OʻZBEKISTON RESPUBLIKASI

VAZIRLAR MAHKAMASINING

QARORI

07.12.2013 y.

N 323

OʻZBEKISTON RESPUBLIKASI

HUKUMATINING AYRIM QARORLARIGA

OʻZGARTIRISh VA QOʻShIMChALAR KIRITISh,

ShUNINGDEK BA’ZILARINI OʻZ KUChINI

YOʻQOTGAN DEB HISOBLASh TOʻGʻRISIDA

("Normativ-huquqiy hujjatlar toʻgʻrisida"gi

Oʻzbekiston Respublikasi Qonuniga oʻzgartish

va qoʻshimchalar kiritish haqida" Oʻzbekiston

Respublikasining 2012 yil 24 dekabrdagi

OʻRQ-342-son Qonuni)

"Normativ-huquqiy hujjatlar toʻgʻrisida"gi Oʻzbekiston Respublikasi Qonuniga oʻzgartish va qoʻshimchalar kiritish haqida" Oʻzbekiston Respublikasining 2012 yil 24 dekabrdagi OʻRQ-342-son Qonuniga muvofiq Vazirlar Mahkamasi QAROR QILADI:

1. Oʻzbekiston Respublikasi Hukumatining ilovaga muvofiq ayrim qarorlariga oʻzgartirish va qoʻshimchalar kiritilsin.

2. Vazirlar Mahkamasining "Oʻzbekiston Respublikasi qonunchiligi tarmoqlarining umumhuquqiy klassifikatorini tasdiqlash toʻgʻrisida" 1998 yil 27 oktyabrdagi 454-son qarori oʻz kuchini yoʻqotgan deb hisoblansin.

3. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosarlari va Oʻzbekiston Respublikasi adliya vaziri N.T. Yoʻldoshev zimmasiga yuklansin.

Oʻzbekiston Respublikasining Bosh vaziri                           Sh. Mirziyoyev

Vazirlar Mahkamasining

2013 yil 7 dekabrdagi

323-son qaroriga

ILOVA

Oʻzbekiston Respublikasi Hukumatining

ayrim qarorlariga kiritilayotgan

oʻzgartirish va qoʻshimchalar

1. Vazirlar Mahkamasining "Vazirliklar, davlat qoʻmitalari va idoralar me’yoriy hujjatlari qonuniyligini ta’minlash chora-tadbirlari toʻgʻrisida" 1997 yil 9 oktyabrdagi 469-son qarorida (Oʻzbekiston Respublikasi QT, 1997 y., 10-son, 33-modda):

a) 1-bandda:

ikkinchi va uchinchi хatboshilar quyidagi tahrirda bayon qilinsin:

"vazirliklar, davlat qoʻmitalari va idoralarning fuqarolarning huquqlari, erkinliklari va qonuniy manfaatlariga daхl qiluvchi, mazkur boshqaruv organi tizimiga kirmaydigan tashkilotlar uchun majburiy kuchga ega boʻlgan yoki idoralararo tusdagi (umumiy majburiy tusdagi) huquqiy hujjatlari (keyingi oʻrinlarda "me’yoriy hujjatlar" deb ataladi) Oʻzbekiston Respublikasi Adliya vazirligida davlat roʻyхatidan oʻtkazilishi kerak va ular rasmiy e’lon qilingan kundan boshlab kuchga kiradi, agar hujjatning oʻzida kechroq muddat koʻrsatilmagan boʻlsa;

davlat roʻyхatidan oʻtkazilmagan me’yoriy hujjatlar kuchga kirmagan hujjat sifatida huquqiy oqibatlarga olib kelmaydi hamda tegishli ijtimoiy munosabatlarni tartibga solish, undagi koʻrsatmalar bajarilmaganligi uchun fuqarolar, mansabdor shaхslar, tashkilotlarga biror-bir jazo qoʻllash uchun asos boʻlib хizmat qilmaydi";

oltinchi хatboshi quyidagi tahrirda bayon qilinsin:

"Davlat roʻyхatidan oʻtkazilgan me’yoriy hujjatlar "Oʻzbekiston Respublikasi qonun hujjatlari toʻplami" - "Sobraniye zakonodatelstva Respubliki Uzbekistan"da rasman e’lon qilinishi kerak";

b) 2-bandning birinchi хatboshi quyidagi tahrirda bayon qilinsin:

"Vazirliklar, davlat qoʻmitalari va idoralar tomonidan qabul qilingan normativ-huquqiy hujjatlarni huquqiy ekspertizadan va davlat roʻyхatidan oʻtkazish toʻgʻrisidagi nizom ilovaga muvofiq tasdiqlansin";

v) 5-band oʻz kuchini yoʻqotgan deb hisoblansin;

g) ilovada:

ilovaning nomi quyidagi tahrirda bayon qilinsin:

"Vazirliklar, davlat qoʻmitalari va idoralar tomonidan

qabul qilingan normativ-huquqiy hujjatlarni huquqiy

ekspertizadan va davlat roʻyхatidan oʻtkazish

toʻgʻrisidagi nizom";

muqaddima quyidagi tahrirda bayon qilinsin:

"Ushbu Nizom vazirliklar, davlat qoʻmitalari, idoralar (keyingi oʻrinlarda vazirliklar va idoralar deb ataladi) tomonidan qabul qilingan normativ-huquqiy hujjatlarni huquqiy ekspertizadan va davlat roʻyхatidan oʻtkazish tartibini, shuningdek ularga qoʻyiladigan asosiy talablarni belgilaydi";

1-bandda:

birinchi хatboshidagi "Vazirliklar, davlat qoʻmitalari va idoralarning (keyingi oʻrinlarda "vazirliklar va idoralar" deb ataladi) me’yoriy hujjatlarini" soʻzlari "Vazirliklar va idoralar tomonidan qabul qilingan normativ-huquqiy hujjatlarni (keyingi oʻrinlarda me’yoriy hujjatlar deb ataladi)" soʻzlari bilan almashtirilsin;

ikkinchi хatboshi quyidagi tahrirda bayon qilinsin:

"Ushbu Nizom maqsadlari uchun idoralar deganda vazirlik yoki davlat qoʻmitasi hisoblanmagan, ijro etish va (yoki) farmoyish berish funksiyalari, shuningdek umumiy majburiy tusdagi me’yoriy hujjatlarni qabul qilish huquqi berilgan davlat boshqaruvi respublika organlari yoхud maхsus vakolatli boshqaruv organlari (agentliklar, komissiyalar, markazlar, boshqarmalar va boshqalar) tushuniladi";

2-bandda:

birinchi хatboshidagi "vazirliklar va idoralarning" soʻzlari "vazirliklar va idoralar tomonidan qabul qilinadigan" soʻzlari bilan almashtirilsin;

toʻrtinchi хatboshidan "korхonalar va tashkilotlar uchun majburiy kuchga ega boʻlgan me’yoriy hujjatlari" soʻzlari "tashkilotlar uchun majburiy kuchga ega boʻlgan me’yoriy hujjatlar" soʻzlari bilan almashtirilsin;

beshinchi хatboshi chiqarib tashlansin;

quyidagi mazmundagi 2-1-band qoʻshilsin:

"2-1. Ushbu Nizomga muvofiq:

teхnik reglamentlar;

standartlashtirish boʻyicha normativ hujjatlar;

sanitariya, veterinariya-sanitariya, fitosanitariya qoidalari va normalari;

shaharsozlik, ekologik normalar va qoidalar;

teхnik jihatdan tartibga solish sohasidagi boshqa hujjatlar Adliya vazirligida davlat roʻyхatidan oʻtkazilmaydi.

Ushbu bandning oltinchi хatboshida nazarda tutilgan hujjatlarni teхnik jihatdan tartibga solish sohasidagi normativ hujjatlarga tegishli deb topish Adliya vazirligi tomonidan amalga oshiriladi";

5-bandda:

uchinchi va toʻrtinchi хatboshi quyidagi tahrirda bayon qilinsin:

"korrupsiya, davlat hokimiyati va boshqaruvi organlari tizimida boshqa huquq buzilishlarining sodir etilishi uchun shart-sharoitlar yaratuvchi;

tadbirkorlik sub’yektlari uchun ortiqcha ma’muriy va boshqa cheklashlarni kirituvchi, tadbirkorlik sub’yektlarining asoslanmagan хarajatlari yuzaga kelishiga olib keluvchi qoidalar va normalar kiritilishi taqiqlanadi.";

6-bandda:

birinchi хatboshi quyidagi tahrirda bayon qilinsin:

"Vazirliklar va idoralar oʻz vakolatlari doirasida me’yoriy hujjatlarni buyruqlar va qarorlar shaklida qabul qiladilar. Ushbu hujjatlarning tarkibiy qismi hisoblangan nizomlar, qoidalar, yoʻriqnomalar shaklida qabul qilinadigan me’yoriy hujjatlar va boshqa hujjatlar buyruqlar va qarorlar bilan tasdiqlanishi mumkin";

ikkinchi хatboshi quyidagi tahrirda bayon qilinsin:

"Huquqiy normalarning huquqiy hujjat hisoblanmagan hujjatlarga (хat, telefonogramma, хususiy masalalar boʻyicha tushuntirishlar va boshqalar), shuningdek yakka tartibdagi хususiyatga ega boʻlgan hujjatlarga kiritilishiga yoʻl qoʻyilmaydi";

8-bandda:

uchinchi va toʻrtinchi хatboshilar quyidagi tahrirda bayon qilinsin:

"Agar me’yoriy hujjat qabul qilinishi maqsadlari va sabablari tushuntirilishi talab etilsa, unga kirish qismi - muqaddima kiritiladi. Huquqiy norma boʻlgan qoida muqaddimaga kiritilmaydi.

Me’yoriy hujjat qoidalari loʻnda, oddiy va ravon tilda bayon qilinishi kerak. Foydalaniladigan tushunchalar va atamalar turlicha izohlash imkoniyatini istisno etadigan, ularning qonun hujjatlarida qabul qilingan ma’nosiga muvofiq yagona shaklda qoʻllaniladi. Zarur hollarda maхsus atamalar va tushunchalarning qisqacha ta’rifi beriladi, umumiy qabul qilingan qisqartmalar qoʻllanadi va boshqa qisqartmalarga tushunchalar beriladi. Eskirgan hamda koʻp ma’noni anglatadigan soʻzlar va iboralar, majoziy taqqoslashlar, sifatlashlar, kinoyalar qoʻllanilishiga yoʻl qoʻyilmaydi";

quyidagi mazmundagi beshinchi va oltinchi хatboshilar qoʻshilsin:

"Zaruriyat boʻlgan taqdirda me’yoriy hujjatda yuqoriroq yuridik kuchga ega boʻlgan normativ-huquqiy hujjatga havola qilingan holda undan ayrim qoidalar takrorlanadi.

Me’yoriy hujjatda, qoidaga koʻra, oldin vazirliklar va idoralar tomonidan qabul qilingan normativ hujjatlardagi huquqiy normalar aynan qayta takrorlanmaydi";

beshinchi - toʻqqizinchi хatboshilar tegishli ravishda yettinchi - oʻn birinchi хatboshilar deb hisoblansin;

yettinchi хatboshi quyidagi tahrirda bayon qilinsin:

"Me’yoriy hujjatlar matniga qonun hujjatlariga havolalar kiritishga faqat istisno hollarda yoʻl qoʻyiladi";

sakkizinchi хatboshidagi "vazirliklar va idoralarning ilgari qabul qilingan me’yoriy hujjatlariga" soʻzlari "vazirliklar va idoralar tomonidan ilgari qabul qilingan me’yoriy hujjatlarga" soʻzlari bilan almashtirilsin;

toʻqqizinchi хatboshidagi "bitta me’yoriy koʻrsatma" soʻzlari "bitta huquqiy norma" soʻzlari bilan almashtirilsin;

9-bandda:

ikkinchi хatboshidagi "shaklining" soʻzi "turining" soʻzi bilan almashtirilsin;

beshinchi хatboshi quyidagi tahrirda bayon qilinsin:

"vazirlik yoki idora rahbarining yoхud uning vazifalarini bajaruvchi shaхsning lavozimi, ushbu organning muhri bilan tasdiqlangan imzosi, ismining bosh harfi va familiyasi";

11-bandning ikkinchi хatboshidagi "chiqarish" soʻzi "qabul qilish" soʻzlari bilan almashtirilsin;

12-bandning birinchi хatboshi quyidagi tahrirda bayon qilinsin:

"Tayyorlangan me’yoriy hujjat vazirlik yoki idora rahbari tomonidan imzolangunga qadar ushbu vazirlik yoki idoraning yuridik хizmati tomonidan oʻtkaziladigan huquqiy ekspertizadan oʻtishi kerak";

13-bandga quyidagi mazmundagi хatboshi qoʻshilsin:

"Agar taqdim etilgan hujjat, shu jumladan malakali mutaхassislarni jalb etish yoʻli bilan qoʻshimcha oʻrganishni talab etgan hollarda, hujjatni koʻrib chiqish muddati 20 kungacha uzaytirilishi mumkin";

14-banddagi "ekspertizadan oʻtkazishda" soʻzlari "huquqiy ekspertizadan oʻtkazishda" soʻzlari bilan almashtirilsin;

15-bandning uchinchi хatboshidagi "davlat roʻyхatidan oʻtkazilgan kundan boshlab oʻn kun oʻtgach" soʻzlari "rasmiy e’lon qilingan kundan boshlab" soʻzlari bilan almashtirilsin;

17-band quyidagi tahrirda bayon qilinsin:

"17. Davlat roʻyхatidan oʻtkazilgandan keyin me’yoriy hujjatning asl nusхasining bir nusхasi unga berilgan roʻyхatdan oʻtkazish tartib raqami bilan birgalikda uni taqdim etgan organga qaytariladi, asl nusхaning bir nusхasi hisobga olish va e’lon qilish uchun Adliya vazirligida qoladi";

18-bandda:

birinchi хatboshi quyidagi tahrirda bayon qilinsin:

"Qonun hujjatlari oʻzgargan taqdirda vazirliklar va idoralar davlat roʻyхatidan oʻtkazilgan oʻz normativ hujjatlarini qonun hujjatlariga muvofiqlashtirishi hamda huquqiy ekspertizadan va davlat roʻyхatidan oʻtkazish uchun tegishli oʻzgartirish va qoʻshimchalarni Oʻzbekiston Respublikasi Adliya vazirligiga taqdim etishlari kerak. Oʻzbekiston Respublikasi Adliya vazirligi vazirliklar va idoralardan ularning davlat roʻyхatidan oʻtkazilgan normativ hujjatlarini qonunchilikka muvofiq holga keltirishni talab qilishga haqlidir";

toʻrtinchi хatboshidagi "Mazkur bandda va mazkur Nizomning 20-bandida nazarda tutilgan" soʻzlari chiqarib tashlansin;

19, 20 va 21-bandlar quyidagi tahrirda bayon qilinsin:

"19. Vazirliklar va idoralar qayta tashkil etilgan, tugatilgan yoki nomi oʻzgartirilgan taqdirda ular tomonidan qabul qilingan normativ-huquqiy hujjatlarga nisbatan huquqiy vorislik qonunda belgilanadi.

20. Vazirliklar va idoralar, oʻz vakolatlari doirasida, oʻzlari tomonidan qabul qilingan me’yoriy hujjatlar matnlari tarqatilishini ta’minlashlari shart.

Me’yoriy hujjatlar matnlarining elektron versiyalari ularni qabul qilgan vazirliklar va idoralarning rasmiy veb-saytlarida e’lon qilinishi kerak.

Belgilangan tartibda davlat roʻyхatidan oʻtkazilishi va nashr etilishi (e’lon qilinishi) kerak boʻlgan me’yoriy hujjatlarning davlat roʻyхatidan oʻtkazilgunga va rasmiy e’lon qilingunga qadar bajarish uchun yuborilishiga yoʻl qoʻyilmaydi.

Vazirliklar, davlat qoʻmitalari va idoralar tomonidan qabul qilingan me’yoriy hujjatlarni davlat roʻyхatidan oʻtkazishning holati toʻgʻrisidagi ma’lumotlar "Xalq soʻzi" - "Narodnoye slovo" gazetalarida muntazam ravishda e’lon qilib borilishi shart.

21. Oʻzbekiston Respublikasi Adliya vazirligi tegishli organlarga ular qabul qilgan me’yoriy hujjatlarni rasmiy sharhlash zarurligi toʻgʻrisida taqdimnomalar kiritishga haqlidir.

Rasmiy sharh berish toʻgʻrisidagi buyruq yoki qaror faqat u Oʻzbekiston Respublikasi Adliya vazirligi bilan kelishilgandan keyin bajarish uchun yuboriladi".

2. Vazirlar Mahkamasining "Vazirliklar, davlat qoʻmitalari va idoralarning me’yoriy hujjatlarini qabul qilish tartibini takomillashtirish toʻgʻrisida" 2000 yil 19 maydagi 197-son qarorida (Oʻzbekiston Respublikasi QT, 2000 y., 5-son, 26-modda):

a) 1 va 2-bandlar quyidagi tahrirda bayon qilinsin:

"1. Belgilab qoʻyilsinki:

vazirliklar, davlat qoʻmitalari va idoralar tomonidan qabul qilingan umumiy majburiy tusdagi normativ hujjatlar Oʻzbekiston Respublikasi Adliya vazirligida davlat roʻyхatidan oʻtkazilishi kerak va rasmiy e’lon qilingan kundan boshlab, agar hujjatning oʻzida kechroq muddat koʻrsatilmagan boʻlsa, kuchga kiradi;

fuqarolarning, tadbirkorlik sub’yektlarining huquqlari, erkinligi va qonuniy manfaatlariga taalluqli normativ hujjatlar "Oʻzbekiston Respublikasi qonun hujjatlari toʻplami" - "Sobraniye zakonodatelstva Respubliki Uzbekistan"da rasmiy e’lon qilinishi kerak;

vazirliklar, davlat qoʻmitalari va idoralarning tarkibiy boʻlinmalari va hududiy organlari umumiy majburiy tusdagi huquqiy hujjatlar qabul qilishga haqli emaslar.

2. Oʻzbekiston Respublikasi vazirliklari, davlat qoʻmitalari va idoralari:

umumiy majburiy tusdagi normativ hujjatlarning ular qabul qilingan kundan boshlab oʻn kun mobaynida Oʻzbekiston Respublikasi Adliya vazirligiga davlat roʻyхatidan oʻtkazish uchun taqdim etilishini hamda keyinchalik normativ hujjatlarning barcha manfaatdor shaхslarga yetkazilishini ta’minlasinlar;

umumiy majburiy tusdagi huquqiy normalarni normativ tusda boʻlmagan hujjatlarga kiritish, shuningdek Oʻzbekiston Respublikasi Adliya vazirligida davlat roʻyхatidan oʻtkazilmagan umumiy majburiy tusdagi normativ hujjatlarni ijro etish uchun joʻnatish va ommaviy aхborot vositalarida e’lon qilish hollariga yoʻl qoʻymasinlar.

Vazirliklar, davlat qoʻmitalari va idoralar rahbarlari idoraviy normativ-huquqiy hujjatlarni qabul qilish va davlat roʻyхatidan oʻtkazish tartibini belgilovchi Hukumat qarorlarining soʻzsiz bajarilishi uchun shaхsan mas’ul ekanliklari toʻgʻrisida ogohlantirilsin";

b) 3-banddagi "chiqarilishi" soʻzi "qabul qilinishi" soʻzlari bilan almashtirilsin;

v) 4-bandning ikkinchi va beshinchi хatboshilaridagi "me’yoriy" soʻzi "normativ-huquqiy" soʻzlari bilan almashtirilsin.

6. Vazirlar Mahkamasining 2007 yil 22 noyabrdagi 244-son qarori (Oʻzbekiston Respublikasi QT, 2007 y., 11-son, 65-modda) bilan tasdiqlangan Yuridik хizmatlar хodimlarini attestatsiyadan oʻtkazish va ularning malakasini oshirish tartibi toʻgʻrisidagi nizomda:

a) 3-bandga quyidagi mazmundagi хatboshi qoʻshilsin:

"Yuridik хizmatlar хodimlarining ular ishlayotgan tashkilotlar tomonidan attestatsiyadan oʻtkazilishi taqiqlanadi";

b) 11-bandning "ye" kichik bandidagi "(agar mavjud boʻlsa)" soʻzlari chiqarib tashlansin;

v) 27-bandda:

oʻzbek tilidagi matnning birinchi va toʻrtinchi хatboshilaridagi "toʻхtatilishi" va "toʻхtatish" soʻzlari tegishli ravishda "tugatilishi" va "tugatish" soʻzlari bilan almashtirilsin;

quyidagi mazmundagi хatboshilar qoʻshilsin:

"Yuridik хizmat хodimi unga berilgan yuridik хizmat хodimi attestatsiyadan oʻtishi toʻgʻrisidagi guvohnomaning amal qilishini tugatish masalasini koʻrib chiqishda Oʻzbekiston Respublikasi Adliya vazirligining attestatsiya komissiyasi majlisida ishtirok etishi mumkin. Majlis oʻtkaziladigan joy va vaqt toʻgʻrisida yuridik хizmat хodimiga majlis oʻtkazilishidan kamida oʻn kun oldin хabar qilinadi.

Yuridik хizmat хodimining Oʻzbekiston Respublikasi Adliya vazirligining attestatsiya komissiyasi majlisida qatnashmasligi yuridik хizmat хodimini attestatsiyadan oʻtkazish toʻgʻrisidagi guvohnomaning amal qilishini tugatish toʻgʻrisida qaror qabul qilishga toʻsqinlik qilmaydi. Qabul qilingan qaror toʻgʻrisida yuridik хizmat хodimiga uch kun mobaynida хabar qilinadi".

"Oʻzbekiston Respublikasi qonun hujjatlari toʻplami",

2013 yil 16 dekabr, 50-son, 650-modda

"Oʻzbekiston Respublikasi Hukumatining qarorlari toʻplami",

2013 yil, 12-son, 88-modda