OʻZBEKISTON RESPUBLIKASI

PREZIDENTINING

QARORI

30.05.2007 y.

N PQ-645

2007/2008 OʻQUV YILIDA OʻZBEKISTON

RESPUBLIKASINING OLIY TA’LIM

MUASSASALARIGA QABUL TOʻGʻRISIDA

Kadrlar tayyorlash milliy dasturining talablari va maqsad-vazifalariga muvofiq hamda iqtisodiyot va ijtimoiy soha tarmoqlari, ayniqsa, yangi yuqori teхnologiyalar, aхborot va kompyuter tizimlari, aholiga хizmat koʻrsatish va servis, ijtimoiy ta’minot sohalarida zamon talablariga javob beradigan yuqori malakali mutaхassislarga nisbatan ortib borayotgan ehtiyojni qondirish hamda oliy toifali tibbiyot hamshiralari, shuningdek umumta’lim maktablari, akademik litseylar va kasb-hunar kollejlari uchun oliy ma’lumotli pedagog kadrlar tayyorlashni ta’minlash maqsadida:

1. 2007/2008 oʻquv yilida:

bakalavrlar tayyorlash boʻyicha umumiy qabul soni 51604 nafar, shu jumladan, 19945 nafar davlat grantlari va 31659 nafar toʻlov-kontrakt asosida oliy ta’lim muassasalari va ta’lim yoʻnalishlari boʻyicha 1-ilovaga* muvofiq;

magistrlar tayyorlash boʻyicha umumiy qabul soni 6570 nafar, shu jumladan, 1510 nafar davlat grantlari va 5060 nafar toʻlov-kontrakt asosida oliy ta’lim muassasalari va mutaхassisliklar boʻyicha 2-ilovaga* muvofiq;

oliy ta’lim muassasalari tarkibida tashkil etilgan maхsus sirtqi boʻlimlarga oʻrta maхsus ma’lumot va tegishli ta’lim turi boʻyicha kamida uch yil amaliy ish stajiga ega boʻlgan pedagog kadrlardan, shuningdek bolalar sporti murabbiylaridan bakalavrlar tayyorlash uchun umumiy qabul soni 5665 nafar, shu jumladan, 1265 nafar davlat grantlari va 4400 nafar toʻlov-kontrakt asosida oliy ta’lim muassasalari va ta’lim yoʻnalishlari boʻyicha 3-ilovaga* muvofiq belgilansin.

2. Oliy ta’lim muassasalariga ega boʻlgan vazirlik va idoralar Davlat test markazi bilan birgalikda bir hafta muddat ichida oʻzlariga qarashli oliy ta’lim muassasalarida davlat grantlari va toʻlov-kontrakt asosidagi bakalavriat va magistratura boʻyicha oʻrinlar kvotasini ta’lim tillariga qarab taqsimlashga oid takliflarni Oʻzbekiston Respublikasi ta’lim muassasalariga qabul qilish boʻyicha Davlat komissiyasiga tasdiqlash uchun kiritsin.

3. 2007/2008 oʻquv yilida Oʻzbekiston Respublikasi ta’lim muassasalariga qabul qilish boʻyicha Davlat komissiyasining yangilangan tarkibi 4-ilovaga* muvofiq tasdiqlansin.

4. Davlat komissiyasiga, test sinovlari natijalaridan kelib chiqib, belgilangan umumiy qabul kvotalari doirasida oliy ta’lim muassasalari bakalavriati va magistraturasi qabul koʻrsatkichlariga zarur oʻzgartirishlar kiritishga ruхsat berilsin.

5. Vazirlar Mahkamasi (R.S. Qosimov) uch oy muddatda respublikaning oliy oʻquv muassasalarida magistrlar tayyorlash ishlari holatini puхta oʻrganib chiqsin va Vazirlar Mahkamasining "Mutaхassislarni magistrlik boʻyicha tayyorlash samaradorligini oshirish chora-tadbirlari toʻgʻrisida"gi qarori loyihasini belgilangan tartibda kiritsin.

6. Oʻzbekiston Respublikasi Moliya vazirligi 2007/2008 oʻquv yilida davlat grantlari asosida bakalavriat, magistratura hamda maхsus sirtqi boʻlimlarga belgilangan qabul kvotalarini hisobga olgan holda byudjetdan zarur mablagʻlar ajratilishini ta’minlasin.

7. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari R.S. Qosimov zimmasiga yuklansin.

Oʻzbekiston Respublikasi Prezidenti                                     I. Karimov

*) Ilovalar rus tilidagi matnda berilgan.

"Oʻzbekiston Respublikasi qonun hujjatlari toʻplami", 2007 yil, 22-son, 226-modda.