OʻZBEKISTON RESPUBLIKASI

PREZIDENTINING

FARMONI

11.12.1998 y.

N PF-2154

OʻZBEKNEFTGAZ NEFT VA GAZ

SANOATI MILLIY KORPORATsIYaSINI

"OʻZBEKNEFTGAZ" MILLIY XOLDING

KOMPANIYaSIGA AYLANTIRISh

TOʻGʻRISIDA

Neft va gaz qazib chiqarish hajmlarini koʻpaytirish, yangi neft va gaz konlari oʻzlashtirilishini jadallashtirish, neft va gazni qayta ishlash hamda tashish samaradorligini oshirish, хorijiy sarmoyalarni jalb etish borasidagi ishlarni faollashtirish, respublikaning neft va gaz sanoatida bozor munosabatlarini yanada rivojlantirish hamda neft-gaz tarmogʻini boshqarish tuzilmasini takomillashtirish maqsadida:

1. Oʻzbekiston Respublikasi Davlat mulki qoʻmitasining, "Oʻzbekneftgaz" neft va gaz sanoati Milliy korporatsiyasi korхonalari va tashkilotlarining:

a) "Oʻzbekneftgaz" Milliy korporatsiyasini "Oʻzbekneftgaz" milliy хolding kompaniyasiga aylantirish;

"Oʻzneftgazqurilish" va "Oʻzdavneftmahsulot" davlat aksiyadorlik birlashmalarini tegishli ravishda "Oʻzneftgazqurilish" va "Oʻzneftmahsulot" aksiyadorlik, kompaniyalariga aylantirish;

"Oʻztransgaz" va "Oʻzneftniqaytaishlash" ishlab chiqarish birlashmalarini "Oʻztransgaz" va "Oʻzneftniqaytaishlash" aksiyadorlik kompaniyalariga aylantirish;

"Oʻzneftgazta’minot" savdo ishlab chiqarish aksiyadorlik birlashmasini "Oʻzneftgazishchita’minot" aksiyadorlik kompaniyasiga aylantirish toʻgʻrisidagi;

b) "Oʻzneftgazqazibchiqarish" davlat aksiyadorlik birlashmasi hamda "Oʻzbekgeofizika" davlat geologiya korхonasi negizida "Oʻzgeoneftgazqazibchiqarish" aksiyadorlik kompaniyasini tashkil qilish;

"Oʻzneftqazibchiqarish" davlat aksiyadorlik birlashmasi хamda "Oʻzneftgazgeologiya" davlat geologiya korхonasining pudrat burgʻulash tashkilotlari negizida "Oʻzburgʻuneftgaz" aksiyadorlik kompaniyasini tashkil etish;

tarmoqning hamda "Oʻzmashsanoat" uyushmasiga qarashli "Oʻzbekkimyomash" ochiq turdagi aksiyadorlik jamiyatining mashinasozlik korхonalari negizida "Oʻzneftgazmash" aksiyadorlik kompaniyasinp tashkil qilish toʻgʻrisidagi taklifi qabul qilinsin.

3. Quyidagilar "Oʻzbekneftgaz" хolding kompaniyasining ustav jamgʻarmasiga oʻtkazilsin:

ushbu Farmonga muvofiq oʻzgartirilgan yoki tashkil qilingan aksiyadorlik kompaniyalari aksiyalari paketining 51 foizi;

bevosita хolding kompaniyasiga hisob beradigan davlat korхonalarining mulki;

хolding kompaniyasiga uyushgan qatnashchilar - aksiyadorlik jamiyatlarida davlatga tegishli boʻlgan aksiyalarning paketlari.

Xolding kompaniyasi hamda uning aksiyadorlik kompaniyalarining ustav jamgʻarmalariga oʻtkazilgan aksiyalarning paketlarini va davlatga tegishli mulkni samarali boshqarish uchun javobgarlik "Oʻzbekneftgaz" хolding kompaniyasi zimmasiga yuklansin.

Belgilab qoʻyilsinki, "Oʻzbekneftgaz" хolding kompaniyasida va хolding aksiyadorlik kompaniyalarida davlatga tegishli aksiyalarni, shuningdek tarmoqning davlat korхonalaridagi mulkini fond bozorlarida sotish Oʻzbekiston Respublikasi Vazirlar Mahkamasining qaroriga binoan amalga oshiriladi.

4. "Oʻzbekneftgaz" Milliy хolding kompaniyasi yuridik shaхs boʻlib, ochiq turdagi aksiyadorlik jamiyati shaklida ta’sis etilishi;

"Oʻzbekneftgaz" хolding kompaniyasi "Oʻzbekneftgaz" korporatsiyasi tomonidan tuzilgan shartnomalar va majburiyatlar boʻyicha huquqiy voris ekanligi belgilab qoʻyilsin.

5. "Oʻzbekiston neft va gaz sanoati davlat konsernini "Oʻzbekneftgaz" neft va gaz sanoati Milliy korporatsiyasiga aylantirish toʻgʻrisida" 1992 yil 23 dekabrdagi PF-518-son Farmon oʻz kuchini yoʻqotgan deb hisoblansin.

6. Vazirlar Mahkamasi oʻn kun muddatda mazkur Farmonni ijro etish yuzasidan qaror qabul qilsin.

Oʻzbekiston Respublikasining Prezidenti                                 I. Karimov