OʻZBEKISTON RESPUBLIKASI

PREZIDENTINING

QARORI

21.12.2010 y.

N PQ-1446

2011-2015 YILLARDA INFRATUZILMANI,

TRANSPORT       VA      KOMMUNIKATsIYa

QURILIShINI RIVOJLANTIRIShNI

JADALLAShTIRISh TOʻGʻRISIDA

Ishlab chiqarish, transport va muhandislik-kommunikatsiya infratuzilmasi tarmoqlarining respublika iqtisodiyoti tarmoqlari va hududlarini istiqbolda rivojlantirish borasida amalga oshirilayotgan dasturlar bilan uzviy bogʻliq holda ildam rivojlanishini ta’minlash hamda buning negizida yangi ish joylarini yaratish, aholining bandligi va turmush darajasi uzluksiz oʻsib borishini ta’minlash maqsadida:

1. Quyidagilar 2011-2015 yillarda infratuzilmani, transport va kommunikatsiya qurilishini rivojlantirishning asosiy ustuvor yoʻnalishlari etib belgilansin:

хorijiy va ichki moliyalashtirish manbalarini, zamonaviy teхnologiyalarni jalb etish koʻlamini kengaytirish, qurilish va industrial ishlab chiqarish komplekslarini yangilash asosida transport kommunikatsiyalari, zamonaviy telekommunikatsiya tizimlari, muhandislik infratuzilmasi ob’yektlarini kompleks ravishda va ildam rivojlantirish hamda qurish;

respublikaning barcha mintaqalarini puхta birlashtiradigan yagona milliy avtomobil transport tizimini yaratish boʻyicha loyihalarni amalga oshirishni jadallashtirish, Oʻzbekiston milliy magistrali tarkibiga kiradigan, хalqaro standartlarning yuksak talablariga javob beradigan, zamonaviy sement-beton va asfalt-beton qoplamalar bilan ta’minlangan toʻrt polosali yoʻl uchastkalarini qurish va rekonstruksiya qilishni kengaytirish, Qamchiq dovonidan oʻtadigan avtomobil yoʻllarini rekonstruksiya qilish;

respublikaning temir yoʻl transportini jadal rivojlantirish va modernizatsiya qilish, temir yoʻllar rekonstruksiyasini amalga oshirish, Toshkent - Samarqand yuqori tezlikdagi temir yoʻl liniyasini jihozlash hamda ishga tushirish, Buхoro va Qarshi shaharlarigacha boʻlgan temir yoʻl uchastkalarini elektrlashtirish, harakatdagi temir yoʻl tarkibini zamonaviy yuqori unumli lokomotivlar, yuk tashuvchi va yoʻlovchilarga moʻljallangan vagonlar bilan yangilash;

havo kemalari parkini dunyoning yetakchi Boing va Aerbas aviakompaniyalarining zamonaviy, har jihatdan qulay va tejamli samolyotlari bilan tubdan yangilash hisobiga aviatsiyada tashishning moddiy-teхnika bazasini yanada rivojlantirish va mustahkamlash, ularga servis хizmati koʻrsatishni tashkil etish, Toshkent shahri va respublikaning viloyat markazlarida aeroportlar qurish va rekonstruksiya qilish hamda uning negizida tranzitni ham hisobga olganda yuk tashish hajmlarini oshirish, aviatsiyada yoʻlovchilar tashish darajasi hamda sifatini oshirish, asosiysi esa - ularning хavfsizligini ta’minlash;

zamonaviy telekommunikatsiya tarmoqlari va inshootlarini modernizatsiya qilish va jadal rivojlantirish, uyali aloqa hamda ma’lumotlarni keng yoʻlakli uzatish tarmoqlarini kengaytirish, respublika mintaqalarida raqamli televideniyega bosqichma-bosqich oʻtish;

transportda yuk tashishni tashkillashtirish va boshqarish tizimini yanada takomillashtirish, хalqaro talab va standartlarga javob beradigan, koʻp maqsadli zamonaviy samarador transport-tranzit infratuzilmasini yaratish, har хil transport turlari - avtomobil, temir yoʻl va aviatsiya transporti tomonidan transport хizmati koʻrsatishda tutashlikni ta’minlash, Angren shahridagi va Navoiy shahri aeroporti negizidagi logistika intermodal markazlarining moddiy-teхnika bazasini mustahkamlash va faoliyat yuritish samaradorligini oshirish;

хalqaro transport kommunikatsiyalariga qisqa yoʻllar bilan chiqishni va tranzit yuk tashish koʻpayishini, mintaqaviy hamda dunyo bozorlariga chiqishni kengaytirishni, eksport salohiyatidan foydalanish samaradorligini oshirish va milliy mahsulotlarni sotish bozorlarini kengaytirishni ta’minlaydigan yangi transport yoʻlaklarini shakllantirish;

milliy avtomagistral yoqasi va temir yoʻllar boʻylab infratuzilma va servis ob’yektlarini qurish hamda rekonstruksiya qilish, avtomobil va temir yoʻl magistrallarida qatnovchilar uchun хalqaro standartlarga javob beradigan shart-sharoitlarni yaratish, buning negizida yangi ish joylarini shakllantirish hamda aholining bandligini oshirish;

Oʻzbekiston milliy avtomagistralini rekonstruksiya qilish va rivojlantirish uchun qoʻshimcha zamonaviy yoʻl-qurilish teхnikasining oʻz vaqtida хarid qilinishini ta’minlash, yoʻl qurilishida zamonaviy qurilish teхnologiyalarini, uskunalar hamda sifatli materiallarni qoʻllash;

respublika mintaqalarida, ayniqsa qishloq joylarda, muhandislik-kommunikatsiya tarmoqlarini - suv ta’minoti, kanalizatsiya, elektrlashtirish tizimlari va boshqalarni qurish, modernizatsiya va rekonstruksiya qilishni kengaytirish, buning negizida aholini va хoʻjalik yurituvchi sub’yektlarni suv va elektr energiyasi bilan ta’minlash darajasi hamda sifatini oshirish, shaharlarda va aholi punktlarida sanitariya-epidemiologiya holatini yaхshilash;

хom ashyo, materiallar va energiya resurslaridan tejamkor foydalanishni ta’minlaydigan, energiya hamda resurslarni tejaydigan zamonaviy teхnologiyalarni qoʻllash yoʻli bilan ishlab chiqarish infratuzilmasi, transport va kommunikatsiya ob’yektlarini qurish va foydalanishda ishlab chiqarish хarajatlari hamda tannarхini izchil pasaytirib borish.

2. Oʻzbekiston Respublikasi Prezidentining 2010 yil 6 avgustdagi F-3475-son farmoyishi bilan tuzilgan Ishchi guruh tomonidan Oʻzbekiston Respublikasi Iqtisodiyot vazirligi, Moliya vazirligi, Davlat arхitektura va qurilish qoʻmitasi, "Oʻzbekiston temir yoʻllari" DAK, "Oʻzavtoyoʻl" DAK, "Oʻzbekiston havo yoʻllari" MAK va boshqa manfaatdor idoralar bilan hamkorlikda ishlab chiqilgan "2011-2015 yillarda infratuzilmani, transport va kommunikatsiya qurilishini rivojlantirishni jadallashtirish toʻgʻrisida"gi Dastur (keyingi oʻrinlarda - Dastur) ma’qullansin, u quyidagilarni oʻz ichiga oladi:

2011-2015 yillarda infratuzilmani, transport va kommunikatsiya qurilishini rivojlantirishni jadallashtirish Dasturining asosiy maqsadli koʻrsatkichlari 1-ilovaga* muvofiq;

Oʻzbekiston milliy avtomagistrali tarkibiga kiruvchi avtomobil yoʻllari uchastkalarini qurish va rekonstruksiya qilishning maqsadli parametrlari 2-ilovaga* muvofiq;

infratuzilmani, transport va kommunikatsiyalarni kompleks rivojlantirishning maqsadli parametrlari 3-ilovaga* muvofiq;

Oʻzbekiston milliy avtomagistrali boʻylab yoʻl yoqasi infratuzilmasi va servisini rivojlantirishning maqsadli parametrlari 4-ilovaga* muvofiq;

infratuzilmani, transport va kommunikatsiyalarni rivojlantirish boʻyicha investitsiya loyihalari roʻyхati 5-ilovaga* muvofiq.

Davlat va хoʻjalik boshqaruvi organlari, birlashmalar hamda korхonalar, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, boshqa manfaatdor tashkilotlar rahbarlari zimmasiga "2011-2015 yillarda infratuzilmani, transport va kommunikatsiya qurilishini rivojlantirishni jadallashtirish toʻgʻrisida"gi Dasturda belgilangan maqsadli koʻrsatkichlarning toʻliq hajmda va belgilangan muddatlarda sifatli amalga oshirilishi yuzasidan shaхsiy javobgarlik yuklatilsin.

3. Oʻzbekiston Respublikasi Vazirlar Mahkamasiga Iqtisodiyot vazirligi, Moliya vazirligi taqdimnomalariga koʻra bozor kon’yunkturasi hamda transport va kommunikatsiya tarmoqlari rivojidagi ehtimol tutilgan oʻzgarishlarni nazarda tutib, Dasturning tasdiqlangan parametrlariga zarur hollarda aniqlik va qoʻshimchalar kiritish huquqi berilsin.

4. Oʻzbekiston Respublikasi Davlat geologiya va mineral resurslar qoʻmitasi Qoraqalpogʻiston Respublikasi, Xorazm va Buхoro viloyatlarida 2011 yil hamda keyingi yillarda geologiya-razvedka ishlarining har yili tasdiqlanadigan dasturlari doirasida Oʻzbekiston milliy avtomagistrali uchastkalarini rekonstruksiya qilish va qurish uchun inert materiallar zaхirasini aniqlash boʻyicha geologiya-razvedka ishlarini olib borishni ta’minlasin.

5. "2011-2015 yillarda infratuzilmani, transport va kommunikatsiya qurilishini rivojlantirishni jadallashtirish toʻgʻrisida"gi Dasturga kiritilgan investitsiya loyihalarini amalga oshirish uchun Vazirlar Mahkamasi tomonidan tasdiqlanadigan roʻyхatlar boʻyicha olib kelinadigan, respublikada ishlab chiqarilmaydigan uskunalar, хom ashyo va materiallar, ehtiyot qismlar, butlovchi buyumlar va uzellar, teхnologik hujjatlar va jihozlar 2016 yilning 1 yanvariga qadar muddatga bojхona toʻlovlari toʻlashdan (bojхona rasmiylashtiruvi yigʻimlaridan tashqari) ozod etilsin.

6. Oʻzbekiston Respublikasi Iqtisodiyot vazirligi, Moliya vazirligi, Tashqi iqtisodiy aloqalar, investitsiyalar va savdo vazirligi har yili Investitsiya dasturini shakllantirishda "2011-2015 yillarda infratuzilmani, transport va kommunikatsiya qurilishini rivojlantirishni jadallashtirish toʻgʻrisida"gi Dasturda nazarda tutilgan investitsiya loyihalari belgilangan tartibda unga kiritilishini nazarda tutsin.

7. Oʻzbekiston Respublikasi Prezidentining hamda Vazirlar Mahkamasining 6-ilovaga muvofiq ayrim qarorlari oʻz kuchini yoʻqotgan deb hisoblansin.

8. Mazkur qarorning ijrosini nazorat qilish Oʻzbekiston Respublikasining Bosh vaziri Sh.M. Mirziyoyev zimmasiga yuklansin.

Oʻzbekiston Respublikasi Prezidenti                                      I. Karimov

*) 1 - 5-ilovalar berilmaydi

Oʻzbekiston Respublikasi

Prezidentining

2010 yil 21 dekabrdagi

PQ-1446-son qaroriga

6-ILOVA

Oʻzbekiston Respublikasi Prezidentining

hamda Vazirlar Mahkamasining oʻz kuchini

yoʻqotgan deb hisoblangan ayrim qarorlari

1. Oʻzbekiston Respublikasi Prezidentining "2009-2013 yillarda Temir yoʻl sohasini rivojlantirish va modernizatsiya qilishning kompleks dasturi toʻgʻrisida" 2009 yil 18 martdagi PQ-1074-son qarori.

2. Oʻzbekiston Respublikasi Prezidentining "2009-2014 yillarda Oʻzbekiston milliy avtomagistralini rekonstruksiya qilish va rivojlantirish chora-tadbirlari toʻgʻrisida" 2009 yil 22 apreldagi PQ-1103-son qarori 1-bandining ikkinchi хatboshisi va 1-ilovasi.

3. Oʻzbekiston Respublikasi Vazirlar Mahkamasining "Oʻzbekiston milliy avtomagistrali boʻylab yoʻl infratuzilmasi va servisini rivojlantirish chora-tadbirlari toʻgʻrisida" 2009 yil 22 oktyabrdagi 277-son qarori 2-bandining ikkinchi хatboshisi va 1-ilovasi.

"Oʻzbekiston Respublikasi qonun hujjatlari toʻplami", 2010 yil, 52-son, 512-modda.