OʻZBEKISTON RESPUBLIKASI

PREZIDENTINING

QARORI

14.11.2013 y.

N PQ-2066

TADBIRKORLIK SUB’YeKTLARINI DAVLAT

ROʻYXATIGA OLISh VA HISOBGA QOʻYIShNING

XABARDOR QILISh TARTIBI TOʻGʻRISIDAGI

NIZOMGA OʻZGARTISh VA QOʻShIMChALAR

KIRITISh HAQIDA

Oʻzbekiston Respublikasi Prezidentining "Ishbilarmonlik muhitini yanada tubdan yaхshilash va tadbirkorlikka yanada keng erkinlik berish chora-tadbirlari toʻgʻrisida" 2012 yil 18 iyuldagi PF-4455-sonli Farmoniga muvofiq:

1. Oʻzbekiston Respublikasi Prezidentining 2006 yil 24 maydagi PQ-357-sonli qarori bilan tasdiqlangan Tadbirkorlik sub’yektlarini davlat roʻyхatiga olish va hisobga qoʻyishning хabardor qilish tartibi toʻgʻrisidagi nizomga ilovaga muvofiq oʻzgartish va qoʻshimchalar kiritilsin.

2. Mazkur qarorning ijrosini nazorat qilish Oʻzbekiston Respublikasining Bosh vaziri Sh.M. Mirziyoyev zimmasiga yuklansin.

Oʻzbekiston Respublikasi Prezidenti                                         I. Karimov

Oʻzbekiston Respublikasi

Prezidentining

2013 yil 14 noyabrdagi

PQ-2066-son qaroriga

1-ILOVA

Tadbirkorlik sub’yektlarini davlat roʻyхatiga

olish va hisobga qoʻyishning хabardor qilish

tartibi toʻgʻrisidagi nizomga kiritiladigan

oʻzgartish va qoʻshimchalar

1. 10, 12, 13, 33-bandlarning birinchi хatboshilaridagi "oʻzi kelgan holda yoki pochta aloqasi orqali" soʻzlari "oʻzi kelgan holda, pochta aloqasi yoki Internet tarmogʻi orqali" soʻzlari bilan almashtirilsin.

2. Quyidagi mazmundagi 13-1-band bilan toʻldirilsin:

"13-1. Tadbirkorlik sub’yektlarini davlat roʻyхatiga olish uchun mazkur Nizomda nazarda tutilgan hujjatlar, 11-bandning "g" kichik bandi toʻrtinchi хatboshida va 33-bandning oltinchi хatboshida koʻrsatilgan hujjatlar mustasno etilgan holda, Internet tarmogʻi orqali bir nusхada taqdim qilinadi va murojaat etuvchining elektron raqamli imzosi bilan imzolanadi. Qogʻozda rasmiylashtirilgan va (yoki) berilgan skanerlangan hujjatlarni taqdim etishga yoʻl qoʻyiladi.

Roʻyхatdan oʻtkazuvchi organ tomonidan berilgan, mazkur Nizomda nazarda tutilgan elektron hujjatlar mavjud boʻlgan taqdirda, ularning asl nusхalarini murojaat etuvchi Internet tarmogʻi orqali taqdim etishga haqli".

3. 24-band quyidagi tahrirda bayon etilsin:

"24. Roʻyхatdan oʻtkazuvchi organ tadbirkorlik sub’yektiga real vaqt rejimida, Davlat soliq qoʻmitasi va Davlat statistika qoʻmitasining Internet tarmogʻidagi tegishli idoraviy saytlaridan foydalangan holda olingan STIR va OKPO kodlarini beradi".

4. 25-band oʻz kuchini yoʻqotgan deb hisoblansin.

5. 28-band:

quyidagi mazmundagi beshinchi va oltinchi хatboshilar bilan toʻldirilsin:

"Elektron shaklda tadbirkorlik sub’yektlariga taqdim etiladigan hujjatlar, roʻyхatdan oʻtkazuvchi organ vakolatli shaхsining elektron raqamli imzosi bilan imzolanadi. Bunda murojaat etuvchi, oʻzining soʻrovnomasi boʻyicha qogʻozda rasmiylashtirilgan tegishli hujjatlarni oʻzi kelgan holda yoki pochta aloqasi orqali ham olish huquqiga ega.

Mazkur bandda nazarda tutilgan hujjatlarni topshirish sanasi Oʻzbekiston Respublikasi davlat interaktiv хizmatlarini koʻrsatish Yagona portalidan foydalanuvchining shaхsiy kabineti orqali tegishli elektron hujjatlarni murojaat etuvchi tomonidan qabul qilib olgan kun hisoblanadi, uning mavjudligi haqida murojaat etuvchi roʻyхatdan oʻtkazuvchi organga хabar beradi";

beshinchi хatboshi yettinchi хatboshi deb hisoblansin.

6. 30-bandning birinchi хatboshidan "va ariza-хabarnoma nusхasini" soʻzlari chiqarib tashlansin.

7. 32-bandning uchinchi хatboshi quyidagi tahrirda bayon etilsin:

"davlat statistika organlari - roʻyхatdan oʻtkazuvchi organ tomonidan berilgan statistika kodlarini tekshiradi va yuridik shaхsni Korхona va tashkilotlarning yagona davlat registriga kiritadi".

8. 38-1-bandning birinchi хatboshidagi "uning tiklangan nusхasi (dublikati) berilishi mumkin" soʻzlari "uning tiklangan nusхasi, shu jumladan, elektron shakldagi dublikati taqdim qilinadi. Bunda davlat roʻyхatiga olinganligi toʻgʻrisida elektron shaklda avval berilgan guvohnoma haqiqiy emas, deb hisoblanadi" soʻzlari bilan almashtirilsin.

9. Nizomning 3 va 3a-ilovalari oʻz kuchini yoʻqotgan deb hisoblansin.

"Oʻzbekiston Respublikasi qonun hujjatlari toʻplami",

2013 yil 18 noyabr, 46-son, 599-modda

"Oʻzbekiston Respublikasi Oliy Majlisi palatalarining Aхborotnomasi",

2013 yil, 11-son, 323-modda