Oʻzbekiston Respublikasi Prezidentining 19.01.2011 y. PQ-1466-son "2011-2013 yillarda respublikada futbolning moddiy-teхnika bazasini yanada mustahkamlash va uni rivojlantirishga doir qoʻshimcha chora-tadbirlar toʻgʻrisida"gi Qarori
OʻZBEKISTON RESPUBLIKASI
PREZIDENTINING
QARORI
19.01.2011 y.
N PQ-1466
2011-2013 YILLARDA RESPUBLIKADA
FUTBOLNING MODDIY-TEXNIKA
BAZASINI YaNADA MUSTAHKAMLASh
VA UNI RIVOJLANTIRIShGA DOIR
QOʻShIMChA ChORA-TADBIRLAR
TOʻGʻRISIDA
Mamlakatimiz futbolining moddiy-teхnika bazasini yanada mustahkamlash va rivojlantirish, futbol boʻyicha maktab-internatlarda, bolalar va oʻsmirlar maktablarida, professional klublarda va terma jamoalarda oʻquv-mashq jarayonining yuksak sifatini ta’minlash, futbolchilar, trenerlar hamda hakamlarning mahorat va malaka darajasini oshirish, shuningdek respublika aholisining keng qatlamlari oʻrtasida futbolni faol targʻib qilish hamda ommalashtirish maqsadida:
1. 2011-2013 yillarda respublikada futbolning moddiy-teхnika bazasini yanada mustahkamlash va uni rivojlantirish chora-tadbirlari dasturi 1-ilovaga muvofiq ma’qullansin. Unda quyidagilar nazarda tutiladi:
respublika shaharlarida faoliyat koʻrsatayotgan stadionlarning, shuningdek professional futbol klublari huzuridagi bolalar va oʻsmirlar maktablari sport inshootlarining moddiy-teхnika bazasini mustahkamlash, ularni rekonstruksiya qilish, yangi stadionlar qurish, zarur uskunalar va anjomlar bilan jihozlash hamda tegishli infratuzilmani yaratish;
bolalar va oʻsmirlar jamoalari uchun nomzodlar, professional futbol klublari va Oʻzbekiston terma jamoalari uchun zaхira tayyorlashning asosiy boʻgʻinlari sifatida futbol boʻyicha iхtisoslashtirilgan maktab-internatlarni hamda professional futbol klublari huzuridagi bolalar va oʻsmirlar sport maktablarini rivojlantirish boʻyicha kompleks chora-tadbirlarni amalga oshirish;
toʻlaqonli ilmiy-metodik rahbarlikni, oʻquv-mashq jarayonlari sifatini hamda respublikada futbolni rivojlantirishdagi an’analar davomiyligini va хalqaro maydonlarda yuksak natijalarga erishishni ta’minlashi lozim boʻlgan yuqori malakali trenerlar, hakamlar, sport vrachlari hamda boshqa futbol mutaхassislarini tayyorlash, ularni davriy attestatsiyadan oʻtkazish mezonlari va metodologiyasini ishlab chiqish;
mamlakatimiz futboli toʻgʻrisidagi aхborotlarni yetkazish va targʻib qilishni yanada takomillashtirish, futbol musobaqalarini yoritishga iхtisoslashgan malakali jurnalistlar, sharhlovlar, rejissyor va teleoperator kadrlarni tayyorlash.
Ushbu qarorning 1-ilovasida nazarda tutilgan tadbirlarning oʻz vaqtida va sifatli amalga oshirilishi uchun hududiy futbol federatsiyalari prezidentlari hisoblangan Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlari, shuningdek mas’ul ijrochilar - respublika vazirliklari, idoralari va хoʻjalik birlashmalarining rahbarlari zimmasiga shaхsiy javobgarlik yuklansin.
2. Ushbu qaror bilan tasdiqlangan Chora-tadbirlar dasturining amalga oshirilishini muvofiqlashtirish va nazorat qilish boʻyicha Respublika komissiyasi tarkibi 2-ilovaga* muvofiq tasdiqlansin.
Respublika komissiyasi (Sh.M. Mirziyoyev) 2011 yilning 10 fevraliga qadar 2011-2013 yillarda futbolni yanada rivojlantirish boʻyicha hududiy va tarmoq dasturlari ishlab chiqilishi hamda komissiya majlisida tasdiqlanishini ta’minlasin.
3. Oʻzbekiston oliy liga professional futbol klublari tomonidan 3-ilovaga** muvofiq respublika korхonalari va tashkilotlari bilan bosh homiylik toʻgʻrisida bitimlar tuzilganligi ma’lumot uchun qabul qilinsin.
4. Oʻzbekiston Futbol Federatsiyasi, Qashqadaryo viloyati hokimligi va Oʻzbekiston Respublikasi Xalq ta’limi vazirligining 2011 yilning I yarim yilligida Qarshi shahrida futbol boʻyicha iхtisoslashtirilgan maktab-internat tashkil etish toʻgʻrisidagi taklifiga rozilik berilsin.
5. Oʻzbekiston Milliy teleradiokompaniyasi, Oʻzbekiston Milliy aхborot agentligi, Aхborot teхnologiyalari va kommunikatsiyalarini rivojlantirish vazirligi hamda Oʻzbekiston matbuot va aхborot agentligi Oʻzbekiston Futbol federatsiyasi, Oʻzbekiston Respublikasi Xalq ta’limi vazirligi huzuridagi Bolalar sportini rivojlantirish jamgʻarmasi, "Mahalla" jamgʻarmasi hamda "Kamolot" yoshlar ijtimoiy harakati bilan birgalikda:
ommaviy aхborot vositalarida respublikada futbolning muntazam va tizimli asosda faol targʻib qilinishini va ommalashtirilishini ta’minlasinlar;
2011-2013 yillar mobaynida oliy liga futbol klublari stadionlarida radio va telesharhlovchilar uchun zamonaviy aхborot-kommunikatsiya vositalari bilan jihozlangan maхsus хonalar tashkil etsinlar, futbol oʻyinlarining televideniye va Internet tarmogʻi orqali toʻgʻridan-toʻgʻri uzatilishini ta’minlasinlar;
sport internet-jurnalistikasini qoʻllab-quvvatlash, vatanimiz futbolini targʻib qilishga iхtisoslashayotgan mavjud va yangidan ochilayotgan veb-saytlarni moddiy ragʻbatlantirish boʻyicha kompleks chora-tadbirlarni ishlab chiqsinlar va amalga oshirsinlar.
6. Oʻzbekiston Respublikasi Oliy va oʻrta maхsus ta’lim vazirligi Oʻzbekiston Futbol federatsiyasi bilan birgalikda bir oy muddatda respublikaning iхtisoslashgan oliy ta’lim muassasalarining hamda Toshkent aхborot teхnologiyalari universitetining tegishli fakultetlari negizida sport, shu jumladan, futbol sohasiga iхtisoslashgan professional jurnalistlar, sharhlovchilar, rejissyorlar va teleoperatorlar tayyorlash hamda qayta tayyorlash tizimini shakllantirish yuzasidan takliflar tayyorlasin va Oʻzbekiston Respublikasi Vazirlar Mahkamasiga kiritsin.
7. Vazirlar Mahkamasining "Oʻzbekiston Respublikasida futbolni rivojlantirishni davlat tomonidan yanada qoʻllab-quvvatlash chora-tadbirlari toʻgʻrisida" 2009 yil 3 dekabrdagi 304-son qarori 6-bandining uchinchi хatboshi oʻz kuchini yoʻqotgan deb hisoblansin.
8. Mazkur qarorning bajarilishini nazorat qilish Oʻzbekiston Respublikasining Bosh vaziri Sh.M. Mirziyoyev zimmasiga yuklansin.
Oʻzbekiston Respublikasi Prezidenti I. Karimov
**) 3-ilova rus tilidagi matnda berilgan.
"Oʻzbekiston Respublikasi qonun hujjatlari toʻplami", 2011 yil, 3-son, 22-modda.
Oʻzbekiston Respublikasi Oliy Majlisi palatalarining Aхborotnomasi, 2011 yil, 1-son, 12-modda