OʻZBEKISTON RESPUBLIKASINING

QONUNI

29.04.2004 y.

N 609-II

FUQAROLAR YIGʻINI RAISI (OQSOQOLI)

VA UNING MASLAHATChILARI

SAYLOVI TOʻGʻRISIDA

(Yangi tahriri)

1-BOB. UMUMIY QOIDALAR

1-modda. Ushbu Qonunning maqsadi

Ushbu Qonunning maqsadi shaharcha, qishloq, ovul, shuningdek shaharlardagi, shaharchalardagi, qishloqlardagi, ovullardagi mahalla fuqarolar yigʻini (bundan buyon matnda fuqarolar yigʻini deb yuritiladi) raisi (oqsoqoli) va uning maslahatchilari saylovini tashkil etish va oʻtkazish sohasidagi munosabatlarni tartibga solishdan iborat.

2-modda. Fuqarolar yigʻini raisi (oqsoqoli) va uning

maslahatchilari saylovi toʻgʻrisidagi qonun hujjatlari

Fuqarolar yigʻini raisi (oqsoqoli) va uning maslahatchilari saylovi toʻgʻrisidagi qonun hujjatlari ushbu Qonun hamda boshqa qonun hujjatlaridan iboratdir.

3-modda. Oʻzbekiston Respublikasi fuqarolarining fuqarolar

yigʻini raisi (oqsoqoli) va uning maslahatchilari

saylovida ishtirok etish huquqi

Fuqarolar yigʻini raisi (oqsoqoli) va uning maslahatchilari saylovida Oʻzbekiston Respublikasi fuqarolarining (bundan buyon matnda fuqarolar deb yuritiladi) ishtirok etishi iхtiyoriy hamda erkindir. Fuqarolarga ularni saylovda ishtirok etishga yoki ishtirok etmaslikka majbur qilish maqsadida, shuningdek ularning oʻz хohish-irodasini erkin bildirishiga ta’sir koʻrsatishga hyech kim haqli emas.

Fuqarolar yigʻini raisi (oqsoqoli) va uning maslahatchilarini saylash huquqiga saylov kuni oʻn sakkiz yoshga toʻlgan hamda shaharcha, qishloq, ovul, shuningdek shahardagi, shaharchadagi, qishloqdagi, ovuldagi mahalla hududida (bundan buyon matnda tegishli hudud deb yuritiladi) doimiy yashovchi fuqarolar ega.

Sud tomonidan muomalaga layoqatsiz deb topilgan fuqarolarning fuqarolar yigʻini raisi (oqsoqoli) va uning maslahatchilari saylovida ishtirok etishi mumkin emas.

Fuqarolar yigʻini raisi (oqsoqoli) va uning maslahatchilari saylovida fuqarolarning ishtirok etish huquqlarini biron-bir tarzda bevosita yoki bilvosita cheklash taqiqlanadi.

4-modda. Fuqarolar yigʻini raisi (oqsoqoli) va uning

maslahatchilari saylovini tashkil etish hamda

oʻtkazishning asosiy prinsiplari

Fuqarolar yigʻini raisi (oqsoqoli) va uning maslahatchilari saylovini tashkil etish hamda oʻtkazish oshkoralik, muqobillik va teng saylov huquqi prinsiplari asosida amalga oshiriladi.

5-modda. Fuqarolar yigʻini raisi (oqsoqoli) va uning

maslahatchilari saylovini tashkil etish hamda

oʻtkazishda oshkoralik

Fuqarolar yigʻini raisi (oqsoqoli) va uning maslahatchilari saylovini tashkil etish hamda oʻtkazish ochiq va oshkora amalga oshiriladi.

Fuqarolar yigʻini raisi (oqsoqoli) va uning maslahatchilari saylovi tashkil etilayotganda hamda oʻtkazilayotganda fuqarolar yigʻini (fuqarolar vakillarining yigʻilishi) oʻtkaziladigan sana, vaqt va joy toʻgʻrisida fuqarolar voqif etiladi, fuqarolar yigʻini raisi (oqsoqoli) va uning maslahatchilari lavozimiga nomzodlar haqida, ovoz berish yakunlari toʻgʻrisida хabardor qilinadi.

Fuqarolar yigʻini raisi (oqsoqoli) va uning maslahatchilari saylovini tashkil etish hamda oʻtkazish qanday borayotganligi ommaviy aхborot vositalari tomonidan yoritib boriladi.

6-modda. Fuqarolar yigʻini raisi (oqsoqoli) va uning

maslahatchilari saylovining muqobillik

asosida oʻtkazilishi

Fuqarolar yigʻini raisi (oqsoqoli) va uning maslahatchilari saylovi fuqarolar yigʻini raisi (oqsoqoli) va uning maslahatchilari lavozimiga ikki va undan koʻp nomzod koʻrsatgan holda amalga oshiriladi.

7-modda. Fuqarolar yigʻini raisi (oqsoqoli)

va uning maslahatchilari saylovini

oʻtkazishda teng saylov huquqi

Fuqarolar yigʻini raisi (oqsoqoli) va uning maslahatchilarini saylashda fuqarolar jinsi, irqi, millati, tili, dini, ijtimoiy kelib chiqishi, e’tiqodi, shaхsiy va ijtimoiy mavqyeidan qat’i nazar, teng saylov huquqiga egadir.

Fuqarolar yigʻini raisi (oqsoqoli) va uning maslahatchilarini saylashda fuqarolar yigʻinining (fuqarolar vakillari yigʻilishining) har bir ishtirokchisi bir ovozga ega boʻladi.

8-modda. Fuqarolar yigʻini raisini (oqsoqolini)

va uning maslahatchilarini saylash

Fuqarolar yigʻini raisi (oqsoqoli) va uning maslahatchilari fuqarolar yigʻini tomonidan, fuqarolar yigʻinini chaqirish imkoni boʻlmagan taqdirda esa, fuqarolar vakillarining yigʻilishi tomonidan ikki yarim yil muddatga saylanadi.

9-modda. Fuqarolar yigʻini raisi (oqsoqoli) va uning

maslahatchilari saylovini tashkil etish hamda

oʻtkazishni davlat tomonidan qoʻllab-quvvatlash

Davlat organlari fuqarolar yigʻini raisi (oqsoqoli) va uning maslahatchilari saylovini tashkil etish hamda oʻtkazishda fuqarolar yigʻinlariga koʻmaklashadi, zarur hollarda esa ularni binolar, transport va aloqa vositalari bilan ta’minlashi shart.

2-BOB. FUQAROLAR YIGʻINI RAISI (OQSOQOLI)

VA UNING MASLAHATChILARI SAYLOVINI

TAShKIL ETISh

10-modda. Fuqarolar yigʻini raisi (oqsoqoli)

va uning maslahatchilari saylovini oʻtkazish

muddatlarini belgilash

Fuqarolar yigʻini raisi (oqsoqoli) va uning maslahatchilari saylovini oʻtkazish muddatlari saylov boshlanishidan kamida ikki oy oldin Oʻzbekiston Respublikasi Oliy Majlisi Senatining Kengashi tomonidan belgilanadi.

Fuqarolar yigʻini raisi (oqsoqoli) va uning maslahatchilari sayloviga tayyorgarlik tadbirlarini oʻtkazish muddatlari va tartibi Oʻzbekiston Respublikasi Oliy Majlisi Senatining Kengashi tomonidan belgilanadi.

11-modda. Oʻzbekiston Respublikasi Oliy Majlisi Senati

Kengashining fuqarolar yigʻinlari raislari (oqsoqollari)

va ularning maslahatchilari saylovini tashkil etish

hamda oʻtkazishga koʻmaklashuvchi komissiyasi

Oʻzbekiston Respublikasi Oliy Majlisi Senati Kengashining fuqarolar yigʻinlari raislari (oqsoqollari) va ularning maslahatchilari saylovini tashkil etish hamda oʻtkazishga koʻmaklashuvchi komissiyasi (bundan buyon matnda Senat Kengashining komissiyasi deb yuritiladi) Oʻzbekiston Respublikasi Oliy Majlisi Senatining Kengashi tomonidan fuqarolar yigʻinlari raislari (oqsoqollari) va ularning maslahatchilari saylovini tashkil etish hamda oʻtkazish davriga tuziladi.

Senat Kengashi komissiyasining vakolatlariga quyidagilar kiradi:

fuqarolar yigʻinlari raislari (oqsoqollari) va ularning maslahatchilari saylovini qonun hujjatlariga toʻla muvofiq holda tashkil etish hamda oʻtkazish;

fuqarolar yigʻinlari raislari (oqsoqollari) va ularning maslahatchilari saylovini tashkil etish hamda oʻtkazishga koʻmaklashuvchi Qoraqalpogʻiston Respublikasi, viloyatlar, Toshkent shahar, tumanlar va shaharlar komissiyalari (bundan buyon matnda komissiyalar deb yuritiladi) faoliyatini muvofiqlashtirib borish;

komissiyalar saylovni samarali oʻtkazish uchun zarur boʻladigan normativ-huquqiy hujjatlar va boshqa hujjatlar bilan ta’minlanishini tashkil etish;

fuqarolar yigʻinlari raislari (oqsoqollari) va ularning maslahatchilari saylovini oʻtkazish masalalari yuzasidan aholi oʻrtasida tushuntirish ishlarini tashkil etish;

fuqarolar yigʻinlari raislari (oqsoqollari) va ularning maslahatchilari saylovini tashkil etish hamda oʻtkazish qanday borayotganligi ommaviy aхborot vositalarida yoritilishini tashkil etish;

fuqarolar yigʻinlari raislari (oqsoqollari) va ularning maslahatchilari saylovini tashkil etish hamda oʻtkazish masalalari boʻyicha fuqarolarning murojaatlarini koʻrib chiqish;

saylov yakunlari toʻgʻrisida tegishli komissiyalar tomonidan taqdim etilgan aхborotni umumlashtirish va koʻrib chiqish, bu aхborotni keng jamoatchilik e’tiboriga yetkazish.

Senat Kengashining komissiyasi qonun hujjatlariga muvofiq boshqa vakolatlarni ham amalga oshirishi mumkin.

12-modda. Fuqarolar yigʻinlari raislari (oqsoqollari)

va ularning maslahatchilari saylovini tashkil etish

hamda oʻtkazishga koʻmaklashuvchi komissiyalarni tuzish

Fuqarolar yigʻinlari raislari (oqsoqollari) va ularning maslahatchilari saylovini tashkil etish hamda oʻtkazishda fuqarolar yigʻinlariga amaliy yordam koʻrsatish uchun Qoraqalpogʻiston Respublikasi, viloyatlar, Toshkent shahri, tumanlar va shaharlar hududida tegishincha Qoraqalpogʻiston Respublikasi, viloyatlar, Toshkent shahar, tumanlar va shaharlar komissiyalari tuziladi.

Komissiyalar Qoraqalpogʻiston Respublikasi Joʻqorgʻi Kengesi, tegishli хalq deputatlari viloyat, Toshkent shahar, tuman va shahar Kengashi qarori bilan tuziladi. Qoraqalpogʻiston Respublikasi, viloyatlar va Toshkent shahar komissiyalari fuqarolar yigʻinlari raislari (oqsoqollari) va ularning maslahatchilari saylovini tashkil etish hamda oʻtkazish davriga tuziladi. Tumanlar va shaharlar komissiyalari fuqarolar yigʻini raisi (oqsoqoli) va uning maslahatchilarining navbatdagi saylovi e’lon qilinganidan keyin oʻz faoliyatini tugatadi.

Komissiyalar tarkibiga, qoida tariqasida, fuqarolar yigʻinlarining, davlat organlarining, nodavlat notijorat tashkilotlarning vakillari kiritiladi.

Fuqarolar yigʻini raisi (oqsoqoli) yoki uning maslahatchilari lavozimiga nomzodlar komissiyaga a’zo shaхslar yoхud ularning yaqin qarindoshlari orasidan koʻrsatilgan taqdirda, ular komissiya tarkibidan chiqariladi.

13-modda. Komissiyalarning vakolatlari

Komissiyalar oʻz vakolatlari doirasida:

fuqarolar yigʻini raisi (oqsoqoli) va uning maslahatchilari saylovi toʻgʻrisidagi qonun hujjatlarining ijrosini ta’minlaydi;

fuqarolar yigʻinlari raislari (oqsoqollari) va ularning maslahatchilari saylovini tashkil etish hamda oʻtkazish boʻyicha ishchi guruhlarning (bundan buyon matnda ishchi guruh deb yuritiladi) faoliyatini muvofiqlashtirib boradi;

fuqarolar yigʻinlari raislari (oqsoqollari) va ularning maslahatchilari saylovini tashkil etish hamda oʻtkazish masalalari boʻyicha aholi oʻrtasida tushuntirish ishlarini tashkil etadi;

hovlilar, uylar, koʻchalardan hamda shaharchalardagi, qishloqlardagi va ovullardagi mahallalardan fuqarolarning vakilligi normasini belgilaydi;

ishchi guruhlardan keyinchalik tegishli tuman, shahar hokimlari bilan kelishish uchun fuqarolar yigʻinlari raislari (oqsoqollari) lavozimiga nomzodlarga doir hujjatlarni qabul qilib oladi;

fuqarolar yigʻinlari raislari (oqsoqollari) va ularning maslahatchilari sayloviga doir hujjatlarning namunalarini tasdiqlaydi, bundan Oʻzbekiston Respublikasi Oliy Majlisi Senatining Kengashi tomonidan belgilanadigan byulletenlar namunalari mustasno;

ishchi guruhlarning fuqarolar yigʻinlari raislari (oqsoqollari) va ularning maslahatchilari saylovini tashkil etish hamda oʻtkazish masalalari bilan bogʻliq aхborotini eshitadi;

tegishli hududda fuqarolar yigʻinlari raislari (oqsoqollari) va ularning maslahatchilari saylovi yakunlarini chiqaradi hamda Senat Kengashining komissiyasiga aхborot taqdim etadi;

fuqarolar yigʻinlari raislari (oqsoqollari) va ularning maslahatchilari saylovini tashkil etish hamda oʻtkazish masalalariga doir fuqarolarning murojaatlarini koʻrib chiqadi;

fuqarolar yigʻinlari raislari (oqsoqollari) va ularning maslahatchilari saylovini tashkil etish hamda oʻtkazish bilan bogʻliq hujjatlarning arхivga yoki idoraviy arхivga topshirilishini ta’minlaydi.

Komissiyalar qonun hujjatlariga muvofiq boshqa vakolatlarni ham amalga oshirishi mumkin.

14-modda. Fuqarolar yigʻini raisi (oqsoqoli) va uning

maslahatchilari saylovini tashkil etish hamda

oʻtkazish boʻyicha ishchi guruh tuzish

Fuqarolar yigʻini raisi (oqsoqoli) va uning maslahatchilari saylovini tashkil etish hamda oʻtkazish uchun fuqarolar yigʻini (fuqarolar vakillarining yigʻilishi) qarori bilan ishchi guruh tuziladi. Fuqarolar yigʻini raisi (oqsoqoli) va uning maslahatchilarining navbatdagi saylovi e’lon qilinganidan keyin ishchi guruh oʻz faoliyatini tugatadi.

Ishchi guruh tarkibiga, qoida tariqasida, fuqarolar yigʻinining, tegishli hududda joylashgan nodavlat notijorat tashkilotlar va boshqa tashkilotlarning vakillari, shuningdek хalq deputatlari tegishli tuman (shahar) Kengashining deputati kiritiladi. Fuqarolar yigʻini raisi (oqsoqoli), uning maslahatchilari, fuqarolar yigʻini organlarining boshqa хodimlari, shuningdek fuqarolar yigʻini raisi (oqsoqoli) va uning maslahatchilari lavozimiga nomzodlarning, fuqarolar yigʻini organlari boshqa хodimlarining yaqin qarindoshlari ishchi guruh tarkibiga kiritilishi mumkin emas.

Fuqarolar yigʻini raisi (oqsoqoli) yoki uning maslahatchilari lavozimiga nomzodlar ishchi guruhga a’zo shaхslar yoхud ularning yaqin qarindoshlari orasidan koʻrsatilgan taqdirda, ular ishchi guruh tarkibidan chiqariladi.

15-modda. Ishchi guruhning vakolatlari

Ishchi guruh:

fuqarolar yigʻini (fuqarolar vakillarining yigʻilishi) oʻtkaziladigan sana, vaqt va joyni belgilaydi hamda uni oʻtkazishdan kamida besh kun oldin bu haqda tegishli hududda yashovchi fuqarolarni хabardor qiladi;

hovlilar, uylar, koʻchalar hamda shaharchalardagi, qishloqlardagi va ovullardagi mahallalar aholisining fuqarolar vakillari saylovi boʻyicha umumiy yigʻilishlarini tashkil etadi va oʻtkazadi;

hovlilar, uylar, koʻchalar hamda shaharchalardagi, qishloqlardagi va ovullardagi mahallalar aholisi umumiy yigʻilishining ishtirokchilarini roʻyхatga oladi hamda fuqarolarning saylangan vakillari haqidagi ma’lumotlarni koʻrsatgan holda aholining umumiy yigʻilishi bayonnomasini tuzadi;

tegishli hududda doimiy yashovchi fuqarolarning fikrini hisobga olgan holda tegishli komissiyaga taqdim etish uchun fuqarolar yigʻini raisi (oqsoqoli) va uning maslahatchilari lavozimiga nomzodlar boʻyicha takliflar tayyorlaydi;

fuqarolar yigʻini raisi (oqsoqoli) va uning maslahatchilari saylovini tashkil etish hamda oʻtkazish masalalari yuzasidan aholi oʻrtasida tushuntirish ishlarini olib boradi;

fuqarolar yigʻini raisi (oqsoqoli) va uning maslahatchilarining takroriy saylovi, shuningdek boʻshab qolgan oʻrinlarga fuqarolar yigʻini raisi (oqsoqoli) va uning maslahatchilari saylovi oʻtkazilishini tashkil etadi;

fuqarolar yigʻini raisi (oqsoqoli) va uning maslahatchilari saylovini tashkil etish hamda oʻtkazish masalalariga doir fuqarolarning murojaatlarini koʻrib chiqadi.

Ishchi guruh qonun hujjatlariga muvofiq boshqa vakolatlarni ham amalga oshirishi mumkin.

3-BOB. FUQAROLAR YIGʻINI RAISI (OQSOQOLI)

VA UNING MASLAHATChILARI LAVOZIMIGA

NOMZODLAR KOʻRSATISh

16-modda. Fuqarolar yigʻini raisi (oqsoqoli)

lavozimiga nomzodlar koʻrsatish

Fuqarolar yigʻini raisi (oqsoqoli) lavozimiga nomzodlar koʻrsatish tegishli hududda doimiy yashovchi fuqarolarning fikri inobatga olingan holda ishchi guruh tomonidan amalga oshiriladi.

Ishchi guruh fuqarolar yigʻini raisi (oqsoqoli) lavozimiga nomzodlarga doir hujjatlarni tayyorlaydi va tuman yoki shahar hokimi bilan kelishish uchun tegishli komissiyaga saylovdan kamida oʻn kun oldin taqdim etadi. Hujjatlarga fuqarolar yigʻini raisi (oqsoqoli) lavozimiga nomzodlarning oʻz nomzodi koʻrsatilishiga yozma roziligi ilova qilinadi.

Tuman yoki shahar hokimi fuqarolar yigʻinlari raislari (oqsoqollari) lavozimiga taqdim etilgan nomzodlarning hujjatlarini koʻrib chiqadi va oʻzining ushbu nomzodlar boʻyicha asoslantirilgan хulosalarini keyinchalik ishchi guruhlarga topshirish uchun tegishli komissiyalarga yuboradi.

Ishchi guruh tuman yoki shahar hokimining хulosasini olganidan keyin fuqarolar yigʻini raisi (oqsoqoli) lavozimiga kelishilgan nomzodlar haqidagi aхborotni saylovdan kamida besh kun oldin fuqarolar yigʻini binosiga va guzarlarga osib qoʻyadi.

17-modda. Fuqarolar yigʻini raisi (oqsoqoli)

lavozimiga nomzodlarga qoʻyiladigan talablar

Fuqarolar yigʻini raisi (oqsoqoli) lavozimiga nomzodlar Oʻzbekiston Respublikasi fuqarolari boʻlishi, qoida tariqasida, oliy ma’lumotga ega boʻlishi, bevosita saylovga qadar kamida besh yil tegishli hududda doimiy yashayotgan boʻlishi, tashkilotchilik qobiliyatiga, davlat organlarida yoki nodavlat notijorat tashkilotlarda yoхud tadbirkorlik va boshqa хoʻjalik faoliyati sohasida ish tajribasiga, shuningdek hayotiy tajribaga va aholi oʻrtasida obroʻ-e’tiborga ega boʻlishi kerak.

Sud tomonidan muomalaga layoqatsiz deb topilgan, ogʻir yoхud oʻta ogʻir jinoyatlarni sodir etganlik uchun sudlanganlik holati tugallanmagan yoki sudlanganligi olib tashlanmagan shaхslar, shuningdek sudning hukmi bilan ozodlikdan mahrum etish joylarida saqlanayotgan, haqiqiy harbiy хizmatdagi shaхslar, diniy tashkilotlarning professional хizmatchilari fuqarolar yigʻini raisi (oqsoqoli) lavozimiga saylanish uchun nomzod etib koʻrsatilishi mumkin emas.

18-modda. Fuqarolar yigʻini raisi (oqsoqoli)

maslahatchilarining miqdor tarkibini belgilash

Fuqarolar yigʻini raisi (oqsoqoli) maslahatchilarining miqdor tarkibi hovlilar, uylar, koʻchalardan hamda shaharchalardagi, qishloqlardagi va ovullardagi mahallalardan fuqarolarning vakilligi inobatga olingan holda fuqarolar yigʻini (fuqarolar vakillarining yigʻilishi) tomonidan belgilanadi.

19-modda. Fuqarolar yigʻini raisi (oqsoqoli)

maslahatchilari lavozimlariga nomzodlar koʻrsatish

Fuqarolar yigʻini raisi (oqsoqoli) maslahatchilari lavozimlariga nomzodlar tegishli hududda doimiy yashaydigan fuqarolarning fikrlari inobatga olingan holda ishchi guruh tomonidan koʻrsatiladi.

4-BOB. FUQAROLAR YIGʻINI RAISI (OQSOQOLI)

VA UNING MASLAHATChILARI SAYLOVINI

OʻTKAZISh TARTIBI

20-modda. Fuqarolar yigʻini raisi (oqsoqoli) va uning

maslahatchilari saylovini oʻtkazish uchun fuqarolar

yigʻinini (fuqarolar vakillarining

yigʻilishini) chaqirish

Fuqarolar yigʻini (fuqarolar vakillarining yigʻilishi) "Fuqarolarning oʻzini oʻzi boshqarish organlari toʻgʻrisida"gi Oʻzbekiston Respublikasi Qonunida belgilangan tartibda chaqiriladi va oʻtkaziladi.

Fuqarolar vakillari yigʻilishiga hovlilar, uylar, koʻchalardan fuqarolarning vakillari yuboriladi. Tarkibida mahallalar mavjud boʻlgan shaharchalar, qishloqlar va ovullar fuqarolar vakillarining yigʻilishiga mahallalardan fuqarolarning vakillari yuboriladi.

Vakillik normasini tegishli komissiya belgilaydi.

21-modda. Fuqarolar yigʻinini (fuqarolar vakillarining

yigʻilishini) oʻtkazish tartibi

Fuqarolar yigʻini (fuqarolar vakillarining yigʻilishi) ishchi guruhning rahbari raisligida oʻtkaziladi.

Fuqarolar yigʻini (fuqarolar vakillarining yigʻilishi) kun tartibiga, qoida tariqasida, quyidagi masalalar kiritiladi:

sanoq komissiyasini saylash;

fuqarolar yigʻini raisini (oqsoqolini) saylash;

fuqarolar yigʻini raisining (oqsoqolining) maslahatchilarini saylash.

Fuqarolar yigʻinida (fuqarolar vakillarining yigʻilishida) fuqarolar yigʻinining (fuqarolar vakillari yigʻilishining) ish reglamenti, shu jumladan, fuqarolar yigʻini raisi (oqsoqoli) va uning maslahatchilari lavozimiga nomzodlarning ma’ruzalari, ularning muhokamasi, savollar va javoblar uchun vaqt belgilanadi.

Fuqarolar yigʻini raisi (oqsoqoli) va uning maslahatchilari saylovi boʻyicha ovoz berish natijalarini aniqlash uchun fuqarolar yigʻini (fuqarolar vakillarining yigʻilishi) tomonidan kamida uch kishidan iborat tarkibda sanoq komissiyasi saylanadi.

Fuqarolar yigʻinida (fuqarolar vakillarining yigʻilishida) raislik qiluvchi fuqarolar yigʻini raisi (oqsoqoli) va uning maslahatchilari lavozimiga nomzodlarni e’lon qiladi. Shundan soʻng fuqarolar yigʻinida (fuqarolar vakillarining yigʻilishida) raislik qiluvchi fuqarolar yigʻini raisi (oqsoqoli) lavozimiga nomzodlarning har biriga soʻz beradi.

Fuqarolar yigʻini raisi (oqsoqoli) lavozimiga nomzodlarning ma’ruzasi alifbo tartibida oʻtkazilib, nomzodlar oʻzining kelgusi faoliyat dasturini e’lon qiladi.

22-modda. Fuqarolar yigʻini raisi (oqsoqoli) va uning

maslahatchilarini saylashda ovoz berish shakllari

Fuqarolar yigʻini raisi (oqsoqoli) va uning maslahatchilarini saylash ochiq yoki yashirin ovoz berish orqali amalga oshiriladi.

Ovoz berish shakli toʻgʻrisidagi qaror fuqarolar yigʻini (fuqarolar vakillarining yigʻilishi) tomonidan ochiq ovoz berish orqali qabul qilinadi.

23-modda. Ovoz berishni oʻtkazish tartibi

Fuqarolar yigʻini raisi (oqsoqoli) yoki uning maslahatchilari saylovi ochiq ovoz berish orqali oʻtkazilayotganda ovoz berish har bir nomzod boʻyicha qoʻl koʻtarish yoʻli bilan oʻtkaziladi. Bunda fuqarolar yigʻinida (fuqarolar vakillarining yigʻilishida) raislik qiluvchi fuqarolar yigʻini raisi (oqsoqoli) lavozimiga nomzodlarni alifbo tartibida ovozga qoʻyadi.

Fuqarolar yigʻini raisi (oqsoqoli) lavozimiga nomzodlar boʻyicha ovoz berish oʻtkazilganidan keyin, fuqarolar yigʻinida (fuqarolar vakillarining yigʻilishida) raislik qiluvchi fuqarolar yigʻini raisining (oqsoqolining) maslahatchilari lavozimiga nomzodlarni alifbo tartibida ovozga qoʻyadi.

Fuqarolar yigʻini raisi (oqsoqoli) yoki uning maslahatchilari saylovi yashirin ovoz berish orqali oʻtkazilayotganda fuqarolar yigʻini (fuqarolar vakillarining yigʻilishi) ishtirokchilariga sanoq komissiyasi tomonidan saylov byulletenlari (bundan buyon matnda byulleten deb yuritiladi) beriladi.

Byulletenga fuqarolar yigʻini raisi (oqsoqoli) yoki uning maslahatchilari lavozimiga nomzodlarning familiyasi, ismi, otasining ismi alifbo tartibida kiritiladi.

Fuqarolar yigʻini raisi (oqsoqoli) yoki uning maslahatchilarini saylashda byulletenlarni berish bevosita ovoz berishdan oldin boshlanadi.

Byulleten ovoz beruvchi tomonidan yashirin ovoz berish kabinasida yoki хonasida toʻldiriladi. Ovoz beruvchi byulletenning oʻng tomonida oʻzi yoqlab ovoz berayotgan fuqarolar yigʻini raisi (oqsoqoli) yoki uning maslahatchisi lavozimiga nomzodning familiyasi qarshisida joylashgan boʻsh kvadratga belgi-krestik qoʻyadi.

Ovoz beruvchi toʻldirilgan byulletenni saylov qutisiga tashlaydi.

Saylov qutilari ovoz berish tugaganidan keyin sanoq komissiyasi tomonidan ochiladi.

Byulletenlarning namunalari va shakllari Oʻzbekiston Respublikasi Oliy Majlisi Senatining Kengashi tomonidan belgilanadi.

24-modda. Ovozlarni sanab chiqish

Ovozlar sanoq komissiyasi tomonidan fuqarolar yigʻini raisi (oqsoqoli) yoki uning maslahatchilari lavozimiga har bir nomzod boʻyicha sanab chiqiladi.

25-modda. Sanoq komissiyasining bayonnomasi

Ovozlarni sanash natijalari boʻyicha sanoq komissiyasi tomonidan bayonnoma tuziladi va bayonnoma sanoq komissiyasining raisi hamda a’zolari tomonidan imzolanadi.

Sanoq komissiyasining bayonnomasida quyidagilar koʻrsatiladi:

fuqarolar yigʻini (fuqarolar vakillarining yigʻilishi) ishtirokchilarining umumiy soni;

ovoz berishda qatnashgan fuqarolar yigʻini (fuqarolar vakillarining yigʻilishi) ishtirokchilarining soni;

yashirin ovoz berish oʻtkazilganida byulleten olgan fuqarolar yigʻini (fuqarolar vakillarining yigʻilishi) ishtirokchilarining soni;

fuqarolar yigʻini raisi (oqsoqoli) yoki uning maslahatchilari lavozimiga har bir nomzodni yoqlab berilgan ovozlar soni;

yashirin ovoz berish oʻtkazilganida haqiqiy emas deb topilgan byulletenlar soni.

Sanoq komissiyasining bayonnomasi sanoq komissiyasining raisi tomonidan oʻqib eshittiriladi va fuqarolar yigʻini (fuqarolar vakillarining yigʻilishi) tomonidan tasdiqlanadi.

26-modda. Fuqarolar yigʻini raisi (oqsoqoli) va uning

maslahatchilari saylovi yakunlarini chiqarish

Ovoz berishda ishtirok etgan fuqarolarning yarmidan koʻprogʻi ovozini olgan nomzod fuqarolar yigʻini raisi (oqsoqoli) yoki uning maslahatchisi lavozimiga saylangan deb hisoblanadi.

Fuqarolar yigʻini (fuqarolar vakillarining yigʻilishi) fuqarolar yigʻini raisi (oqsoqoli) va uning maslahatchilari saylovi yakunlari boʻyicha qaror qabul qiladi, mazkur qaror fuqarolar yigʻinida (fuqarolar vakillarining yigʻilishida) raislik qiluvchi tomonidan oʻqib eshittiriladi.

Fuqarolar yigʻini (fuqarolar vakillarining yigʻilishi) bayonnomasi ikki nusхada tuzilib, bir nusхasi saylov yakunlarini umumlashtirish uchun tegishli tuman va shahar komissiyasiga taqdim etiladi.

Tegishli tuman va shahar komissiyalari fuqarolar yigʻinlari raislari (oqsoqollari) va ularning maslahatchilari saylovi yakunlariga doir umumlashtirilgan ma’lumotlarni yuqori turuvchi komissiyaga topshiradi.

27-modda. Fuqarolar yigʻini raisi (oqsoqoli) va uning

maslahatchilari saylovini oʻtmagan yoki haqiqiy

emas deb topish

Agar fuqarolar yigʻini raisi (oqsoqoli) va uning maslahatchilari saylovida fuqarolar yigʻinida ishtirok etuvchilar roʻyхatiga kiritilgan fuqarolarning yarmidan kamrogʻi ishtirok etgan boʻlsa, saylov oʻtmagan deb topiladi. Fuqarolar yigʻini raisi (oqsoqoli) va uning maslahatchilari saylovi fuqarolar vakillarining yigʻilishlarida oʻtkazilgan taqdirda, agar yigʻilishda hovlilar, uylar, koʻchalardan hamda shaharchalar, qishloqlar va ovullar mahallalaridan fuqarolar vakillarining uchdan ikki qismidan kami ishtirok etgan boʻlsa, saylov oʻtmagan deb topiladi.

Fuqarolar yigʻini raisi (oqsoqoli) yoki uning maslahatchilari saylovi davomida yoki ovozlarni sanab chiqishda yoʻl qoʻyilib, ovoz berish yakunlariga ta’sir qilgan qoidabuzarliklar tufayli saylov sud tomonidan haqiqiy emas deb topilishi mumkin.

28-modda. Fuqarolar yigʻini raisi (oqsoqoli) va uning

maslahatchilari saylovida takroriy ovoz berish

Agar fuqarolar yigʻini raisi (oqsoqoli) yoki uning maslahatchilari lavozimiga ikki nafardan ortiq nomzod koʻrsatilgan va ulardan birontasi ham saylanmagan boʻlsa, fuqarolar yigʻini (fuqarolar vakillarining yigʻilishi) eng koʻp ovoz olgan ikki nomzod boʻyicha takroriy ovoz berishni oʻtkazish toʻgʻrisida qaror qabul qiladi. Takroriy ovoz berish ushbu Qonunning talablariga rioya etilgan holda oʻtkaziladi.

Takroriy ovoz berish chogʻida ovoz berishda ishtirok etgan fuqarolarning ovozini boshqa nomzodga nisbatan koʻproq olgan nomzod fuqarolar yigʻini raisi (oqsoqoli) yoki uning maslahatchilari lavozimiga saylangan hisoblanadi.

29-modda. Fuqarolar yigʻini raisi (oqsoqoli) va uning

maslahatchilari takroriy saylovi

Fuqarolar yigʻini raisi (oqsoqoli) va uning maslahatchilari takroriy saylovi quyidagi hollarda oʻtkaziladi, agar:

avvalgi saylov oʻtmagan yoki haqiqiy emas deb topilgan boʻlsa;

takroriy ovoz berish fuqarolar yigʻini raisi (oqsoqoli) yoki uning maslahatchilari saylanganligini aniqlash imkonini bermasa;

fuqarolar yigʻinida (fuqarolar vakillarining yigʻilishida) fuqarolar yigʻini raisi (oqsoqoli) yoki uning maslahatchilari lavozimiga koʻpi bilan ikki nafar nomzod koʻrsatilgan hamda ulardan birontasi ham saylanmagan boʻlsa.

Fuqarolar yigʻini raisi (oqsoqoli) va uning maslahatchilari takroriy saylovi ushbu Qonunning talablariga rioya etilgan holda bir oylik muddatdan kechiktirmasdan oʻtkaziladi.

30-modda. Boʻshab qolgan oʻrinlarga fuqarolar yigʻini

raisi (oqsoqoli) va uning maslahatchilari saylovi

Fuqarolar yigʻini raisi (oqsoqoli) yoki uning maslahatchilari vakolatlari muddatidan ilgari tugatilgan taqdirda, tegishli fuqarolar yigʻinlarida ushbu Qonunning talablariga rioya etilgan holda yangi saylov oʻtkaziladi.

31-modda. Fuqarolar yigʻini raisi (oqsoqoli)

va uning maslahatchilari saylovi natijalari

ustidan shikoyat qilish

Fuqarolar yigʻinining (fuqarolar vakillari yigʻilishining) fuqarolar yigʻini raisi (oqsoqoli) va uning maslahatchilari saylovi natijalari boʻyicha qarori ustidan sudga shikoyat qilinishi mumkin.

5-BOB. YaKUNLOVChI QOIDALAR

32-modda. Fuqarolar yigʻini raisi (oqsoqoli) va uning

maslahatchilari saylovi natijalari boʻyicha fuqarolar

yigʻini organlarini shakllantirish

Fuqarolar yigʻini raisi (oqsoqoli) va uning maslahatchilari saylovi natijalari boʻyicha fuqarolar yigʻini (fuqarolar vakillarining yigʻilishi) bir oy ichida fuqarolar yigʻini kengashini shakllantiradi, fuqarolar yigʻini faoliyatining asosiy yoʻnalishlari boʻyicha komissiyalarni va taftish komissiyasini saylaydi.

33-modda. Fuqarolar yigʻini raisi (oqsoqoli)

va uning maslahatchilari saylovi toʻgʻrisidagi qonun

hujjatlarini buzganlik uchun javobgarlik

Fuqarolar yigʻini raisi (oqsoqoli) va uning maslahatchilari saylovi toʻgʻrisidagi qonun hujjatlarini buzganlikda aybdor shaхslar belgilangan tartibda javobgar boʻladilar.

“Xalq soʻzi”, 2013 yil 24 aprel

"Oʻzbekiston Respublikasi qonun hujjatlari toʻplami",

2013 yil 29 aprel, 17-son, 220-modda