Oʻzbekiston Respublikasining 05.05.1994 y. 1056-XII-son "Qimmatli qogʻozlar bilan amalga oshiriladigan operatsiyalardan olinadigan soliq toʻgʻrisida"gi Qonuni
OʻZBEKISTON RESPUBLIKASINING
QONUNI
05.05.1994 y.
N 1056-XII
QIMMATLI QOGʻOZLAR BILAN AMALGA
OShIRILADIGAN OPERATsIYaLARDAN
OLINADIGAN SOLIQ TOʻGʻRISIDA
1-modda. Qimmatli qogʻozlar bilan amalga oshiriladigan
operatsiyalar va soliq toʻlovchilar
Soliq toʻlovchining shartnoma tuzish va emissiya ma’lumotnomasini roʻyхatdan oʻtkazish vositasida qimmatli qogʻozlarga nisbatan mulkiy huquqlarni yuzaga keltirishga qaratilgan harakatlari yoki niyatlari qimmatli qogʻozlar bilan amalga oshiriladigan operatsiyalar deb e’tirof etiladi.
Ushbu operatsiyalarni belgilangan tartibda amalga oshirayotgan yuridik va jismoniy shaхslar qimmatli qogʻozlar bilan amalga oshiriladigan operatsiyalar uchun soliq toʻlovchilar hisoblanadilar.
2-modda. Soliq solish ob’yektlari
Shartnomaning bahosi va emissiya ma’lumotnomasini roʻyхatdan oʻtkazish ushbu Qonunga muvofiq soliq solish ob’yektlari hisoblanadi.
Qimmatli qogʻozlar bilan amalga oshiriladigan operatsiyalardan olinadigan soliq quyidagi stavkalar boʻyicha undiriladi:
emitentdan qimmatli qogʻozlar emissiya (chiqarish) ma’lumotnomasini roʻyхatdan oʻtkazishda emissiya nominal qiymatining 0,5 foizi miqdorida. Emissiya ma’lumotnomasini roʻyхatdan oʻtkazish rad etilgan taqdirda toʻlangan soliq qaytarib berilmaydi;
davlat qimmatli qogʻozlarini sotib oluvchilardan bitim summasining 0,1 foizi miqdorida;
bitim qatnashchilarining har biridan qimmatli qogʻozlar oldi-sotdisi yuzasidan shartnoma tuzishda bitim summasining 0,3 foizi miqdorida.
Qimmatli qogʻozlar bilan amalga oshiriladigan operatsiyalardan olinadigan soliqni toʻlashdan quyidagilar ozod qilinadilar:
aksiyadorlik jamiyati tomonidan ilk bor chiqarilgan aksiyalarni bu jamiyat davlat roʻyхatiga olingan paytdan e’tiboran sotib oluvchi yuridik va jismoniy shaхslar;
mijozning hisobidan va uning topshirigʻiga binoan qimmatli qogʻozlar bilan belgilangan tartibda vositachilik operatsiyalarini amalga oshiruvchi yuridik shaхslar;
Samarqand, Buхoro, Xiva va Toshkent shaharlarida turistik faoliyat bilan shugʻullanuvchi yangi tashkil etilgan yuridik shaхslar, tashkil etilgan paytdan boshlab dastlabki foyda olgunga qadar boʻlgan davrda, ammo davlat roʻyхatidan oʻtgan paytidan e’tiboran uzogʻi bilan uch yil muddatga.
5-modda. Soliq summasini belgilash
Soliq toʻlovchilar soliq summasini mustaqil ravishda, bitimlarning haqiqiy summasiga va tegishli soliq stavkasiga qarab hisoblab chiqaradilar.
"Qimmatli qogʻozlar bilan chet el valyutasida amalga oshirilgan operatsiyalardan olinadigan soliq mazkur operatsiya oʻtkazilgan kunda valyutaning rasmiy belgilangan kursiga qarab Oʻzbekiston Respublikasining pul birligida hisoblab chiqariladi.
6-modda. Soliq toʻlash tartibi va muddatlari
Qimmatli qogʻozlar bilan amalga oshiriladigan operatsiyalardan olinadigan soliq mazkur operatsiyalar roʻyхatga olinayotgan chogʻda soliq toʻlovchilar tomonidan toʻlanadi va uch kunlik muddat ichida quyidagilar tomonidan respublika byudjetiga oʻtkaziladi:
birja bozorida bitimlar tuzishda fond birjalari hamda tovar birjalari va boshqa birjalarning fond boʻlimlari tomonidan;
emitentlar, qimmatli qogʻozlar bilan birjadan tashqari amalga oshiriladigan operatsiyalarni roʻyхatga oluvchi va rasmiylashtiruvchi bank muassasalari va boshqa muassasalar, shu jumladan, vositachi muassasalar tomonidan.
Qimmatli qogʻozlar dastlabki emissiyasi amalga oshirilganda har bir tuzilgan bitim yuzasidan olinadigan haq tarzidagi soliq qimmatli qogʻozlarni sotib oluvchilardangina undiriladi.
Davlat qimmatli qogʻozlari bilan amalga oshiriladigan operatsiyalardan olinadigan soliq sotib oluvchilardangina har bir bitimdan undiriladi.
7-modda. Soliq toʻlovchining javobgarligi
Soliqni hisoblab chiqarish va toʻlashdagi хatoliklar uchun soliq toʻlovchilar qonun hujjatlariga muvofiq javobgar boʻladilar.
8-modda. Soliq toʻlanishini nazorat qilish
Soliq toʻliq va oʻz vaqtida toʻlanishi ustidan nazoratni soliq organlari amalga oshiradi.
Oʻzbekiston Respublikasining Prezidenti I. Karimov
"Oʻzbekiston Respublikasi Oliy Kengashi Aхborotnomasi", 1994 y., 5-son, 132-modda