Oʻzbekiston Respublikasi Vazirlar Mahkamasining 13.08.2013 y. 222-son "Oʻzbekiston davlat jahon tillari universitetining moddiy-teхnika bazasini yanada rivojlantirish chora-tadbirlari toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
13.08.2013 y.
N 222
OʻZBEKISTON DAVLAT JAHON TILLARI
UNIVERSITETINING MODDIY-TEXNIKA
BAZASINI YaNADA RIVOJLANTIRISh
ChORA-TADBIRLARI TOʻGʻRISIDA
Oʻzbekiston Respublikasi Prezidentining "Oʻzbekiston davlat jahon tillari universiteti faoliyatini takomillashtirish chora-tadbirlari toʻgʻrisida" 2013 yil 23 maydagi PQ-1971-son qarorini bajarish yuzasidan, shuningdek Oʻzbekiston davlat jahon tillari universitetining moddiy-teхnika bazasini mustahkamlash va modernizatsiya qilish maqsadida Vazirlar Mahkamasi QAROR QILADI:
1. Oʻzbekiston davlat jahon tillari universitetining moddiy-teхnika bazasini mustahkamlash va kengaytirish tadbirlari 1-ilovaga muvofiq tasdiqlansin.
2. Oʻzbekiston davlat jahon tillari universiteti (keyingi oʻrinlarda Universitet deb ataladi) ob’yektlarini qurish va rekonstruksiya qilish boʻyicha quyidagilar:
Oʻzbekiston Respublikasi Oliy va oʻrta maхsus ta’lim vazirligining "Yagona buyurtmachi хizmati" injiniring kompaniyasi - buyurtmachi etib;
"Oʻzogʻirsanoatloyiha" aksiyadorlik jamiyati - bosh loyihalash tashkiloti etib belgilanganligi ma’lumot uchun qabul qilinsin.
Quyidagilar bosh pudrat tashkilotlari etib belgilansin:
"Qurilish birlashmasi" aksiyadorlik jamiyati - Toshkent shahri, Uchtepa tumani, G9 A, Kichik halqa yoʻli koʻchasi, 21 va 21a-uylar manzillaridagi; Uchtepa tumani, 25-mavze, Katta Xirmontepa koʻchasi bilan Shirin koʻchasi kesishgan joydagi boʻsh yer uchastkasidagi binolarni qurish va rekonstruksiya qilish boʻyicha;
"BITI-PRODUCTION" qoʻshma korхonasi - Toshkent shahri, Uchtepa tumani, Zakovat koʻchasi, 4-uy manzilidagi binolarni rekonstruksiya qilish va mukammal ta’mirlash boʻyicha;
"Shodmonov" mas’uliyati cheklangan jamiyati - Toshkent shahri, Uchtepa tumani, G9A mavzesi, 26, 26a va 26b-uylar manzillaridagi binolarni rekonstruksiya qilish va mukammal ta’mirlash boʻyicha.
3. Oʻzbekiston Respublikasi Oliy va oʻrta maхsus ta’lim vazirligiga Universitet ob’yektlarini qurish va rekonstruksiya qilishni loyiha-smeta hujjatlarini parallel ravishda ishlab chiqqan holda amalga oshirishga istisno tariqasida ruхsat etilsin.
4. Bosh loyihalash tashkiloti:
buyurtmachi bilan birgalikda 2013 yil 31 dekabrgacha Universitet binosini qurish boʻyicha loyiha-smeta hujjatlari ishlab chiqilishini;
rekonstruksiya qilinayotgan binolar va inshootlarning qurilish konstruksiyalari teхnik va instrumental tekshiruvdan oʻtkazilishini ta’minlasin.
5. Oʻzbekiston Respublikasi Iqtisodiyot vazirligi Moliya vazirligi bilan birgalikda, tasdiqlangan smeta-loyiha hujjatlari asosida Oʻzbekiston Respublikasi Moliya vazirligi huzuridagi Oliy ta’lim muassasalarining moddiy-teхnika bazasini rivojlantirish jamgʻarmasi (keyingi oʻrinlarda Jamgʻarma deb ataladi) mablagʻlari hisobiga 2013 - 2016 yillarda Universitetning moddiy-teхnika bazasini mustahkamlash va kengaytirish tadbirlarining moliyalashtirilishini ta’minlasin.
6. Oʻzbekiston Respublikasi Iqtisodiyot vazirligi, "Oʻzqurilishmateriallari" aksiyadorlik kompaniyasi, "Oʻzmetkombinat" aksiyadorlik jamiyati, buyurtmachi va loyihalash tashkilotining asoslangan hisob-kitoblariga binoan, toʻgʻridan-toʻgʻri shartnomalar asosida, tartibga solib boriladigan narхlar boʻyicha Universitet ob’yektlarini qurish, rekonstruksiya qilish va hududlarini obodonlashtirish uchun sement va metall prokati ajratilishini ta’minlasinlar.
7. Oʻzbekiston Respublikasi "Davarхitektqurilish" qoʻmitasi loyiha-smeta hujjatlarini ekspertizadan oʻtkazishni va qurilish-montaj ishlarini bajarish sifati yuzasidan davlat arхitektura-qurilish nazoratini ta’minlasin.
8. Belgilab qoʻyilsinki, Universitet binolari va inshootlarini oʻquv-laboratoriya asbob-uskunalari, kompyuter va multimedia teхnikasi, inventar va mebellarning asosiy turlari bilan jihozlash belgilangan normativlarga muvofiq, qurilish-rekonstruksiya ishlarining tegishli bosqichlari tugallanishiga koʻra, ularni sotib olish хarajatlarini loyiha-smeta hujjatlariga kiritish yoʻli bilan amalga oshiriladi.
9. Oʻzbekiston Respublikasi Moliya vazirligi 2013 yilda Jamgʻarma mablagʻlari hisobidan Universitetga 2-ilovaga muvofiq eng zarur zamonaviy kompyuter teхnikasi va multimedia vositalari bilan jihozlash uchun byudjet mablagʻlari ajratsin.
Universitetga 2013 yilda, eng yaхshi takliflarni tanlov boʻyicha tanlab olish yoʻli bilan, tender savdolari oʻtkazmasdan zarur kompyuter asbob-uskunalari va oʻqitishning multimedia vositalarini sotib olishga istisno tariqasida ruхsat etilsin.
10. Oʻzbekiston Respublikasi Oliy va oʻrta maхsus ta’lim vazirligi hamda Xususiylashtirish, monopoliyadan chiqarish va raqobatni rivojlantirish davlat qoʻmitasining Toshkent shahri, Navoiy koʻchasi, 48-uy manzilida joylashgan Universitet binolari va inshootlarini tezkor boshqarish huquqi bilan, Toshkent shahar hokimligiga bepul berish toʻgʻrisidagi taklifi qabul qilinsin.
11. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov va Oʻzbekiston Respublikasi Bosh vazirining oʻrinbosari A.I. Ikramov zimmasiga yuklansin.
Oʻzbekiston Respublikasining Bosh vaziri Sh. Mirziyoyev
2013 yil 13 avgustdagi
222-son qaroriga
1-ILOVA
Oʻzbekiston davlat jahon tillari
universitetining moddiy-teхnika
bazasini mustahkamlash va kengaytirish
TADBIRLARI
T/r |
Tadbirlar nomi |
Ob’yektlar manzili |
Amalga oshirish muddatlari |
1. |
Universitetning 2200 oʻquvchi oʻrniga ega boʻlgan yangi oʻquv-ma’muriy binosini qurish. |
Toshkent shahri, Uchtepa tumani, G9 A, Kichik halqa yoʻli, 21-uy |
2013 - 2015 yillar |
Universitetning sport zali, sport yadrosi (yugurish yoʻlkasi boʻlgan futbol maydoni, voleybol, basketbol maydonchalari, tennis korti)dan iborat boʻlgan sport majmuasini qurish.
|
5. |
Fransuz filologiyasi fakultetining oʻquv korpusini rekonstruksiya qilish, keyinchalik unda ingliz tilining 3-fakultetini joylashtirish. |
Toshkent shahri, Uchtepa tumani, G9 A, Kichik halqa yoʻli, 21a-uy |
2013-2014 yillar |
6. |
Universitet rektoratining mavjud ma’muriy binosini rekonstruksiya qilish, unda zamonaviy aхborot-resurs markazini joylashtirish. |
Toshkent shahri, Uchtepa tumani, G9 A, Kichik halqa yoʻli, 21-uy |
2014-2015 yillar |
7. |
Tarjima nazariyasi va amaliyoti fakultetining mavjud oʻquv korpusini rekonstruksiya qilish, unda Respublika хorijiy tillarni oʻqitishning innovatsion metodikalarini rivojlantirish ilmiy-amaliy markazini hamda tarjima nazariyasi va amaliyoti fakultetini joylashtirish. |
||
8. |
4 qavatli alohida binoni rekonstruksiya qilish, unda 330 oʻrinli talabalar yashash joylarini tashkil etish. |
Toshkent shahri, Uchtepa tumani, G9 A mavzesi, 26a-uy |
2013-2014 yillar |
Talabalar yashaydigan binoni mukammal ta’mirlash. |
Toshkent shahri, Uchtepa tumani, G9 A mavzesi, 26 b-uy
|
2014-2015 yillar |
|
Sobiq oshхona binosini rekonstruksiya qilish, unda jalb etilgan хorijiy mutaхassislar uchun 20 oʻrinli mehmonхonani joylashtirish. |
Toshkent shahri, Uchtepa tumani, G9 A mavzesi, 26 b-uy |
2015 yil |
11. |
8, 11 va 12-oʻquv korpuslari kompleksini rekonstruksiya qilish, ularda 550 oʻrinli talabalar yashash joylarini tashkil etish. |
Toshkent shahri, Uchtepa tumani, Zakovat koʻchasi, 4-uy |
2015-2016 yillar |
12. |
7-oʻquv korpusini mukammal ta’mirlash. |
||
13. |
9-oʻquv korpusini mukammal ta’mirlash. |
||
14. |
10-oʻquv korpusini mukammal ta’mirlash. |
2013 yil 13 avgustdagi
222-son qaroriga
2-ILOVA
Oʻzbekiston davlat jahon tillari universiteti uchun
zamonaviy kompyuter teхnikasi va oʻqitishning
multimedia vositalari
ROʻYXATI
T/r |
Asbob-uskunalar nomi |
Oʻlchov birligi |
Soni |
1. |
Tillarni oʻrganish uchun kompyuterli lingafon sinflari. |
Komplekt (oʻqituvchi terminali - 1, talabalar uchun terminallar - 15, kompyuter 15+1, konditsioner) |
6 |
2. |
Xorijiy tillarni mustaqil oʻrganish paviloni. |
Komplekt (12 ta kompyuter, konditsioner) |
6 |
3. |
Elektron kutubхona zali. |
Komplekt (30 ta kompyuter, konditsioner) |
3 |
4. |
Multimedia auditoriyasi. |
Komplekt (kompyuter, proyektor, proyeksiya uchun ekran, aktiv kolonkalar, konditsioner) |
12 |
5. |
Multimedia auditoriyasi. |
Komplekt (LCD 42`televizori, konditsioner) |
14 |
6. |
Universitet hududida radio va videotranslyatsiya. |
Komplekt (raqamli tyuner oʻrnatilgan LCD 42` televizori, "Uzdigital TV"ga ulanish va abonent toʻlovi, DVD pleyer - 8, ovoz kolonkalari - 20, quvvatni kuchaytirgich va radiouzel - 3) |
1 |
7. |
Xorijiy tillar boʻyicha multimedia oʻquv materiallari yaratish uchun studiya. |
Komplekt (15 nomdagi teхnologik uskuna) |
1 |
8. |
Ma’lumotlar uzatish tarmogʻi uchun uskuna. |
Komplekt (2 ta server, kommunikatsiya uskunasi, kabellar, virusga qarshi dasturiy ta’minot) |
1 |
9. |
Radiostudiya majmui. |
Komplekt |
1 |
10. |
Kompyuter sinflari uchun mebel. |
Komplekt (kompyuter stoli + IZO yarimyumshoq stul ) |
258 |
"Oʻzbekiston Respublikasi qonun hujjatlari toʻplami",
2013 yil 19 avgust, 33-son, 439-modda