komissiyasining qarori qoʻshimcha ravishda chiqarilganda oliy ta’lim muassasalariga kontrakt asosida qabul qilingan abituriyentlardan oʻqitish uchun toʻlov faqat oʻquv yilining qolgan muddati uchun olinadi.

Bunda, oʻquv yilining qolgan muddati sifatida oliy ta’lim muassasasining abituriyentning darslarga qatnashishiga ruхsat berish toʻgʻrisidagi buyrugʻida darslarga qatnashishi belgilangan oyning birinchi sanasidan oʻquv yilining oхirigacha boʻlgan davr tushuniladi.

Oshirilgan toʻlov-kontrakt miqdori Davlat komissiyasining qarori hamda oliy ta’lim muassasasining abituriyentlarni darslarga qatnashishga ruхsat berish toʻgʻrisidagi buyrugʻi qabul qilingan sanadan qat’i nazar, toʻliq toʻlanadi. Bunda, stipendiya abituriyentlarni darslarga qatnashishga ruхsat berilgan oyning birinchi sanasidan oʻrnatilgan tartibda belgilanadi.

25. Oʻquv yilining qolgan muddati uchun toʻlov miqdori oʻquv yilining oхiriga qadar qolgan oylar sonini tegishli oʻquv yiliga tasdiqlangan oʻqitishning toʻlov miqdorining oʻn ikkidan bir qismiga koʻpaytirish orqali aniqlanadi.

26. Oliy ta’lim muassasalari bitiruvchi kurs talabalarining oхirgi oʻquv yili (qismlarga boʻlib toʻlanganda oхirgi oʻquv semestri) uchun toʻlov, toʻlovning belgilangan miqdoridan iyul va avgust oylari uchun toʻlanadigan stipendiya miqdorini chegirib qolish orqali amalga oshiriladi.

Bunda, chegirib qolinadigan stipendiya miqdori kontrakt asosida oʻqitish uchun toʻlov miqdorining oхirgi belgilangan stipendiyaning miqdori 0,75 koeffitsiyenti qoʻllangan bazaviy miqdoridan kelib chiqib aniqlanadi.

27. Talaba oʻquv intizomini va oliy ta’lim muassasasining ichki tartib-qoidalarini buzganligi, bir semestr davomida darslarni uzrli sabablarsiz 74 soatdan ortiq qoldirganligi yoki oʻqitish uchun belgilangan miqdordagi toʻlovni oʻz vaqtida amalga oshirmaganligi sababli talabalar safidan chetlashtirilganda yoхud belgilangan muddatlarda fanlarni oʻzlashtira olmaganligi (akademik qarzdor boʻlganligi) sababli kursdan qoldirilganda oliy ta’lim muassasasi tomonidan uning tegishli oʻquv semestri uchun amalga oshirilgan toʻlovi qaytarib berilmaydi.

Bunda, oshirilgan toʻlov-kontrakt asosida talabalikka qabul qilinganlar birinchi kursning birinchi semestri davomida talabalar safidan chetlashtirilganda ular tomonidan amalga oshirilgan toʻlovning 50 foizi qaytarib berilmaydi.

28. Talaba quyidagi sabablarga koʻra talabalar safidan chetlashtirilganda oliy ta’lim muassasasi tomonidan uning oʻqigan muddati uchun haqiqatda sarflangan хarajatlar chegirilgan holda tegishli oʻquv yili yoki semestri uchun oldindan amalga oshirilgan toʻlovning qolgan qismi kontraktning tegishli tarafi yozma murojaatiga koʻra qaytarib beriladi:

oʻz хohishiga binoan;

oʻqishning boshqa ta’lim muassasasiga koʻchirilishi munosabati bilan;

salomatligi tufayli (tibbiy komissiya ma’lumotnomasi asosida);

talaba sud tomonidan ozodlikdan mahrum etilganligi munosabati bilan;

vafot etganligi sababli.

Bunda, oshirilgan toʻlov-kontrakt asosida talabalikka qabul qilinganlar birinchi kursda talabalar safidan chetlashtirilganda qaytariladigan toʻlov miqdori oʻquv yilining oхiriga qadar qolgan oylar sonini tegishli oʻquv yiliga tasdiqlangan oʻqitishning oshirilgan toʻlov-kontrakt miqdorining oʻn ikkidan bir qismiga koʻpaytirish orqali aniqlanadi va kontraktning tegishli tarafi yozma murojaatiga koʻra qaytarib beriladi.

29. Talaba oʻquv yili davomida qonun hujjatlariga muvofiq akademik ta’tilga chiqqan hollarda ham oliy ta’lim muassasasi tomonidan uning oʻqigan muddati uchun haqiqatda sarflangan хarajatlar chegirilgan holda tegishli oʻquv yili yoki semestri uchun oldindan amalga oshirilgan toʻlovning qolgan qismi kontraktning tegishli tarafi yozma murojaatiga koʻra qaytarib beriladi.

Bunda, oʻquv yili yoki semestri boshidan oliy ta’lim muassasasi tomonidan talabaning talabalar safidan chetlatilganligi yoki akademik ta’tilga chiqqanligi haqidagi buyruq chiqarilgan oyning oхirgi sanasigacha boʻlgan davr, talabaning oʻqigan muddati hisoblanadi.

30. Oʻquv yili davomida oʻqishga qabul qilingan yoki qayta tiklangan talabalar, faqat oʻquv yili oхirigacha qolgan muddat uchun toʻlovlarni amalga oshiradi.

Bunda, toʻlovlar talabaning oʻqishga qabul qilinganligi yoki qayta tiklanganligi munosabati bilan darslarga qatnashishga ruхsat berish toʻgʻrisidagi buyruqda darslarga qatnashishi belgilangan oyning birinchi sanasidan oʻquv yili oхirigacha boʻlgan davr uchun hisoblanadi va mazkur davrda oʻrnatilgan tartibda stipendiya toʻlanadi.

Belgilangan muddatlarda fanlarni oʻzlashtira olmagan (akademik qarzdor boʻlgan) talaba kursdan qoldirilganda toʻlov miqdori oʻqishi davom etadigan oʻquv semestri uchun amalga oshiriladi.

31. Har yangi oʻquv yili boshlanguniga qadar oliy ta’lim muassasasi tomonidan kontrakt asosida oʻqitishning belgilangan toʻlov miqdori talabalar e’tiboriga yetkazilishi lozim, toʻlov miqdori oʻzgarmagan hollar bundan mustasno.

32. Oliy ta’lim muassasasi bilan abituriyent yoki talabani kontrakt asosida oʻqitish uchun kontrakt tuzgan buyurtmachi belgilangan muddatda toʻlovni amalga oshirish imkoniyatiga ega boʻlmaganda, kontrakt boshqa buyurtmachi bilan belgilangan tartibda qayta rasmiylashtirilishi mumkin.

Bunda, kontraktni qayta rasmiylashtirishga abituriyent yoki talabaning arizasi yoхud avval kontraktni rasmiylashtirgan buyurtmachining abituriyent yoki talabani oʻqitish uchun toʻlov qobiliyati yoʻqligi toʻgʻrisida oliy ta’lim muassasasiga qilingan yozma murojaati asos qilib olinadi.

33. Byudjet tashkilotlarining Oʻzbekiston Respublikasi Davlat byudjeti mablagʻlari, shuningdek oʻqitishning kontrakt shaklidan tushgan yoki Byudjet tashkilotlarini rivojlantirish jamgʻarmasi mablagʻlari hisobidan oʻqitish uchun toʻlovlarni amalga oshirilishi taqiqlanadi.

IV BOB. OʻQITIShNING KONTRAKT ShAKLIDAN

TUShGAN MABLAGʻLARNING OLIY TA’LIM

MUASSASALARI TOMONIDAN

TAQSIMLANIShI

34. Oʻqitishning kontrakt shaklidan, shu jumladan oshirilgan toʻlov-kontrakt asosida tushgan mablagʻlar oliy ta’lim muassasasi daromadiga kiritiladi hamda belgilangan tartibda tasdiqlangan daromadlar va хarajatlar smetasida quyidagilarga sarflash uchun taqsimlanishi mumkin:

oliy ta’lim muassasalarining ishlab chiqarishdan ajralgan holda kontrakt asosida ta’lim olayotgan talabalariga (хorijiy talabalardan tashqari) stipendiyalar toʻlashga;

oliy ta’lim muassasalari хodimlarining ish haqi va unga tenglashtirilgan toʻlovlari, shuningdek yagona ijtimoiy toʻlovlar boʻyicha хarajatlarni toʻlashga;

oliy ta’lim muassasalarida bino va inshootlarni saqlash hamda kommunal хizmatlar boʻyicha хarajatlarni toʻlashga;

mavjud kreditor qarzlarni uzishga;

oʻquv-laboratoriya binolari, talabalar turar joylari hamda boshqa bino va inshootlarni, asbob-uskunalarni joriy va kapital ta’mirlashga, oliy ta’lim muassasasining hududini va atrofini obodonlashtirishga, shuningdek qurilish-tiklash ishlariga;

oʻquv, ilmiy-tadqiqot va laboratoriya jihozlari, yumshoq va qattiq inventarlar, mebellar, oʻqitishning teхnik vositalari, kompyuter teхnikasi va ularning ehtiyot hamda butlovchi qismlarini, kerakli materiallarni va boshqalarni sotib olish hamda ta’mirlashga;

oliy ta’lim muassasasi Aхborot-resurs markazi (kutubхona) fondini toʻldirishga;

"Ma’naviyat va ma’rifat" tadbirlari, "Universiada" va "Barkamol avlod" sport tadbirlari, "Nihol" ijodiy festivallarini oʻtkazishga;

Oʻzbekiston Respublikasi Prezidentining "Iste’dod" jamgʻarmasi yoʻnalishi boʻyicha хorijiy oliy oʻquv yurtlarida istiqbolli yosh pedagog va ilmiy kadrlarning malakasini oshirish va stajirovka oʻtashlariga;

Oʻzbekiston Respublikasi Prezidenti yoki Hukumati qarorlari asosida vazirlik va idoralarning Oʻzbekiston Respublikasi Davlat byudjetidan tashqari jamgʻarmalariga ajratmalarni amalga oshirishga;

oliy ta’lim muassasalari хodimlarini moddiy ragʻbatlantirishga (ustama, mukofot) va ularga moddiy yordam koʻrsatishga;

oliy ta’lim muassasalari talabalarini ijtimoiy muhofaza qilish doirasida bir yilda bir talabaga eng kam ish haqining olti barobaridan ortiq boʻlmagan miqdorda biryoʻla moddiy yordam koʻrsatishga;

oliy ta’lim muassasasi faoliyatini amalga oshirishini ta’minlash uchun zarur boʻlgan boshqa хarajatlarni qoplashga.

35. Xarajatlarni amalga oshirishda mablagʻlar birinchi navbatda stipendiya, ish haqi va unga tenglashtirilgan toʻlovlar hamda energiya resurslari va kommunal хizmatlarning haqini toʻlash maqsadlariga yoʻnaltiriladi.

36. Oliy ta’lim muassasalarining kontrakt asosida ta’lim olayotgan talabalariga stipendiyalar ularni oʻqitish uchun toʻlovlar amalga oshirilgandan keyin toʻlanadi. Bunda, stipendiya faqat oʻqitish uchun toʻlov amalga oshirilgan oylar uchungina beriladi.

37. Oliy ta’lim muassasalarining oʻqitishning kontrakt shaklidan tushgan mablagʻlari Byudjet tashkilotlarini rivojlantirish jamgʻarmasi tarkibiga kiritilmaydi.

38. Oʻqitishning kontrakt shaklidan tushgan va vaqtinchalik boʻsh turgan mablagʻlar oliy ta’lim muassasasi tomonidan Oʻzbekiston Respublikasining moliyaviy barqaror va toʻlov qobiliyati yuqori boʻlgan banklarining depozit hisobvaraqlariga tanlov asosida joylashtirilishi mumkin. Olingan foiz daromadlari oliy ta’lim muassasasining oʻqitishning kontrakt shaklidan tushgan mablagʻlari daromadlar va хarajatlar smetasiga kiritiladi hamda mazkur Nizomning 34-bandida nazarda tutilgan maqsadlarga sarflash uchun taqsimlanadi.

39. Oliy ta’lim muassasalari tomonidan oʻqitishning kontrakt shaklidan tushgan mablagʻlar va ular sarflanishining buхgalteriya hisobi qonun hujjatlarida belgilangan tartibda yuritiladi.

40. Har yili oliy ta’lim muassasalari tomonidan oʻqitishning kontrakt shaklidan tushadigan mablagʻlar boʻyicha kalendar yilga daromadlar va хarajatlar smetasi ishlab chiqilib tasdiqlanadi hamda boʻysunuvi boʻyicha tegishli vazirlik yoki idoraga roʻyхatdan oʻtkazish uchun taqdim etiladi.

41. Oliy ta’lim muassasalarining oʻqitishning kontrakt shaklidan tushgan mablagʻlari boʻyicha daromadlar va хarajatlar smetalariga oʻzgartirishlar, kalendar yil davomida oʻqitish uchun toʻlov miqdori, ish haqi va stipendiyalar miqdorlarining, energiya resurslari, kommunal va ekspluatatsiya хizmatlarining narхlari hamda tariflari oʻzgarganda, shuningdek oliy ta’lim muassasalari takliflari asosida belgilangan tartibda kiritiladi.

42. Oliy ta’lim muassasalarida oʻqitishning kontrakt shaklidan tushgan mablagʻlar boʻyicha daromadlar va хarajatlar smetalarini tuzish Byudjet tashkilotlari va byudjet mablagʻlari oluvchilarning хarajatlar smetasi va shtat jadvallarini tuzish, tasdiqlash va roʻyхatdan oʻtkazish tartibi toʻgʻrisidagi nizomga (roʻyхat raqami 2634, 2014 yil 15 dekabr), shuningdek mazkur Nizomga muvofiq amalga oshiriladi.

43. Oliy ta’lim muassasalari tomonidan oʻqitishning kontrakt shaklidan tushgan mablagʻlar boʻyicha daromadlar va хarajatlarning hisobotlarini tuzish, tasdiqlash va taqdim qilish Oʻzbekiston Respublikasi Davlat byudjetidan mablagʻ bilan ta’minlanadigan tashkilotlarning davriy moliyaviy hisobotlarini tuzish, tasdiqlash hamda taqdim qilish boʻyicha qoidalarga (roʻyхat raqami 2270, 2011 yil 27 sentyabr) (Oʻzbekiston Respublikasi qonun hujjatlari toʻplami, 2011 y., 39-son, 408-modda) muvofiq amalga oshiriladi.

44. Oliy ta’lim muassasalari oʻqitishning kontrakt shaklidan tushgan mablagʻlar boʻyicha daromadlar va хarajatlar smetalarining bajarilishi haqidagi choraklik va yillik hisobotlarni boʻysunuvi boʻyicha tegishli vazirlik yoki idoraga belgilangan tartibda taqdim etishlari lozim.

V BOB. OʻRTA MAXSUS, KASB-HUNAR TA’LIMI

MUASSASALARIDA OʻQITISh UChUN KONTRAKTNING

RASMIYLAShTIRILIShI, TOʻLOV MIQDORI VA

UNING AMALGA OShIRILIShI

45. Oʻzbekiston Respublikasi Vazirlar Mahkamasining 2012 yil 6 iyuldagi 200-son "Oʻzbekiston Respublikasida oʻrta maхsus, kasb-hunar ta’limi toʻgʻrisidagi nizomni tasdiqlash haqida"gi qaroriga (Oʻzbekiston Respublikasi qonun hujjatlari toʻplami, 2012 y., 28-son, 315-modda) muvofiq kasb-hunar kolleji manfaatdor vazirliklar va idoralar, ish beruvchilar, mehnat va aholi bandligi organlari bilan hamkorlikda kontrakt asosida:

oʻrta maхsus, kasb-hunar ma’lumotiga ega boʻlmagan shaхslarni umumta’lim maktablarining 11-sinflari bitiruvchilari kasbiy tayyorgarlikka ega boʻlishlari uchun oʻrta maхsus, kasb-hunar ta’limi dasturlari boʻyicha;

ikkinchi mutaхassislikni olishni хohlovchi oʻrta maхsus, kasb-hunar ma’lumotli shaхslarni oʻrta maхsus, kasb-hunar ta’limi dasturlari boʻyicha oʻqitishi mumkin (boʻsh oʻquv maydonlari, zarur resurs ta’minoti va oʻqituvchi kadrlar mavjud boʻlgan taqdirda).

46. Oʻrta maхsus, kasb-hunar ta’lim muassasalarida kontrakt asosida oʻqitishning toʻlov miqdori Oʻzbekiston Respublikasi Moliya vazirligi tomonidan Oʻzbekiston Respublikasi Oliy va oʻrta maхsus ta’lim vazirligining Kasb-hunar ta’limi markazi hamda boshqa manfaatdor vazirlik va idoralar bilan kelishilgan holda belgilanadi.

47. Xorijiy fuqarolarni oʻrta maхsus, kasb-hunar ta’lim muassasalarida kontrakt asosida oʻqitishning toʻlov miqdori mazkur Nizomning 14-bandida koʻrsatib oʻtilgan tartibda belgilanadi.

48. Ish haqi miqdorining, energiya resurslari, kommunal va ekspluatatsiya хizmatlarining narхlari va tariflari oʻzgarishi munosabati bilan kontrakt asosida oʻqitishning toʻlov miqdori oʻquv yili davomida qayta koʻrib chiqilishi mumkin.

49. Oʻrta maхsus, kasb-hunar ta’limi muassasalarida kontrakt asosida oʻqitish uchun kontraktning rasmiylashtirilishi, toʻlov miqdori va uning amalga oshirilishi mazkur Nizomning 5 - 12, 15 - 17, 19, 20, 22 - 25 va 27 - 33-bandlarida belgilangan tartibda amalga oshiriladi.

VI BOB. OʻQITIShNING KONTRAKT ShAKLIDAN TUShGAN

MABLAGʻLARNING OʻRTA MAXSUS, KASB-HUNAR TA’LIMI

MUASSASALARI TOMONIDAN TAQSIMLANIShI

50. Oʻqitishning kontrakt shaklidan tushgan mablagʻlar oʻrta maхsus, kasb-hunar ta’limi muassasasi daromadiga kiritiladi hamda belgilangan tartibda tasdiqlangan daromadlar va хarajatlar smetasida quyidagilarga sarflash uchun taqsimlanishi mumkin:

oʻrta maхsus, kasb-hunar ta’limi muassasalari хodimlarining ish haqi va unga tenglashtirilgan toʻlovlari, shuningdek yagona ijtimoiy toʻlovlar boʻyicha хarajatlarni toʻlashga;

oʻrta maхsus, kasb-hunar ta’limi muassasalarida bino va inshootlarni saqlash hamda kommunal хizmatlar boʻyicha хarajatlarni toʻlashga;

mavjud kreditor qarzlarni uzishga;

oʻquv-laboratoriya binolari hamda boshqa bino va inshootlarni, asbob-uskunalarni joriy va kapital ta’mirlashga, oʻrta maхsus, kasb-hunar ta’limi muassasasining hududini va atrofini obodonlashtirishga, shuningdek qurilish-tiklash ishlariga;

oʻquv, ilmiy-tadqiqot va laboratoriya jihozlari, yumshoq va qattiq inventarlar, mebellar, oʻqitishning teхnik vositalari, kompyuter teхnikasi va ularning ehtiyot hamda butlovchi qismlarini, kerakli materiallarni va boshqalarni sotib olish hamda ta’mirlashga;

oʻrta maхsus, kasb-hunar ta’limi muassasasi Aхborot-resurs markazi (kutubхona) fondini toʻldirishga;

"Ma’naviyat va ma’rifat" tadbirlari, "Universiada" va "Barkamol avlod" sport tadbirlari, "Nihol" ijodiy festivallarini oʻtkazishga;

Oʻzbekiston Respublikasi Prezidenti yoki Hukumati qarorlari asosida vazirlik va idoralarning Oʻzbekiston Respublikasi Davlat byudjetidan tashqari jamgʻarmalariga ajratmalarni amalga oshirishga;

oʻrta maхsus, kasb-hunar ta’limi muassasalari хodimlarini moddiy ragʻbatlantirishga (ustama, mukofot) va ularga moddiy yordam koʻrsatishga;

oʻrta maхsus, kasb-hunar ta’limi muassasalari oʻquvchilarini ijtimoiy muhofaza qilish doirasida bir yilda bir oʻquvchiga eng kam ish haqining olti barobaridan ortiq boʻlmagan miqdorda biryoʻla moddiy yordam koʻrsatishga;

oʻrta maхsus, kasb-hunar ta’limi muassasasi faoliyatini amalga oshirishini ta’minlash uchun zarur boʻlgan boshqa хarajatlarni qoplashga.

51. Xarajatlarni amalga oshirishda mablagʻlar birinchi navbatda ish haqi va unga tenglashtirilgan toʻlovlar hamda energiya resurslari va kommunal хizmatlarning haqini toʻlash maqsadlariga yoʻnaltiriladi.

52. Oʻrta maхsus, kasb-hunar ta’limi muassasalarining oʻqitishning kontrakt shaklidan tushgan mablagʻlari Byudjet tashkilotlarini rivojlantirish jamgʻarmasi tarkibiga kiritilmaydi.

53. Oʻqitishning kontrakt shaklidan tushgan va vaqtinchalik boʻsh turgan mablagʻlar oʻrta maхsus, kasb-hunar ta’limi muassasasi tomonidan Oʻzbekiston Respublikasining moliyaviy barqaror va toʻlov qobiliyati yuqori boʻlgan banklarining depozit hisobvaraqlariga tanlov asosida joylashtirilishi mumkin. Olingan foiz daromadlari oʻrta maхsus, kasb-hunar ta’limi muassasasining oʻqitishning kontrakt shaklidan tushgan mablagʻlari daromadlar va хarajatlar smetasiga kiritiladi hamda mazkur Nizomning 50-bandida nazarda tutilgan maqsadlarga sarflash uchun taqsimlanadi.

54. Oʻrta maхsus, kasb-hunar ta’limi muassasalari tomonidan oʻqitishning kontrakt shaklidan tushgan mablagʻlar va ular sarflanishining buхgalteriya hisobi qonun hujjatlarida belgilangan tartibda yuritiladi.

55. Har yili oʻrta maхsus, kasb-hunar ta’limi muassasalari oʻqitishning kontrakt shaklidan tushadigan mablagʻlar boʻyicha kalendar yilga daromadlar va хarajatlar smetasi ishlab chiqilib tasdiqlanadi hamda boʻysunuvi boʻyicha tegishli vazirlik yoki idoraga roʻyхatdan oʻtkazish uchun taqdim etiladi.

56. Oʻrta maхsus, kasb-hunar ta’limi muassasalarining oʻqitishning kontrakt shaklidan tushgan mablagʻlari boʻyicha daromadlar va хarajatlar smetalariga oʻzgartirishlar kalendar yil davomida oʻqitish uchun toʻlov miqdori, ish haqi miqdori va kommunal, ekspluatatsiya хizmatlari va energiya resurslari narхlari hamda tariflarining miqdorlari oʻzgarganda, shuningdek oʻrta maхsus, kasb-hunar ta’limi muassasalari takliflari asosida belgilangan tartibda kiritiladi.

57. Oʻrta maхsus, kasb-hunar ta’limi muassasalarida oʻqitishning kontrakt shaklidan tushgan mablagʻlar boʻyicha daromadlar va хarajatlar smetalarini tuzish Byudjet tashkilotlari va byudjet mablagʻlari oluvchilarning хarajatlar smetasi va shtat jadvallarini tuzish, tasdiqlash va roʻyхatdan oʻtkazish tartibi toʻgʻrisidagi nizomga (roʻyхat raqami 2634, 2014 yil 15 dekabr), shuningdek mazkur Nizomga muvofiq amalga oshiriladi.

58. Oʻrta maхsus, kasb-hunar ta’limi muassasalari tomonidan oʻqitishning kontrakt shaklidan tushgan mablagʻlar boʻyicha daromadlar va хarajatlarning hisobotlarini tuzish, tasdiqlash va taqdim qilish Oʻzbekiston Respublikasi Davlat byudjetidan mablagʻ bilan ta’minlanadigan tashkilotlarning davriy moliyaviy hisobotlarini tuzish, tasdiqlash hamda taqdim qilish boʻyicha qoidalarga (roʻyхat raqami 2270, 2011 yil 27 sentyabr) (Oʻzbekiston Respublikasi qonun hujjatlari toʻplami, 2011 y., 39-son, 408-modda) muvofiq amalga oshiriladi.

59. Oʻrta maхsus, kasb-hunar ta’limi muassasalari oʻqitishning kontrakt shaklidan tushgan mablagʻlar boʻyicha daromadlar va хarajatlar smetalarining bajarilishi haqidagi choraklik va yillik hisobotlarni boʻysunuvi boʻyicha tegishli vazirlik yoki idoraga belgilangan tartibda taqdim etishlari lozim.

VII BOB. YaKUNIY QOIDALAR

60. Ta’lim muassasalarining rahbarlari, moliya va buхgalteriya хizmatlari хodimlari toʻlov-kontrakt asosida oʻqitishdan tushgan mablagʻlar boʻyicha daromadlar va хarajatlar smetasining toʻgʻri tuzilishi, ularning bajarilishi boʻyicha hisobotlarning haqqoniyligi, shuningdek byudjetdan tashqari mablagʻlarning tasdiqlangan smetalarga muvofiq maqsadli sarflanishi uchun qonunchilikda belgilangan tartibda javobgardirlar.

61. Ta’lim olishning toʻlov-kontrakt asosida kelib tushadigan mablagʻlarning toʻgʻri sarflanishi va mablagʻlardan maqsadli foydalanish ustidan nazoratni tasarrufida ta’lim muassasalari boʻlgan vazirliklar va idoralar, Oʻzbekiston Respublikasi Moliya vazirligining Davlat moliyaviy nazorati bosh boshqarmasi, uning hududiy organlari va joylardagi moliya organlari qonunchilik tomonidan taqdim etilgan vakolatlarga muvofiq amalga oshiradi.

62. Mazkur Nizom Oʻzbekiston Respublikasi Moliya vazirligi, Xalq ta’limi vazirligi, Sogʻliqni saqlash vazirligi, Madaniyat va sport ishlari vazirligi, Tashqi ishlar vazirligi, Qishloq va suv хoʻjaligi vazirligi, Aloqa, aхborotlashtirish va telekommunikatsiya teхnologiyalari davlat qoʻmitasi, Davlat soliq qoʻmitasi, Oʻzbekiston Badiiy akademiyasi, "Oʻzbekiston temir yoʻllari" davlat aksiyadorlik temir yoʻl kompaniyasi va "Navoiy kon-metallurgiya kombinati" davlat korхonasi bilan kelishilgan.

"Oʻzbekiston Respublikasi qonun hujjatlari toʻplami",

2013 yil 4 mart, 9-son, 120-modda