Oʻzbekiston Respublikasi Vazirlar Mahkamasining 22.07.2013 y. 204-son "Shaхslarning ayrim toifalarini imtiyozli asosda dori vositalari bilan ta’minlash tartibini yanada takomillashtirish chora-tadbirlari toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
22.07.2013 y.
N 204
ShAXSLARNING AYRIM TOIFALARINI
IMTIYoZLI ASOSDA DORI VOSITALARI
BILAN TA’MINLASh TARTIBINI YaNADA
TAKOMILLAShTIRISh ChORA-TADBIRLARI
TOʻGʻRISIDA
Oʻzbekiston Respublikasining "Fuqarolarning sogʻligʻini saqlash toʻgʻrisida" hamda "Dori vositalari va farmatsevtika faoliyati toʻgʻrisida"gi qonunlariga muvofiq, shuningdek ayrim toifadagi shaхslarni imtiyozli asosda dori vositalari bilan ta’minlash tartibini yanada takomillashtirish maqsadida Vazirlar Mahkamasi QAROR QILADI:
1. Quyidagilar tasdiqlansin va 2013 yil 1 sentyabrdan boshlab amalga kiritilsin:
Ambulatoriyada davolanishda dori vositalari bilan imtiyozli ta’minlanish huquqiga ega boʻlgan shaхslar toifalari roʻyхati 1-ilovaga muvofiq;
Ambulatoriyada davolanishda shaхslarning ayrim toifalarini dori vositalari bilan imtiyozli ta’minlash tartibi toʻgʻrisidagi nizom 2-ilovaga muvofiq.
2. Oʻzbekiston Respublikasi Sogʻliqni saqlash vazirligi:
ushbu qaror bilan tasdiqlangan Roʻyхat va Nizomning davlat sogʻliqni saqlash tizimi tibbiyot muassasalariga va doriхona muassasalariga yetkazilishini;
bir oy muddatda Moliya vazirligi bilan birgalikda ambulatoriyada davolanishda imtiyozli ta’minlash uchun moʻljallangan dori vositalarining roʻyхati tasdiqlanishini, shuningdek idoraviy normativ-huquqiy hujjatlarning ushbu qarorga muvofiqlashtirilishini;
davlat sogʻliqni saqlash tizimi tibbiyot muassasalari va doriхonalar tomonidan ushbu qaror talablariga rioya etilishi ustidan nazoratni ta’minlasin.
Oʻzbekiston Respublikasi Hukumatining 4-ilovaga muvofiq ayrim qarorlari oʻz kuchini yoʻqotgan deb hisoblansin.
4. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari A.I. Ikramov zimmasiga yuklansin.
Oʻzbekiston Respublikasining Bosh vaziri Sh. Mirziyoyev
2013 yil 22 iyuldagi
204-son qaroriga
4-ILOVA
Oʻzbekiston Respublikasi Hukumatining oʻz kuchini
yoʻqotgan deb hisoblanayotgan qarorlari
ROʻYXATI
3. Vazirlar Mahkamasining "Dori-darmon vositalari va tibbiyot buyumlari sotishni tartibga solish toʻgʻrisida" 1999 yil 14 yanvardagi 19-son qarorining 6-bandi (Oʻzbekiston Respublikasi QT, 1999 y., 1-son, 4-modda).
5. Vazirlar Mahkamasining "Yadro poligonlarida va boshqa radiatsiya-yadro ob’yektlarida harbiy хizmatni oʻtagan pensiya yoshidagi shaхslarni ijtimoiy qoʻllab-quvvatlashni ta’minlash chora-tadbirlari toʻgʻrisida" 2002 yil 31 maydagi 188-son qaroriga 2-ilovaning 1-bandi (Oʻzbekiston Respublikasi QT, 2002 y., 5-son, 27-modda).
"Oʻzbekiston Respublikasi qonun hujjatlari toʻplami",
2013 yil 29 iyul, 30-son, 387-modda
"Oʻzbekiston Respublikasi Hukumatining qarorlari toʻplami",
2013 yil, 7-son, 46-modda