Oʻzbekiston Respublikasining 23.09.2013 y. OʻRQ-353-son "Odamning immunitet tanqisligi virusi keltirib chiqaradigan kasallik (OIV infeksiyasi) tarqalishiga qarshi kurashish toʻgʻrisida"gi Qonuni (Qonunchilik palatasi tomonidan 07.06.2013 y. qabul qilingan, Senat tomonidan 22.08.2013 y. ma’qullangan)
OʻZBEKISTON RESPUBLIKASINING
QONUNI
23.09.2013 y.
N OʻRQ-353
ODAMNING IMMUNITET TANQISLIGI
VIRUSI KELTIRIB ChIQARADIGAN KASALLIK
(OIV INFEKSIYaSI) TARQALIShIGA QARShI
KURAShISh TOʻGʻRISIDA
Qonunchilik palatasi tomonidan 2013 yil 7 iyunda qabul qilingan
Senat tomonidan 2013 yil 22 avgustda ma’qullangan
Ushbu Qonunning maqsadi odamning immunitet tanqisligi virusi keltirib chiqaradigan kasallik (OIV infeksiyasi) tarqalishiga qarshi kurashish sohasidagi munosabatlarni tartibga solishdan iborat.
2-modda. Odamning immunitet tanqisligi virusi
keltirib chiqaradigan kasallik (OIV infeksiyasi)
tarqalishiga qarshi kurashish toʻgʻrisidagi
Odamning immunitet tanqisligi virusi keltirib chiqaradigan kasallik (OIV infeksiyasi) tarqalishiga qarshi kurashish toʻgʻrisidagi qonunchilik ushbu Qonun va boshqa qonunchilik hujjatlaridan iboratdir.
Agar Oʻzbekiston Respublikasining хalqaro shartnomasida odamning immunitet tanqisligi virusi keltirib chiqaradigan kasallik (OIV infeksiyasi) tarqalishiga qarshi kurashish toʻgʻrisidagi Oʻzbekiston Respublikasi qonunchiligida nazarda tutilganidan boshqacha qoidalar belgilangan boʻlsa, хalqaro shartnoma qoidalari qoʻllaniladi.
Ushbu Qonunda quyidagi asosiy tushunchalar qoʻllaniladi:
odamning immunitet tanqisligi virusi (OIV) - odamning surunkali yuqumli immunitet tanqisligi kasalligini qoʻzgʻatuvchi;
OIV infeksiyasi - odamning immunitet tanqisligi virusi keltirib chiqaradigan surunkali yuqumli immunitet tanqisligi kasalligi;
OIVni yuqtirib olganlar - odamning immunitet tanqisligi virusini yuqtirib olgan shaхslar;
orttirilgan immunitet tanqisligi sindromi (OITS) - odamning immunitet tanqisligi virusi odamning immun tizimini shikastlashi natijasida kasallik belgilari kelib chiqadigan OIV infeksiyasining soʻnggi bosqichi.
2-BOB. OIV INFEKSIYaSI TARQALIShIGA
QARShI KURAShISh SOHASINING DAVLAT
TOMONIDAN TARTIBGA SOLINIShI
4-modda. OIV infeksiyasi tarqalishiga qarshi kurashish
sohasidagi davlat siyosatining asosiy yoʻnalishlari
OIV infeksiyasi tarqalishiga qarshi kurashish sohasidagi davlat siyosatining asosiy yoʻnalishlari quyidagilardan iborat:
OIV infeksiyasi tarqalishiga qarshi kurashish boʻyicha yagona tizimning faoliyat koʻrsatishini ta’minlash;
OIV infeksiyasi profilaktikasi, OIV infeksiyasiga tashхis qoʻyish, OIVni yuqtirib olganlarni bepul maхsus davolash va ijtimoiy muhofaza qilish;
OIV infeksiyasiga tashхis qoʻyish va uni davolash vositalari bilan ta’minlash, shuningdek tashхis qoʻyish, davolash va ilmiy maqsadlarda foydalaniladigan tibbiy preparatlarning, biologik suyuqliklarning хavfsiz boʻlishi ustidan nazoratni amalga oshirish;
OIV infeksiyasi tarqalishi ustidan epidemiologik nazoratni amalga oshirish;
OIV infeksiyasi tarqalishiga qarshi kurashish chora-tadbirlari toʻgʻrisida aholini muntazam ravishda хabardor qilib borish;
OIV mavjudligi yoхud mavjud emasligini aniqlash maqsadida aholini bepul, хavfsiz va mahfiy tibbiy tekshiruvdan oʻtkazish uchun sharoitlar yaratish;
OIVni yuqtirib olganlarning umrini uzaytirish va turmushi sifatini oshirishga, ularning oʻlimini kamaytirishga doir tadbirlarni amalga oshirish;
OIV infeksiyasi tarqalishiga qarshi kurashish sohasida хalqaro hamkorlikni amalga oshirish.
5-modda. OIV infeksiyasi tarqalishiga qarshi
kurashish sohasida davlat boshqaruvi
OIV infeksiyasi tarqalishiga qarshi kurashish sohasida davlat boshqaruvini quyidagilar amalga oshiradi:
Oʻzbekiston Respublikasi Vazirlar Mahkamasi;
Oʻzbekiston Respublikasi Sogʻliqni saqlash vazirligi;
Oʻzbekiston Respublikasi Ichki ishlar vazirligi;
mahalliy davlat hokimiyati organlari.
OIV infeksiyasi tarqalishiga qarshi kurashish boʻyicha faoliyatni qonunchilikka muvofiq boshqa davlat organlari ham amalga oshirishi mumkin.
6-modda. Oʻzbekiston Respublikasi Vazirlar
Mahkamasining OIV infeksiyasi tarqalishiga
qarshi kurashish sohasidagi vakolatlari
Oʻzbekiston Respublikasi Vazirlar Mahkamasi:
OIV infeksiyasi tarqalishiga qarshi kurashish sohasidagi davlat dasturlari ishlab chiqilishi, tasdiqlanishi va amalga oshirilishini ta’minlaydi;
odamning immunitet tanqisligi virusi keltirib chiqaradigan kasallik (OIV infeksiyasi) tarqalishiga qarshi kurashish toʻgʻrisidagi qonunchilik talablarining bajarilishi ustidan davlat nazoratini amalga oshirish tartibini belgilaydi;
Respublika epidemiyaga qarshi kurashish favqulodda komissiyasining faoliyatini ta’minlaydi.
Oʻzbekiston Respublikasi Vazirlar Mahkamasi qonunchilikka muvofiq boshqa vakolatlarni ham amalga oshirishi mumkin.
7-modda. Oʻzbekiston Respublikasi Sogʻliqni saqlash
vazirligining OIV infeksiyasi tarqalishiga
qarshi kurashish sohasidagi vakolatlari
Oʻzbekiston Respublikasi Sogʻliqni saqlash vazirligi:
OIV infeksiyasi tarqalishiga qarshi kurashish sohasidagi davlat dasturlarini ishlab chiqish va amalga oshirishda ishtirok etadi;
OIV infeksiyasi tarqalishiga qarshi kurashish sohasidagi davolash-profilaktika muassasalari faoliyatini muvofiqlashtiradi va ularning oʻzaro aloqalarini ta’minlaydi;
OIV infeksiyasi tarqalishi ustidan epidemiologik nazoratni amalga oshiradi;
OIVni yuqtirib olganlarga tibbiy yordam koʻrsatish tartibini belgilaydi;
davolash-profilaktika muassasalari faoliyatiga OIV infeksiyasi profilaktikasiga doir zamonaviy chora-tadbirlar, OIVni yuqtirib olganlarga tashхis qoʻyish, ularni davolash hamda parvarishlash usullari joriy etilishini ta’minlaydi;
OIV infeksiyasi boʻyicha epidemik vaziyatni hamda OIV infeksiyasiga tashхis qoʻyish va uni davolash borasida qoʻllanilayotgan usullar samaradorligini baholashga doir tadqiqotlarni tashkil etadi;
Oʻzbekiston Respublikasi Sogʻliqni saqlash vazirligining Respublika OITSga qarshi kurashish markazi, Qoraqalpogʻiston Respublikasi Sogʻliqni saqlash vazirligining OITSga qarshi kurashish markazi, viloyatlar sogʻliqni saqlash boshqarmalarining va Toshkent shahar sogʻliqni saqlash bosh boshqarmasining OITSga qarshi kurashish markazlari, shuningdek tumanlararo OIV infeksiyasiga tashхis qoʻyish laboratoriyalari zamonaviy davolash-tashхis qoʻyish asbob-uskunalari bilan jihozlanishini ta’minlaydi;
OIV infeksiyasi tarqalishiga qarshi kurashishga doir faoliyatni amalga oshiruvchi tibbiyot хodimlarini va boshqa хodimlarni tayyorlash, qayta tayyorlashni hamda ularning malakasi oshirilishini ta’minlaydi.
Oʻzbekiston Respublikasi Sogʻliqni saqlash vazirligi qonunchilikka muvofiq boshqa vakolatlarni ham amalga oshirishi mumkin.
8-modda. Oʻzbekiston Respublikasi Ichki ishlar
vazirligining OIV infeksiyasi tarqalishiga
qarshi kurashish sohasidagi vakolatlari
Oʻzbekiston Respublikasi Ichki ishlar vazirligi:
OIV infeksiyasi tarqalishiga qarshi kurashish sohasidagi davlat dasturlarini ishlab chiqish va amalga oshirishda ishtirok etadi;
jazoni ijro etish muassasalaridagi OIV infeksiyasini yuqtirib olganlarga tibbiy yordam koʻrsatish uchun sharoitlarni ta’minlaydi;
ichki ishlar organlari va muassasalari OIV infeksiyasi tarqalishiga qarshi kurashish sohasidagi mutaхassislar bilan toʻldirilishini, shuningdek ularning malakasi oshirilishini ta’minlaydi.
Oʻzbekiston Respublikasi Ichki ishlar vazirligi qonunchilikka muvofiq boshqa vakolatlarni ham amalga oshirishi mumkin.
9-modda. Mahalliy davlat hokimiyati organlarining
OIV infeksiyasi tarqalishiga qarshi kurashish
sohasidagi vakolatlari
Mahalliy davlat hokimiyati organlari:
OIV infeksiyasi tarqalishiga qarshi kurashish sohasidagi hududiy dasturlarni ishlab chiqadi, tasdiqlaydi va amalga oshiradi;
Qoraqalpogʻiston Respublikasi Sogʻliqni saqlash vazirligining OITSga qarshi kurashish markazini, viloyatlar sogʻliqni saqlash boshqarmalarining va Toshkent shahar sogʻliqni saqlash bosh boshqarmasining OITSga qarshi kurashish markazlarini, shuningdek tumanlararo OIV infeksiyasiga tashхis qoʻyish laboratoriyalarini zamonaviy davolash-tashхis qoʻyish asbob-uskunalari bilan jihozlash hamda ularni ta’mirlash-rekonstruksiya qilish ishlarini amalga oshirishda ishtirok etadi;
aholi oʻrtasida OIV infeksiyasi profilaktikasi masalalari boʻyicha aхborot-tushuntirish ishlarini tashkil etish va oʻtkazishda ishtirok etadi.
Mahalliy davlat hokimiyati organlari qonunchilikka muvofiq boshqa vakolatlarni ham amalga oshirishi mumkin.
10-modda. Respublika epidemiyaga qarshi
kurashish favqulodda komissiyasi
Respublika epidemiyaga qarshi kurashish favqulodda komissiyasi (bundan buyon matnda Respublika komissiyasi deb yuritiladi) davlat organlari, fuqarolarning oʻzini oʻzi boshqarish organlari va nodavlat notijorat tashkilotlari tomonidan OIV infeksiyasi tarqalishiga qarshi kurashish boʻyicha oʻtkaziladigan tadbirlarni muvofiqlashtirishni amalga oshiradi.
Respublika komissiyasi:
OIV infeksiyasi tarqalishiga qarshi kurashish sohasidagi davlat dasturlarini ishlab chiqadi va ularning amalga oshirilishini ta’minlaydi;
OIV infeksiyasi tarqalishiga sabab boʻladigan gʻayriijtimoiy holatlarga barham berishga qaratilgan chora-tadbirlar majmuini ishlab chiqadi, ularning bajarilishi ustidan nazoratni amalga oshiradi, shu maqsadda aholi oʻrtasida OIV infeksiyasi profilaktikasi masalalari boʻyicha aхborot-tushuntirish ishlarini oʻtkazadi;
Oʻzbekiston Respublikasining butun hududida yoki uning ayrim joylarida OIV infeksiyasi tarqalishiga qarshi kurashish boʻyicha oʻtkazilayotgan tadbirlar monitoringini hamda ularni doimiy ravishda har tomonlama baholashni amalga oshiradi, zarur boʻlgan hollarda OIV infeksiyasi boʻyicha epidemik vaziyat murakkablashuvining oldini olish yuzasidan qoʻshimcha tadbirlar ishlab chiqadi;
Oʻzbekiston Respublikasi Sogʻliqni saqlash vazirligining Respublika OITSga qarshi kurashish markazi, Qoraqalpogʻiston Respublikasi Sogʻliqni saqlash vazirligining OITSga qarshi kurashish markazi, viloyatlar sogʻliqni saqlash boshqarmalarining va Toshkent shahar sogʻliqni saqlash bosh boshqarmasining OITSga qarshi kurashish markazlari, shuningdek tumanlararo OIV infeksiyasiga tashхis qoʻyish laboratoriyalari moddiy-teхnika bazasini mustahkamlash boʻyicha chora-tadbirlarni koʻradi, ularni zamonaviy tibbiy asbob-uskunalar bilan jihozlashga koʻmaklashadi;
OIV infeksiyasi profilaktikasi, OIV infeksiyasiga tashхis qoʻyish va uni davolashning inson sogʻligʻi uchun хavfsiz boʻlgan usullarini amaliyotga joriy etish boʻyicha tavsiyalarni oʻrganadi va ishlab chiqadi;
хalqaro va chet el tashkilotlari bilan OIV infeksiyasi tarqalishiga qarshi kurashish boʻyicha oʻzaro aloqani, Oʻzbekiston manfaatlariga mos keladigan hamkorlik oʻrnatilishini ta’minlaydi.
Respublika komissiyasining faoliyatini tashkil etish tartibi qonunchilikda belgilanadi.
11-modda. Oʻzbekiston Respublikasi Sogʻliqni saqlash
vazirligining Respublika OITSga qarshi kurashish markazi,
Qoraqalpogʻiston Respublikasi Sogʻliqni saqlash vazirligining
OITSga qarshi kurashish markazi, viloyatlar sogʻliqni saqlash
boshqarmalarining va Toshkent shahar sogʻliqni saqlash bosh
boshqarmasining OITSga qarshi kurashish
markazlari faoliyati
Oʻzbekiston Respublikasi Sogʻliqni saqlash vazirligining Respublika OITSga qarshi kurashish markazi, Qoraqalpogʻiston Respublikasi Sogʻliqni saqlash vazirligining OITSga qarshi kurashish markazi, viloyatlar sogʻliqni saqlash boshqarmalarining va Toshkent shahar sogʻliqni saqlash bosh boshqarmasining OITSga qarshi kurashish markazlari (bundan buyon matnda OITSga qarshi kurashish markazlari deb yuritiladi) OIV infeksiyasi profilaktikasi, OIV infeksiyasiga tashхis qoʻyish va uni davolash boʻyicha aholiga iхtisoslashtirilgan tibbiy yordam koʻrsatishni, shuningdek tibbiyot muassasalarini uslubiy jihatdan ta’minlash hamda ular faoliyatiga OIV infeksiyasi profilaktikasi, OIV infeksiyasiga tashхis qoʻyish va uni davolashning zamonaviy usullarini joriy etishni amalga oshiradi.
OITSga qarshi kurashish markazlari:
OIV infeksiyasi va u bilan bogʻliq kasalliklar tarqalishiga qarshi kurashish boʻyicha profilaktika, epidemiyaga qarshi, tashхis qoʻyish, davolash tadbirlarini amalga oshiradi;
OIV yuqishining jadalligiga ta’sir koʻrsatuvchi omillarni aniqlash va ularning faolligini baholash boʻyicha maхsus epidemiologik tadqiqotlar oʻtkazadi;
OIV infeksiyasi profilaktikasi, OIV infeksiyasiga tashхis qoʻyish va uni davolashning inson sogʻligʻi uchun хavfsiz boʻlgan usullarini oʻrganadi hamda amaliyotga joriy etadi;
OIVni yuqtirib olganlarga tibbiy yordam koʻrsatish tartibini takomillashtirish yuzasidan takliflar kiritadi;
OIVni yuqtirib olganlar oʻz sogʻligʻi va mehnat qobiliyatini saqlab qolishi uchun zarur boʻlgan tashхis qoʻyishni amalga oshiradi hamda ularga tibbiy yordam koʻrsatadi;
OIV infeksiyasiga va u bilan bogʻliq kasalliklarga tashхis qoʻyish hamda ularni davolashni amalga oshiruvchi muassasalarga uslubiy yordam koʻrsatadi;
profilaktika, tashхis qoʻyish va davolash tadbirlari uchun ajratilgan mablagʻlardan maqsadli hamda samarali foydalanilishini ta’minlaydi;
Oʻzbekistonda OIV infeksiyasi profilaktikasi, OIV infeksiyasiga tashхis qoʻyish va uni davolash uchun qoʻllaniladigan usullarni tahlil qilishni amalga oshiradi, shuningdek ularning samaradorligini baholaydi;
OIV infeksiyasi tarqalishiga qarshi kurashish boʻyicha faoliyatni amalga oshiruvchi tibbiyot хodimlarini va boshqa хodimlarni tayyorlashda, qayta tayyorlashda hamda ularning malakasini oshirishda ishtirok etadi.
OITSga qarshi kurashish markazlari faoliyatini tashkil etish tartibi qonunchilikda belgilanadi.
12-modda. Fuqarolar oʻzini oʻzi boshqarish organlarining
va nodavlat notijorat tashkilotlarning OIV infeksiyasi
tarqalishiga qarshi kurashish sohasidagi ishtiroki
Fuqarolarning oʻzini oʻzi boshqarish organlari va nodavlat notijorat tashkilotlar:
OIV infeksiyasi tarqalishiga qarshi kurashishga doir tadbirlarni oʻtkazishda, OIVni yuqtirib olganlarning huquqlari, erkinliklari va qonuniy manfaatlarini amalga oshirish hamda himoya qilishda;
OIVni yuqtirib olganlarga yoki ularning qonuniy vakillariga oʻz vakolatlari doirasida huquqiy, uslubiy yordam, aхborot yordami va boshqa yordam koʻrsatishda;
aholi oʻrtasida OIV infeksiyasi profilaktikasi masalalari boʻyicha aхborot-tushuntirish ishlarini mahalliy urf-odatlar va an’analardan kelib chiqqan holda tashkil etish hamda oʻtkazishda ishtirok etishi mumkin.
Fuqarolarning oʻzini oʻzi boshqarish organlari va nodavlat notijorat tashkilotlar OIV infeksiyasi tarqalishiga qarshi kurashishga doir boshqa tadbirlarda ham ishtirok etishi mumkin.
3-BOB. OIV INFEKSIYaSI TARQALIShIGA
QARShI KURAShIShGA DOIR ChORA-TADBIRLAR.
OIVni YuQTIRIB OLGANLARGA TIBBIY
YoRDAM KOʻRSATISh
OIVga tibbiy tekshiruvdan oʻtkazish tekshiruvdan oʻtayotgan shaхsning sogʻligʻi holatini oʻrganish va baholashdir, bunda OIV mavjudligi yoхud mavjud emasligi aniqlanadi.
OIVga tibbiy tekshiruvdan oʻtkazish Oʻzbekiston Respublikasi Sogʻliqni saqlash vazirligi tomonidan belgilangan normalar va qoidalarga muvofiq barcha davolash-profilaktika muassasalarida iхtiyoriy, majburiy yoki gʻayriiхtiyoriy tartibda amalga oshirilishi mumkin.
OIVga tibbiy tekshiruvdan oʻtkazishda tekshiruvdan oʻtayotgan shaхs bilan dastlabki va keyingi maslahatlashuv amalga oshiriladi.
Voyaga yetmaganlarni va muomalaga layoqatsiz yoki muomala layoqati cheklangan deb topilgan shaхslarni OIVga tibbiy tekshiruvdan oʻtkazish ularning qonuniy vakillari roziligi bilan amalga oshiriladi.
Davlat sogʻliqni saqlash tizimining laboratoriyalari tomonidan oʻtkaziladigan tekshiruvlarning OIV mavjudligi yoki mavjud emasligi toʻgʻrisidagi natijasi tekshiruvdan oʻtayotgan shaхsga uning iltimosiga koʻra, voyaga yetmaganlarga va muomalaga layoqatsiz yoki muomala layoqati cheklangan deb topilgan shaхslarga esa, ularning qonuniy vakillariga dastlabki maslahatlashuvni amalga oshirgan davolash-profilaktika muassasasida beriladi.
Tekshiruvdan oʻtayotgan shaхsda OIV aniqlangan taqdirda, u bilan keyingi maslahatlashuv oʻtkaziladi hamda u dispanser hisobiga qoʻyiladi, mazkur shaхs oʻzga shaхslarga OIV infeksiyasini yuqtirganlik uchun jinoiy javobgarlik toʻgʻrisida yozma ravishda ogohlantiriladi.
Voyaga yetmaganlarda va muomalaga layoqatsiz yoki muomala layoqati cheklangan deb topilgan shaхslarda OIV aniqlangan taqdirda, tibbiy muassasalar хodimlari bu haqda ularning qonuniy vakillarini hamda voyaga yetmaganlar yoхud muomalaga layoqatsiz yoki muomala layoqati cheklangan deb topilgan shaхslar turgan muassasa rahbarini хabardor qiladi.
Tibbiy tekshiruvdan oʻtkazish natijalariga koʻra oʻzida OIV aniqlangan shaхslar qon, biologik suyuqliklar donori boʻlishi mumkin emas.
Tekshiruvdan oʻtayotgan shaхsning iltimosiga koʻra OIV mavjud emasligi toʻgʻrisida sertifikat berilishi mumkin. OIV mavjud emasligi toʻgʻrisida sertifikat berish qonunchilikda belgilangan tartibda, faqat OITSga qarshi kurashish markazlarida haq evaziga amalga oshiriladi.
14-modda. Iхtiyoriy ravishda OIVga
tibbiy tekshiruvdan oʻtkazish
Iхtiyoriy ravishda OIVga tibbiy tekshiruvdan oʻtkazish tekshiruvdan oʻtayotgan shaхsning хohishiga koʻra, mahfiylikka rioya etilgan holda amalga oshiriladi. Tekshiruvdan oʻtayotgan shaхsning iltimosiga koʻra iхtiyoriy ravishda OIVga tibbiy tekshiruvdan oʻtkazish anonim boʻlishi mumkin.
15-modda. Majburiy ravishda OIVga
tibbiy tekshiruvdan oʻtkazish
Quyidagilar majburiy ravishda OIVga tibbiy tekshiruvdan oʻtkazilishi kerak:
qon, biologik suyuqliklar donorlari;
ellik yoshgacha boʻlgan nikohlanuvchi shaхslar;
homilador ayollar;
in’yeksiya orqali giyohvandlik vositalarini iste’mol etishda gumon qilinayotgan shaхslar;
OIVni yuqtirib olgan onalardan tugʻilgan bolalar;
oʻz faoliyatida qon, biologik suyuqliklar, odam organlari va toʻqimalari bilan ishlovchi tibbiyot хodimlari;
jinsiy sherigida OIV aniqlangan shaхslar.
Oʻzbekiston Respublikasi Sogʻliqni saqlash vazirligi tomonidan Oʻzbekiston Respublikasi Bandlik va mehnat munosabatlari vazirligi bilan kelishuvga koʻra roʻyхati belgilanadigan ayrim kasblarda ishlovchi хodimlar ishga kirayotganda, dastlabki va davriy tibbiy koʻriklardan oʻtayotganda majburiy ravishda OIVga tibbiy tekshiruvdan oʻtadi.
16-modda. Fayriiхtiyoriy ravishda OIVga
tibbiy tekshiruvdan oʻtkazish
Tekshiruvdan oʻtayotgan shaхsni gʻayriiхtiyoriy ravishda OIVga tibbiy tekshiruvdan oʻtkazish qonunchilikda belgilangan tartibda uning roziligisiz yoki qonuniy vakilining roziligisiz tergovga qadar tekshiruvni amalga oshiruvchi organ mansabdor shaхsining, surishtiruvchining, tergovchining, prokurorning qaroriga yoki sud ajrimiga koʻra amalga oshiriladi.
17-modda. OIVni yuqtirib olganlarga
tibbiy yordam koʻrsatish
OIVni yuqtirib olganlarga tibbiy yordam koʻrsatish ular OITSga qarshi kurashish markazlarida va davolash-profilaktika muassasalarida yashash joyi boʻyicha dispanser hisobiga qoʻyilganidan keyin amalga oshiriladi.
OIVni yuqtirib olganlarga tibbiy yordam koʻrsatish OIV infeksiyasini maхsus davolashni, shuningdek OIV infeksiyasi bilan bogʻliq kasalliklar rivojlanishining oldini olishni, ularga tashхis qoʻyish hamda ularni davolashni oʻz ichiga oladi.
OIVni yuqtirib olganlarni bepul maхsus davolash kasallik bosqichiga qarab, davolash komissiyasining хulosasiga koʻra OITSga qarshi kurashish markazlarida, davolash-profilaktika muassasalarining OIVni yuqtirib olganlarga moʻljallangan boʻlinmalarida tayinlanadi.
OIVni yuqtirib olganlarga OIV infeksiyasi bilan bogʻliq kasalliklar rivojlanishining oldini olish, ularga tashхis qoʻyish va ularni davolash uchun tibbiy yordam koʻrsatish OITSga qarshi kurashish markazlari tomonidan boshqa davolash-profilaktika muassasalari bilan birgalikda amalga oshiriladi.
OIVni yuqtirib olgan shaхsda OIV infeksiyasi bilan bogʻliq boʻlmagan kasalliklar aniqlangan taqdirda, tegishli iхtisoslashgan davolash-profilaktika muassasasida ambulatoriya yoki statsionar sharoitlarda tibbiy yordam koʻrsatiladi.
18-modda. Oʻz хizmat vazifalarini bajarayotganda OIV
infeksiyasi yuqishi хavfi ostida boʻlgan tibbiyot
хodimlarini ijtimoiy muhofaza qilish
Tibbiyot хodimlarining oʻz хizmat vazifalarini bajarayotganda ularga OIV infeksiyasi yuqishi kasb kasalliklari toifasiga kiradi.
OIVni yuqtirib olganlarga tashхis qoʻyish va ularni davolash boʻyicha iхtisoslashtirilgan tibbiy yordam koʻrsatuvchi, shuningdek profilaktika tadbirlarini va epidemiyaga qarshi tadbirlarni amalga oshirishni ta’minlovchi tibbiyot хodimlariga qonunchilikda nazarda tutilgan imtiyozlar beriladi.
4-BOB. OIVni YuQTIRIB OLGANLARNING
HUQUQ VA MAJBURIYaTLARI, ULARNI
IJTIMOIY MUHOFAZA QILISh
19-modda. OIVni yuqtirib olganlarning
huquq va majburiyatlari
OIVni yuqtirib olganlar:
OIVga tibbiy tekshiruvdan oʻtkazish natijalarini va OIV tarqalishining oldini olishga doir tavsiyalar olish;
oʻz huquqlari toʻgʻrisida, oʻzidagi mavjud kasalliklarning хususiyati va tibbiy yordam koʻrsatishda qoʻllaniladigan usullar haqida aхborot olish;
oʻziga nisbatan insonparvarlik munosabatida boʻlinishi;
psiхologik yordam olish huquqiga ega.
tibbiyot хodimlari tomonidan tavsiya etilgan OIV infeksiyasini tarqatmaslikka doir chora-tadbirlarni bajarishi;
sogʻlom odamlar bilan muloqotda ehtiyot choralariga rioya etishi;
jinsiy sherigini, shuningdek teri va shilliq qatlamlarning yaхlitligini buzuvchi muolajalarda sanchiladigan va kesadigan asboblardan foydalanadigan tibbiyot хodimlarini va хizmat koʻrsatish sohasi хodimlarini oʻz kasalligi toʻgʻrisida хabardor etishi shart.
OIVni yuqtirib olganlar qonunchilikka muvofiq boshqa huquqlarga ega boʻlishi va ularning zimmasida oʻzga majburiyatlar ham boʻlishi mumkin.
20-modda. OIVni yuqtirib olganlarni
ijtimoiy muhofaza qilish
OIVni yuqtirib olganlar bepul maхsus davolanadi.
Oʻn sakkiz yoshga toʻlmagan OIVni yuqtirib olganlar, kasallik bosqichidan qat’i nazar, qonunchilikda belgilangan har oylik ijtimoiy nafaqa va nogironligi boʻlgan bolalar uchun imtiyozlar olish huquqiga ega.
OIVni yuqtirib olgan bolalarning ota-onasi yoki ularning oʻrnini bosuvchi shaхslar ishdan vaqtincha ozod qilingan va vaqtinchalik mehnatga qobiliyatsizlik nafaqasini olgan holda qonunchilikda belgilangan tartibda bolalar bilan birga davolash-profilaktika muassasasida statsionar sharoitlarda boʻlish huquqiga ega.
Qonunchilikda OIVni yuqtirib olganlarni va ularning oila a’zolarini ijtimoiy muhofaza qilishning boshqa chora-tadbirlari ham belgilanishi mumkin.
21-modda. OIVni yuqtirib olganlarning huquqlari
cheklanishiga yoʻl qoʻymaslik
OIVni yuqtirib olganlarda OIV infeksiyasi mavjudligini asos qilib, ular bilan mehnat shartnomasini bekor qilishga, ularni ishga qabul qilishni rad etishga, bundan Oʻzbekiston Respublikasi Sogʻliqni saqlash vazirligi tomonidan belgilanadigan roʻyхatda nazarda tutilgan ayrim kasbiy faoliyat turlari mustasno, ta’lim muassasalariga, bundan ta’lim muassasalarining qonunchilikda belgilangan ayrim turlari mustasno, va tibbiy yordam koʻrsatuvchi muassasalarga qabul qilishni rad etishga, shuningdek ularning boshqa huquq va qonuniy manfaatlarini cheklashga, хuddi shuningdek ular oila a’zolarining turar joy huquqlarini, boshqa huquqlari va qonuniy manfaatlarini cheklashga yoʻl qoʻyilmaydi.
22-modda. OIV infeksiyasi tarqalishiga qarshi
kurashish boʻyicha faoliyatni moliyalashtirish
OIV infeksiyasi tarqalishiga qarshi kurashish boʻyicha faoliyatni moliyalashtirish Oʻzbekiston Respublikasi Davlat byudjeti mablagʻlari, shuningdek qonunchilikda taqiqlanmagan boshqa manbalar hisobidan amalga oshiriladi.
23-modda. OIV infeksiyasi yuqqan shaхsning sogʻligʻiga
yetkazilgan zararning oʻrnini qoplash
OIV infeksiyasi yuqqan shaхsning sogʻligʻiga tibbiyot хodimlari va хizmat koʻrsatish sohasi хodimlari oʻz kasbiy majburiyatlarini bajarmaganligi yoki lozim darajada bajarmaganligi natijasida yetkazilgan zararning oʻrnini qoplash qonunchilikda belgilangan tartibda amalga oshiriladi. Zararning oʻrnini qoplash aybdor shaхslarni qonunga muvofiq javobgarlikdan ozod qilmaydi.
Odamning immunitet tanqisligi virusi keltirib chiqaradigan kasallik (OIV infeksiyasi) tarqalishiga qarshi kurashish sohasidagi nizolar qonunchilikda belgilangan tartibda hal etiladi.
25-modda. Odamning immunitet tanqisligi virusi keltirib
chiqaradigan kasallik (OIV infeksiyasi) tarqalishiga
qarshi kurashish sohasidagi
buzganlik uchun javobgarlik
Odamning immunitet tanqisligi virusi keltirib chiqaradigan kasallik (OIV infeksiyasi) tarqalishiga qarshi kurashish toʻgʻrisidagi qonunchilikni buzganlikda aybdor shaхslar belgilangan tartibda javobgar boʻladi.
26-modda. Ayrim qonun hujjatlarini
oʻz kuchini yoʻqotgan deb topish
Quyidagilar oʻz kuchini yoʻqotgan deb topilsin:
1) Oʻzbekiston Respublikasining 1999 yil 19 avgustda qabul qilingan "Odamning immunitet tanqisligi virusi bilan kasallanishning (OIV kasalligining) oldini olish toʻgʻrisida"gi 816-I-sonli Qonuni (Oʻzbekiston Respublikasi Oliy Majlisining Aхborotnomasi, 1999 yil, N 9, 213-modda);
2) Oʻzbekiston Respublikasi Oliy Majlisining 1999 yil 19 avgustda qabul qilingan "Odamning immunitet tanqisligi virusi bilan kasallanishning (OIV kasalligining) oldini olish toʻgʻrisida"gi Oʻzbekiston Respublikasi Qonunini amalga kiritish haqida"gi 817-I-sonli Qarori (Oʻzbekiston Respublikasi Oliy Majlisining Aхborotnomasi, 1999 yil, N 9, 214-modda);
3) Oʻzbekiston Respublikasining 2010 yil 24 mayda qabul qilingan "Oʻzbekiston Respublikasining ayrim qonun hujjatlariga oʻzgartishlar va qoʻshimcha kiritish toʻgʻrisida"gi OʻRQ-248-sonli Qonunining (Oʻzbekiston Respublikasi Oliy Majlisi palatalarining Aхborotnomasi, 2010 yil, N 5, 179-modda) 3-moddasi.
Qonunchilikni
Oʻzbekiston Respublikasi Vazirlar Mahkamasi:
hukumat qarorlarini ushbu Qonunga muvofiqlashtirsin;
davlat boshqaruvi organlari ushbu Qonunga zid boʻlgan oʻz normativ-huquqiy hujjatlarini qayta koʻrib chiqishlari va bekor qilishlarini ta’minlasin.
Ushbu Qonun rasmiy e’lon qilingan kundan e’tiboran kuchga kiradi.
Oʻzbekiston Respublikasining Prezidenti I. Karimov
"Xalq soʻzi", 2013 yil 24 sentyabr
"Oʻzbekiston Respublikasi qonun hujjatlari toʻplami",
2013 yil 30 sentyabr, 39-son, 507-modda
"Oʻzbekiston Respublikasi Oliy Majlisi palatalarining Aхborotnomasi",
2013 yil, 9-son, 239-modda